| e-texts navigator |
| Wylie |
182a1 ལ་ནི་བྱ་བཞིན་ནོ། །ལུས་དང་ལོངས་སྤྱོད་གནས་སྣང་བའི། །སེམས་ནི་རབ་ཏུ་འཇུག་བཤད་པ། །སྣང་དང་འཇུག་པ་ཇི་ལྟར་ཅིས། །སེམས་ཙམ་པོ་ནི་བདག་ལ་གསུངས། །ལུས་དང་ལོངས་སྤྱོད་གནས་རྣམས་དང་། །སྣང་དང་འཇུག་པ་བག་ཆགས་དང་། །སྣང་དང་འཇུག
182a2 པར་རྣམ་རྟོག་པས། །མི་བརྩོན་རྣམས་ལ་སྐྱེ་བར་འགྱུར། །དངོས་པོ་རྣམ་པར་བརྟགས་པ་ཡུལ། །སེམས་ནི་ཡུལ་ལས་བྱུང་བ་སྟེ། །སྣང་བའི་སེམས་ནི་ཡོངས་ཤེས་པས། །རྣམ་པར་རྟོག་པ་མི་འཇུག་གོ། །བཏགས་པའི་མིང་ནི་མིང་བྲལ་དང་། །བློ་དང་རིག་བྱ་སྤངས་པར་ནི། །འདུས
182a3 བྱས་ནམ་ཞིག་མཐོང་གྱུར་པ། །དེ་ཡི་ཚེ་ན་གྲོལ་བར་འགྱུར། །མིང་ལ་མིང་ནི་རྣམ་སྒོམ་པར། །ཤེས་པར་བྱ་བ་དེ་ཙམ་སྟེ། །གང་དག་གཞན་དུ་ཤེས་བྱེད་པ། །དེ་དག་མི་ཤེས་ཤེས་བྱེད་མིན། །ཆོས་ལྔ་རྣམས་དང་རང་བཞིན་དང་། །རྣམ་པར་ཤེས་པ་བརྒྱད་རྣམས་དང་། །བདག
182a4 མེད་གཉིས་ཀྱི་ནང་དུ་ནི། །ཐེག་པ་ཆེན་པོ་ཐམས་ཅད་འདུས། །གང་གི་ཚེ་ན་འགྲོ་བ་དག་།བློ་དང་རིག་བྱས་དབེན་མཐོང་བ། །དེ་ཚེ་མིང་ལ་མིང་རྟོག་པ། །མངོན་པར་འཇུག་པར་མི་འགྱུར་རོ། །སེམས་མཐོང་ཕྱིར་ནི་བྱ་བ་དང་། །ཡི་གེ་རྟོག་པ་ཕྱིར་ལྡོག་གོ། །རང་གི་སེམས་ནི་མ
182a5 མཐོང་ཕྱིར། །རྣམ་པར་རྟོག་པ་རབ་ཏུ་འཇུག་།གཟུགས་མེད་པ་ཡི་ཕུང་པོ་བཞིན། །དེ་དག་ལས་ནི་བགྲང་བ་མེད། །འབྱུང་བ་ཐ་དད་མཚན་གྱི་གཟུགས། །ཇི་ལྟར་གཟུགས་རྣམས་མང་པོར་འགྱུར། མཚན་ཉིད་ཡོངས་སུ་བཏང་བའི་ཕྱིར། །འབྱུང་ལས་གྱུར་མིན་འབྱུང་བ་མིན། །
182a6 འོན་ཏེ་མཚན་ཉིད་གཞན་གཟུགས་ན། །ཕུང་པོ་རྣམས་ཀྱིས་ཅིར་མི་སྐྱེ། །ཕུང་པོ་སྐྱེ་མཆེད་རྣམ་གྲོལ་བ། །གང་ཚེ་མཚན་ཉིད་མེད་མཐོང་ཞིང་། །ཆོས་ལ་བདག་མེད་མཐོང་བའི་ཕྱིར། །དེ་ཚེ་སེམས་ནི་ལྡོག་པར་འགྱུར། །ཡུལ་དང་དབང་པོ་ཐ་དད་ཕྱིར། །རྣམ་པར་ཤེས་པ
182a7 བརྒྱད་དུ་སྐྱེ། །མཚན་ཉིད་ཀྱིས་ནི་གསུམ་ཡིན་ཏེ། །སྣང་བ་མེད་ལ་ལྡོག་པར་འགྱུར། །ཀུན་གཞི་ཡིད་ཀྱི་བདག་ཡིན་ཏེ། །ཤེས་པ་ཉིད་ནི་བདག་གི་ཡིན། །གཉིས་སུ་འཛིན་པས་རབ་ཏུ་འཇུག་།ཡོངས་སུ་རྟོག་ན་ལྡོག་པར་འགྱུར། །གཅིག་དང་ཐ་དད་རྣམ་གྲོལ
iiif viewer powered by OpenSeadragon
