| e-texts navigator |
| Wylie |
184b1 ནི་ལྡོག་པ་རྣམས། །སྨྲ་བའི་མཆོག་གིས་བདག་ལ་གསུངས། །ཡོད་དང་མེད་ལས་རྣམ་གྲོལ་ཞིང་། །རྒྱུ་དང་འབྲས་བུ་མི་འཇིག་པའི། །ས་ཡི་རིམ་པའི་མཚམས་སྦྱོར་བ། །པད་མོའི་སྤྱན་གྱིས་བདག་ལ་གསུངས། །འཇིག་རྟེན་མཐའ་གཉིས་ལྷུང་བ་ནི། །ལྟ་བས་རྣམ་པར་དཀྲུགས
184b2 གྱུར་པས། །སྐྱེ་དང་མི་སྐྱེ་ལ་སོགས་ཕྱིར། །ཞི་བ་ཡི་ནི་རྒྱུ་མི་རྟོགས། །ང་ལ་དཀྱིལ་འཁོར་གང་ཡང་མེད། །ང་ནི་ཆོས་ཉིད་མི་འཆད་དེ། །གཉིས་ཡོད་ན་ནི་ཉེས་པར་འགྱུར། །གཉིས་ནི་སངས་རྒྱས་རྣམས་ཀྱིས་སྦྱངས། །སྟོང་པ་སྐད་ཅིག་དངོས་པོ་རྣམས། །རང་བཞིན་མེད
184b3 ཅིང་སྐྱེ་མེད་པ། །ལྟ་ངན་སྨྲ་བས་གཡོགས་པ་རྟོག་།དེ་བཞིན་གཤེགས་པ་རྣམས་ཀྱིས་མིན། །ཇི་ལྟར་རྣམ་པ་གང་དག་གིས། །ཡུལ་ལ་མངོན་སུམ་འགྱུར་བ་དང་། །རྣམ་པར་རྟོག་པ་རབ་འཇུག་དང་། །ལྡོག་པ་བདག་ལ་བཤད་དུ་གསོལ། །ཁ་དོག་རྒྱས་དང་ལྡན་པའི
184b4 ཕྱིར། །སྤྲོས་པ་རྣམས་ཀྱིས་བསྡུས་པའི་གཟུགས། །མཐོང་ནས་ཕྱི་རོལ་དག་ཏུ་ཡང་། །རྣམ་པར་རྟོག་པ་རབ་ཏུ་འཇུག་།དེ་ཉིད་ཡོངས་སུ་ཤེས་པ་དང་། །ཡང་དག་ཇི་བཞིན་དོན་མཐོང་ཕྱིར། །འཕགས་པའི་རིགས་དང་འཐུན་པ་ཡི། །སེམས་ནི་མངོན་པར་མི་འཇུག་གོ། །
184b5 འབྱུང་བ་རྣམས་ནི་མ་གཏོགས་པར། །དངོས་པོ་སྐྱེ་བ་མེད་པ་སྟེ། །རྟག་པར་འབྱུང་བ་འདྲ་བའི་སེམས། །མ་སྐྱེས་པར་ནི་རྣམ་པར་བསྒོམ། །རྣམ་པར་རྟོག་ལ་མ་རྟོག་ཤིག་།རྣམ་པར་རྟོག་མེད་མཁས་པའོ། །རྣམ་པར་རྟོག་ལ་བརྟགས་གྱུར་ན། །གཉིས་མིན་མྱ་ངན
184b6 འདས་མ་ཡིན། །མི་སྐྱེ་བར་ནི་དམ་བཅས་པའི། །ཚུལ་ནི་སྒྱུ་མ་བཞིན་དུ་སྣང་། །སྒྱུ་མ་རྒྱུ་མེད་བྱུང་བ་སྟེ། །གྲུབ་མཐའ་འདས་ཤིང་ཉམས་པར་འགྱུར། །ཐོག་མ་མེད་ནས་བསྒོམས་པ་ཡི། །སེམས་ནི་གཟུགས་བརྙན་བཞིན་དུ་སྣང་། །དོན་ལྟ་བུ་སྟེ་དོན་མེད་མིན། །
184b7 ཡང་དག་ཇི་བཞིན་རྣམ་པར་བསྒོམ། །མེ་ལོང་ལ་ནི་ཇི་ལྟར་གཟུགས། །གཅིག་དང་ཐ་དད་ཉིད་སྤངས་པ། །སྣང་སྟེ་དེ་ནི་མེད་པའང་མིན། །སྐྱེ་བའི་མཚན་ཉིད་དེ་བཞིན་ནོ། །དྲི་ཟ་སྒྱུ་མ་ལ་སོགས་དག་།རྒྱུ་དང་རྐྱེན་ལ་ལྟོས་པ་ལྟར། །དེ་བཞིན་དངོས་པོ་ཐམས་ཅད་ཀྱི། །འབྱུང་བ
iiif viewer powered by OpenSeadragon
