| e-texts navigator |
| Wylie |
183b1 ལམ་གྱི་རྣམས། །རྒྱལ་སྲས་རྣམས་ལ་རབ་ཏུ་བཤད། །རང་བཞིན་གསུམ་ལ་འཛིན་པ་ཡིས། །སོ་སོའི་སྐྱེ་བོའི་གཟུང་འཛིན་ལྟ། །འཇིག་རྟེན་འདས་དང་འཇིག་རྟེན་པའི། །ཆོས་རྣམས་རྣམ་པར་རྟོག་པར་བྱེད། །དེ་ཕྱིར་སྔོན་ལ་བལྟ་བྱ་སྟེ། །རང་བཞིན་རྣམས་ནི་སྨོས་པར
183b2 བྱ། །ལྟ་བ་རྣམས་ནི་བཟློག་པའི་ཕྱིར། །རང་བཞིན་རྣམ་པར་མི་བརྟག་གོ། །ཉམས་པའི་ཉེས་ཕྱིར་སྡོམ་པ་མེད། །སེམས་ཀྱང་འཇུག་པར་མི་འགྱུར་རོ། །གཉིས་སུ་འཛིན་ཕྱིར་འཇུག་པར་འགྱུར། །དེ་བཞིན་ཉིད་ནི་གཉིས་མེད་ཡིན། །མི་ཤེས་པ་དང་སྲེད་པ་ལས། །རྣམ
183b3 ཤེས་ལ་སོགས་ཚུལ་མ་སྐྱེས། །མཐར་ཐུག་མེད་དང་བྱས་པ་དང་། །སྲིད་པ་བྱས་ལས་མི་སྐྱེའོ། །དངོས་པོ་རྣམས་ཀྱི་འཇིག་པ་ནི། །མི་མཁས་རྣམས་ཀྱིས་རྣམ་བཞིར་བཤད། །རྣམ་པར་རྟོག་པ་གཉིས་འཇུག་ཕྱིར། །དངོས་པོ་ཡོད་དང་དངོས་མེད་མེད། །མཐའ་བཞི་དག་ལས་གྲོལ
183b4 བ་ཡི། །ལྟ་བ་གཉིས་པོ་རྣམ་སྤངས་པ། །མཐོང་ནས་རྣམ་རྟོག་གཉིས་འཇུག་ནི། །མངོན་པར་འཇུག་པར་མི་འགྱུར་རོ། །མ་སྐྱེས་པ་ཡི་དངོས་པོ་རྣམས། །བློ་ནི་རྣམ་པར་ལྡང་བའི་ཕྱིར། །སྐྱེས་པའི་དངོས་པོ་དག་ལ་ཡང་། །དེ་དང་འདྲ་ཕྱིར་མི་བརྟག་གོ། །ཇི་ལྟར་བདག་དང་གཞན
183b5 རྣམས་ནི། །རྟག་ཏུ་ཡོད་མེད་མ་འདྲེས་པར། །ལྟ་བ་རྣམ་གཉིས་བཟློག་པ་ཡི། །རིགས་པ་མགོན་པོ་བདག་ལ་གསུངས། །མུ་སྟེགས་སྨྲ་དང་མ་འདྲེས་ཤིང་། །རང་རྒྱལ་ཉན་ཐོས་རྣམས་སྤངས་པ། །རྒྱལ་སྲས་རྣམས་ནི་མི་འཇིག་ཕྱིར། །རྒྱལ་བས་མངོན་རྟོགས་སྤྱོད་པ་དག་།
183b6 རྣམ་ཐར་རྒྱུ་དང་རྒྱུ་མེད་ཀྱང་། །སྐྱེ་བ་མེད་པར་མཚན་ཉིད་གཅིག་།རྣམ་གྲངས་གཞན་གྱིས་དེ་དག་སླུ། །མཁས་པ་རྣམས་ཀྱིས་རྟག་ཏུ་སྤང་། །སྤྲིན་དང་སྤྲིན་གྱི་ཕུང་པོ་འཇའ་འདྲ་བ། །སྨིག་རྒྱུ་སྐྲ་ཤད་འཛིངས་པ་སྒྱུ་མ་འདྲ། །དངོས་པོ་ཐམས་ཅད་རང་གི་རྟོག་བྱུང་བ། །མུ
183b7 སྟེགས་འགྲོ་བ་རང་གི་རྒྱུ་ཡིས་རྟོག་། སྐྱེ་བ་མེད་དང་དེ་བཞིན་ཏེ། །ཡང་དག་མཐའ་དང་སྟོང་པ་ཉིད། །དེ་དག་གཟུགས་ཀྱི་མིང་ཡིན་ཏེ། །དངོས་པོ་མེད་པར་མི་རྟོག་གོ། །ལག་དང་བྱེད་པ་འཇིག་རྟེན་ན། །དབང་པོ་བརྒྱ་བྱིན་གྲོང་འཇིག་ལྟར། །དེ་བཞིན་དངོས་པོ་ཐམས་ཅད
iiif viewer powered by OpenSeadragon
