| e-texts navigator |
| Wylie |
180a1 པར་རྟོག་པ་མི་འབྱུང་ངོ་། །ཇི་ལྟར་དེ་ལྟར་མེད་པ་བཞིན། །སྔོན་ཀྱང་དེ་ནི་ཡོད་པ་མིན། །དོན་མེད་པར་ནི་དོན་འབྲེལ་སེམས། །ཇི་ལྟ་བུར་ན་འཇུག་པར་འགྱུར། །དེ་བཞིན་ཉིད་དང་སྟོང་ཉིད་མཐའ། །མྱ་ངན་འདས་དང་ཆོས་ཀྱི་དབྱིངས། །ཆོས་རྣམས་སྐྱེ་བ་མེད་པ་ནི། །དོན་དམ་གྱི
180a2 ནི་རང་བཞིན་ནོ། །རྒྱུ་དང་རྐྱེན་ལ་རྟོག་པ་ཡིས། །སྲིད་པ་རྒྱུ་མེད་མ་བྱུང་བར། །རབ་ཏུ་ཤེས་པར་མ་གྱུར་པས། །བྱིས་པ་ཡོད་དང་མེད་པར་ལྷུང་། །སྣང་བ་མེད་པར་སེམས་མངོན་ཏེ། །བྱེ་བྲག་ཐོག་མ་མེད་རྒྱུས་འབྱུང་། །ཐོག་མ་མེད་ནས་དོན་མེད་ན། །བྱེ་བྲག་ཅི་ཡིས་སྐྱེ་བར་འགྱུར། །གལ
180a3 ཏེ་མེད་པས་རྒྱས་འགྱུར་ན། །དབུལ་པོ་དག་ཀྱང་ནོར་ལྡན་འགྱུར། །དོན་མེད་ཇི་ལྟར་སེམས་སྐྱེ་བ། །ཐུབ་པས་བདག་ལ་བཤད་དུ་གསོལ། །འདི་དག་ཐམས་ཅད་རྒྱུ་མེད་དེ། །སེམས་ཀྱང་མེད་ཅིང་སྤྱོད་ཡུལ་མེད། །སེམས་ཀྱང་རྒྱས་པར་མི་འགྱུར་ཏེ། །སྲིད་པ་གསུམ་ནི་བྱེད་སྤངས་པའོ། །
180a4 སྐྱེ་བ་རྣམ་པར་བཟློག་པའི་ཕྱིར། །མི་སྐྱེ་བ་ནི་རབ་ཏུ་བསྒྲུབ། །རྒྱུ་མེད་སྨྲ་བ་བཤད་པ་ནི། །བྱིས་པ་རྣམས་ཀྱིས་མི་རིག་གོ། །འདི་དག་ཐམས་ཅད་མ་སྐྱེས་པ། །དངོས་པོ་མེད་པའང་མ་ཡིན་ཏེ། །རྨི་ལམ་སྒྱུ་འདྲ་དྲི་ཟའི་གྲོང་། །རྒྱུ་མེད་པ་ཡི་དངོས་པོ་ཡོད། །མ་སྐྱེས་རང་བཞིན་མེད་པ་དང་། །ཅི
180a5 ཕྱིར་སྟོང་པའང་བདག་ལ་གསུངས། །འདུས་པ་དག་ནི་མ་གཏོགས་པར། །ནམ་ཞིག་དངོས་པོ་མི་སྣང་བ། །དེ་ཚེ་མ་སྐྱེས་སྟོང་པ་སྟེ། །རང་བཞིན་མེད་པར་ངས་བཤད་དོ། །རྨི་ལམ་སྐྲ་ཤད་སྒྱུ་མ་དང་། །དྲི་ཟའི་གྲོང་ཁྱེར་སྨིག་རྒྱུ་རྣམས། །རྒྱུ་མེད་པར་ཡང་སྣང་གྱུར་པ། །འཇིག་རྟེན
180a6 སྣ་ཚོགས་དེ་བཞིན་ནོ། །དེ་བཞིན་འདུས་པ་རེ་རེར་ཡང་། །སྣང་བ་མེད་པས་ཡོད་མ་ཡིན། །འདུས་པ་མུ་སྟེགས་ལྟ་བ་ལྟར། །འཇིག་པས་རྣམ་པར་འགྱུར་བ་མིན། །རྒྱུ་མེད་སྨྲ་བས་བརྩད་བྱས་ཏེ། །མ་སྐྱེས་པ་ཡང་རབ་ཏུ་བསྒྲུབ། །སྐྱེ་བ་མེད་པ་རབ་བསྒྲུབས་ན། །ང་ཡི་ཚུལ་ནི་མི་འཇིག་གོ། །
180a7 རྒྱུ་མེད་སྨྲ་བ་བསྟན་ན་ནི། །ཇི་ལྟར་ཅི་ལས་ཅི་དག་གིས། །གང་དུ་རྒྱུ་མེད་སྐྱེར་འགྱུར་ཞེས། །མུ་སྟེགས་ཅན་རྣམས་འཇིགས་པ་སྐྱེ། །རྒྱུ་ལས་མ་ཡིན་རྒྱུ་མེད་པར། །ནམ་ཞིག་འདུས་བྱས་མཐོང་བ་ན། །དེ་ཡི་སྐྱེ་འཇིག་སྨྲ་བ་ཡི། །ལྟ་བ་རྣམ་པར་ལྡོག་པར་འགྱུར། །དངོས་པོ་མེད་པ་སྐྱེ
iiif viewer powered by OpenSeadragon
