| e-texts navigator |
| Wylie |
181a1 པ་སྣང་བར་བྱེད་པར་འགྱུར། །འབྲེལ་བ་དག་ལས་ལོགས་ཤིག་ཏུ། །ཆོས་གང་མི་མཁས་རྟོག་པ་ནི། །མ་སྐྱེས་ངོ་བོ་ཉིད་མེད་དེ། །རང་བཞིན་ནམ་མཁའ་ལྟ་བུའོ། །འཕགས་པས་ཐོབ་པའི་ཆོས་ཉིད་ནི། །སྐྱེ་བ་མེད་པ་གཞན་ཡིན་ཏེ། །གང་དེའི་སྐྱེ་བ་མེད་པ་ནི། །དེ་ནི
181a2 མི་སྐྱེ་བཟོད་པ་ཡིན། །ནམ་ཞིག་འཇིག་རྟེན་འདི་དག་ཀུན། །འདི་ནི་འབྲེལ་པ་ཙམ་མོ་ཞེས། །འབྲེལ་པ་ཉིད་དུ་མཐོང་བ་ན། །དེ་ན་སེམས་ཀྱང་མཉམ་པར་འཇོག་།མི་ཤེས་སྲེད་པ་ལས་ལ་སོགས། །འབྲེལ་པ་དག་ནི་ནང་གི་ཡིན། །འཁོར་ལོ་འཇིམ་ཤིང་སྲུབ་ལ་སོགས། །ས་བོན
181a3 འབྱུང་སོགས་ཕྱི་རོལ་ལོ། །འདི་ནི་འབྲེལ་བ་ཙམ་ཡིན་ཏེ། །གང་གི་དངོས་པོ་རྐྱེན་གཞན་ལས། །གང་ཡང་སྐྱེ་བར་འདོད་པ་ནི། །འཐད་དང་ལུང་ལ་དེ་མི་གནས། །གལ་ཏེ་བསྐྱེད་བྱའི་དངོས་མེད་ན། །བློ་ཡང་གང་གི་རྐྱེན་ལས་བྱུང་། །འདི་དག་ཕན་ཚུན་རྐྱེན་གྱུར་པས། །དེ་ཕྱིར་དེ
181a4 དག་རྐྱེན་དུ་ཤེས། །དྲོད་གཤེར་སྲ་དང་གཡོ་བ་ཡི། །ཆོས་རྣམས་བྱིས་པས་རྣམ་བརྟགས་ཏེ། །དེ་ནི་འདུས་པ་ཆོས་མ་ཡིན། །དེ་ཕྱིར་ངོ་བོ་ཉིད་མེད་དོ། །ནད་པའི་དབང་དུ་སྨན་པ་དག་།བྱ་བ་ཐ་དད་སྟོན་མོད་ཀྱི། །དེ་ལ་གཙུག་ལག་ཐ་དད་མེད། །ནད་ཀྱིས་ཕྱེ་བས་ཐ་དད་དོ། །དེ་བཞིན
181a5 ངས་ཀྱང་སེམས་ཅན་རྒྱུད། །ཉོན་མོངས་ཉེས་པའི་སྐྱོན་ཆགས་པ། །དབང་པོ་དག་གི་སྟོབས་ཤེས་ནས། །བྱིས་པ་དག་ལ་ཚུལ་བཤད་དོ། །ཉོན་མོངས་དབང་པོ་ཐ་དད་པས། །ང་ཡི་བསྟན་པ་དབྱེར་མི་ཕྱེད། །ཡན་ལག་བརྒྱད་ལྡན་ཞི་བ་ཡི། །ལམ་ནི་ཐེག་པ་གཅིག་ཡིན་ནོ། །རྫ་དང
181a6 སྣམ་བུ་ཅོད་པན་རྭ། །རི་བོང་རྭ་ནི་མེད་པའི་རྒྱུ། །གང་རྒྱུ་ཚོགས་ལས་བྱུང་བ་དེ། །ཁྱོད་ཀྱིས་མེད་པར་ཤེས་མི་བྱ། །ཡོད་པའི་རྒྱུས་ནི་མེད་པ་སྟེ། །མེད་པ་མེད་པར་མི་རུང་ངོ་། །ཡོད་པ་མེད་པའི་ཟླ་ལས་བྱུང་། །ཕན་ཚུན་ཟླ་ཡི་རྒྱུ་ཡིན་ནོ། །ཅི་ཞིག་ལ་ནི་གནས་བཅས་ཤིང་། །ཅི་ཞིག་སྣང
181a7 བར་སུས་བསམས་པ། །གང་ལ་རྟེན་པ་ཅི་ཞིག་ནི། །རྒྱུ་མེད་པ་སྟེ་རྒྱུ་མེད་མིན། །གལ་ཏེ་གཞན་ལ་དེ་རྟེན་ཅིང་། །དེ་ཡང་གཞན་ལ་སྣང་གྱུར་ན། །ཐུག་པ་མེད་པར་རབ་འགྱུར་ཏེ། །ཅི་ཞིག་ཅི་ཡང་མེད་པར་འགྱུར། །ཇི་ལྟར་ལོ་མ་ཤིང་སོགས་ལ། །རྟེན་ཅིང་སྒྱུ་མ་སྣང་བ་ལྟར། །དེ་བཞིན
iiif viewer powered by OpenSeadragon
