| e-texts navigator |
| Wylie |
184a1 ཀྱི། །རང་བཞིན་བརྟག་པར་མི་བྱའོ། །གཟུགས་ལས་སྟོང་པ་གཞན་མ་ཡིན། །མི་སྐྱེ་བ་ཡང་དེ་བཞིན་ཏེ། །གཞན་མ་ཡིན་ཕྱིར་མི་བརྟག་གོ། །ལྟ་བའི་ཉེས་པར་རབ་ཏུ་འགྱུར། །དངོས་པོའི་མཚན་ཉིད་གཟུང་བའི་ཕྱིར། །ཀུན་རྟོག་རྣམ་པར་རྟོག་པའོ། །ཡོངས་སུ
184a2 རྟོག་པ་བཟུང་བས་ན། །རིང་ཐུང་ཟླུམ་ལ་སོགས་པའོ། །སེམས་ནི་ཀུན་ཏུ་རྟོག་པ་ཡིན། །ཡིད་ནི་ཡོངས་སུ་རྟོག་པ་སྟེ། །ཡིད་ཀྱི་རྣམ་ཤེས་རྣམ་རྟོག་ནི། །མཚན་དང་མཚན་གྱི་གཞི་སྤངས་པ། །གང་ཡང་མུ་སྟེགས་མི་སྐྱེ་དང་། །གང་ཡང་ང་ཡི་ཚུལ་བལྟ་བས། །རྟོག་པ་དེ་ནི་ཁྱད་པར
184a3 མེད། །ལྟ་བའི་ཉེས་པར་རབ་ཏུ་འགྱུར། །དགོངས་དང་སྐྱེ་བ་མེད་པ་དང་། །སྐྱེ་བ་མེད་པའི་དོན་ཉིད་དེ། །རིགས་པ་ཤེས་པ་སུས་ཤེས་པ། །དེ་དག་ང་ཡི་ཚུལ་ཤེས་སོ། །དགོས་པ་ལྟ་བ་དགོངས་པ་དང་། །མི་སྐྱེ་བ་ནི་གནས་མེད་པ། །དོན་གཉིས་ཡོངས་སུ་ཤེས་པ་ནི། །སྐྱེ
184a4 བ་མེད་པར་ངས་བཤད་དོ། །དངོས་པོ་མ་སྐྱེ་རྣམས་མཆིས་སམ། །འོན་ཏམ་ལགས་སམ་ཐུབ་ཆེན་གསུངས། །རྒྱུ་མེད་སྨྲ་དང་མི་མཉམ་དང་། །མེད་དང་ཆོས་རྣམས་འདྲེས་པར་འགྱུར། །རྒྱུ་མེད་སྨྲ་དང་མི་སྐྱེ་དང་། །མི་མཉམ་མུ་སྟེགས་ལྟ་བ་སྟེ། །ཡོད་དང་མེད་ལས
184a5 རྣམ་གྲོལ་བས། །སེམས་ཙམ་དུ་ནི་ངས་བཤད་དོ། །ལྟ་བའི་རྒྱུ་ལས་བྱུང་བ་ཡི། །སྐྱེ་དང་མི་སྐྱེ་སྤང་བར་བྱོས། །རྒྱུ་མེད་སྨྲ་བས་མི་སྐྱེ་དང་། །སྐྱེ་བས་རྒྱུ་ཡི་གནས་སུ་འགྱུར། །ལྷུན་གྱིས་གྲུབ་ལ་བྱ་བ་མེད། །གལ་ཏེ་བྱ་ཡོད་ལྟ་འདྲེས་འགྱུར། །ཐབས་དང་སྨོན་ལམ་ལ་སོགས་པས། །
184a6 ལྟ་བ་ཉིད་ནི་བདག་ལ་གསུངས། །ཆོས་རྣམས་ཐམས་ཅད་མེད་པའི་ཕྱིར། །ཇི་ལྟ་བུར་ན་དཀྱིལ་འཁོར་སྐྱེ། །གཟུང་དང་འཛིན་དང་བྲལ་བའི་ཕྱིར། །འཇུག་པ་མེད་ཅིང་ལྡོག་པ་མེད། །དངོས་པོ་ལས་ནི་དངོས་གཞན་མཐོང་། །སེམས་ཀྱང་དེ་ལས་བྱུང་བ་སྟེ། །ཆོས་རྣམས་ཀྱི
184a7 ནི་སྐྱེ་མེད་པ། །དེ་ནི་ཇི་ལྟར་བདག་ལ་གསུངས། །གལ་ཏེ་སེམས་ཙམ་མི་ཤེས་ན། །དེ་ཡི་ཕྱིར་ནི་དེ་བཤད་དོ། །ཐུབ་ཆེན་བཤད་པ་ཐམས་ཅད་ལ། །སྔ་མ་དང་ནི་ཕྱི་མར་འགལ། །མུ་སྟེགས་ལྟ་བས་རྣམ་གྲོལ་བ། །མི་མཉམ་རྒྱུ་མེད་སྤངས་པ་ཡི། །འཇུག་པ་དང
iiif viewer powered by OpenSeadragon
