| e-texts navigator |
| Wylie |
182b1 ཞིང་། །རྒྱུ་བ་མེད་པར་ནམ་མཐོང་བ། །དེ་ཚེ་བདག་དང་བདག་གིར་ཡང་། །གཉིས་སུ་རྟོག་པར་མི་འགྱུར་རོ། །མ་ཞུགས་པར་ནི་རྒྱས་མི་འགྱུར། །རྣམ་པར་ཤེས་པའི་རྒྱུ་ཡང་མིན། །རྒྱུ་དང་འབྲས་བུ་སྤངས་པ་ཡི། །འགགས་པ་འཇུག་པར་མི་འགྱུར་རོ། །ཅི་ཡི
182b2 ཕྱིར་ན་འཇིག་རྟེན་རྣམས། །རྣམ་རྟོག་སེམས་ཙམ་བདག་ལ་གསུངས། །རྒྱུ་དང་རྣམ་པར་འབྲེལ་པ་ཡི། །མཚན་དང་མཚན་གཞི་རྣམ་སྤངས་པ། །རང་གི་སེམས་ནི་སྣ་ཚོགས་སྣང་། །མཐོང་བ་ལྟ་བུར་རྣམ་པར་བརྟགས། །སེམས་ཀྱི་སྣང་བ་ཤེས་པ་དང་། །སེམས་ཀྱི་དོན་གཞན་གཟུང
182b3 བའི་ཕྱིར། །བློ་ཡིས་གང་ཚེ་མ་མཐོང་ན། །མེད་པའི་ལྟ་བར་འགྱུར་བ་ནི། །སེམས་སུ་འཛིན་པར་གྱུར་པའི་ཕྱིར། །ཇི་ལྟར་དེ་ཡི་ཡོང་མི་འབྱུང་། །རྣམ་རྟོག་དངོས་མིན་དངོས་མེད་མིན། །དེ་ཕྱིར་ཡོད་པ་མི་སྐྱེ་སྟེ། །སེམས་སྣང་ཡོངས་སུ་ཤེས་པའི་ཕྱིར། །རྣམ་རྟོག་འཇུག་པར་མི་འགྱུར
182b4 རོ། །རྣམ་པར་རྟོག་པ་མི་འཇུག་པ། །རབ་ཏུ་གྱུར་པ་གནས་མེད་པའོ། །བཞི་ཡི་ཕྱོགས་རྣམས་ཕྱིར་བཟློག་ཅིང་། །གལ་ཏེ་དངོས་པོ་རྒྱུ་ཅན་ན། །མིང་གི་བྱེ་བྲག་གཞན་དེ་བྱས། །དེ་ནི་བསྒྲུབས་པ་མ་ཡིན་ནོ། །རྒྱུ་དང་རྐྱེན་རྣམས་འདུས་པ་དང་། །རྒྱུ་ནི་བཀག་པར་གྱུར་པའི་ཕྱིར། །དེ
182b5 དག་དོན་གྱིས་དཔོག་པར་འགྱུར། །ཡང་ན་རྒྱུ་ལས་བྱུང་བར་འགྱུར། །གལ་ཏེ་རྐྱེན་རྣམས་མི་རྟག་ན། །རྟག་པའི་ཉེས་པ་བཟློག་པར་འགྱུར། །བྱིས་པ་རྣམས་ནི་མི་རྟག་ཕྱིར། །འབྱུང་བ་མེད་ཅིང་འཇིག་པ་མེད། །གང་ཡང་འཇིག་པར་འགྱུར་བཞིན་དུ། །རྒྱུར་གྱུར་པ་ནི་མི་སྣང
182b6 ངོ་། །མི་མཐོང་བ་ནི་ཇི་ལྟར་ཅིས། །མི་རྟག་པ་ལས་སྲིད་མི་འབྱུང་། །བསྡུ་བ་དག་གིས་སེམས་ཅན་གདུལ། །ཚུལ་ཁྲིམས་ཀྱིས་ནི་དབང་དུ་བྱ། །ཤེས་རབ་དག་གིས་ལྟ་བ་གཞིག་།རྣམ་པར་ཐར་པས་ཤིན་ཏུ་སྤེལ། །འདི་ཀུན་འཇིག་རྟེན་རྒྱང་པན་ཏེ། །མུ་སྟེགས་ཅན་གྱིས
182b7 གང་བཤད་། །རྒྱུ་དང་འབྲས་བུ་ཡོད་ལྟ་བས། །རང་གི་གྲུབ་པའི་མཐའ་ཡང་མེད། །ང་འདྲ་གཅིག་པུ་རང་གྲུབ་མཐའ། །རྒྱུ་དང་འབྲས་བུ་རྣམ་པར་སྤངས། །འཇིག་རྟེན་རྒྱང་པན་རྣམ་བྲལ་བ། །སློབ་མའི་སྡེ་ལ་བཤད་པར་བྱ། །སེམས་ཙམ་སྟེ་ནི་སྣང་བ་མེད། །རྟག་དང
iiif viewer powered by OpenSeadragon
