| e-texts navigator |
| Wylie |
183a1 ཆད་པ་སྤངས་པ་ཡི། །གཟུང་དང་འཛིན་པའི་དངོས་པོ་རུ། །སེམས་ནི་རྣམ་པ་གཉིས་སུ་སྣང་། །ཇི་སྲིད་སེམས་ནི་འཇུག་པའི་བར། །དེ་སྲིད་འཇིག་རྟེན་རྒྱང་པན་ཡིན། །འཇིག་རྟེན་རང་གི་སེམས་མཐོང་ན། །རྣམ་པར་རྟོག་པ་མི་འཇུག་གོ། །འདུ་བ་འབྲས་བུ་དོན་གྲུབ
183a2 པ། །ཟད་པ་འབྲས་བུ་མ་མཐོང་བ། །འདུ་དང་ཟད་པ་ཡོངས་ཤེས་ན། །རྣམ་པར་རྟོག་པ་མི་འཇུག་གོ། །རྟག་དང་མི་རྟག་བྱས་པ་དང་། །མ་བྱས་པ་དང་གཞན་མིན་གཞན། །དེ་ལ་སོགས་པ་ཐམས་ཅད་ནི། །འཇིག་རྟེན་རྒྱང་པན་ཚུལ་ཡིན་ནོ། །ལྷ་དང་ལྷ་མ་ཡིན་དང་མི། །
183a3 བྱོལ་སོང་གཤིན་རྗེའི་གནས། །གང་དུ་ལུས་ཅན་སྐྱེ་བ་ཡི། །འགྲོ་བ་རྣམ་པ་དྲུག་ཏུ་བཤད། །རབ་འབྲིང་ཐ་མའི་ལས་རྣམས་ཀྱིས། །དེ་དག་ཏུ་ནི་སྐྱེ་བར་འགྱུར། །དགེ་བ་ཐམས་ཅད་བསྲུངས་ན་ནི། །ཁྱད་པར་དུ་ཡང་ཐར་པར་འགྱུར། །ཁྱོད་ཀྱིས་དགེ་སློང་སྡེ་རྣམས་ལ། །
183a4 སྐད་ཅིག་སྐད་ཅིག་དག་ལ་ཡང་། །ཚེ་དང་སྐྱེ་དང་འཆི་བཤད་པ། །དགོངས་པ་བདག་ལ་བཤད་དུ་གསོལ། །ཇི་ལྟར་གཟུགས་ལས་གཟུགས་གཞན་བཞིན། །སེམས་ཀྱང་འདུས་ནས་འཇིག་པར་འགྱུར། །དེའི་ཕྱིར་སློབ་མ་རྣམས་ལ་ནི། །སྐད་ཅིག་གཅིག་ནས་གཅིག་སྐྱེ་བཤད། །
183a5 གཟུགས་དང་གཟུགས་ལ་རྣམ་རྟོག་པ། །འབྱུང་དང་འཇུག་པ་དེ་བཞིན་ནོ། །རྣམ་པར་རྟོག་པ་སྐྱེ་བ་ཡིན། །རྣམ་པར་རྟོག་པ་གཞན་མེད་དོ། །སྐད་ཅིག་སྐད་ཅིག་གང་ངས་བཤད། །འདི་ནི་རྐྱེན་དུ་བཤད་པ་ཡིན། །གཟུགས་སུ་འཛིན་པ་རྣམ་སྤངས་པ། །སྐྱེ་བ་མེད་ཅིང་འཇིག
183a6 པ་མེད། །རྐྱེན་དང་རྐྱེན་ལས་སྐྱེས་པ་རྣམས། །མ་རིག་དེ་བཞིན་ཉིད་ལ་སོགས། །ཆོས་གཉིས་ཀྱིས་ནི་འཇུག་པར་འགྱུར། །མི་གཉིས་དེ་བཞིན་ཡིད་གཉིས་སོ། །རྐྱེན་དང་རྐྱེན་ལས་སྐྱེས་པ་ཡི། །ཆོས་རྣམས་གལ་ཏེ་ཁྱད་མེད་ན། །རྟག་ལ་སོགས་པ་འབྲས་བུར་འགྱུར། །རྐྱེན
183a7 རྣམས་ཀྱང་ནི་རྒྱུར་འགྱུར་རོ། །རྒྱུ་དང་འབྲས་བུ་བཟང་བའི་ཕྱིར། །ཁྱོད་དང་སངས་རྒྱས་རྣམས་ཀྱི་གསུང་། །མུ་སྟེགས་ཅན་དང་ཁྱད་མེད་འགྱུར། །དེ་ཕྱིར་ཐུབ་ཆེན་འཕགས་མ་ཡིན། །འདོམ་གང་ཙམ་གྱི་ལུས་ལ་ནི། །འཇིག་རྟེན་ཀུན་འབྱུང་འཇིག་རྟེན་དང་། །འགོག་པར་འགྲོ་བའི
iiif viewer powered by OpenSeadragon
