| e-texts navigator |
| Wylie |
178b1 དགེ་སློང་དོན་ལ་སྤང་བར་བྱ། །སྐྲ་ཤད་འཛིངས་དང་སྒྱུ་འདྲ་དང་། །རྨི་ལམ་འདྲ་ཞིང་དྲི་ཟ་འདྲ། །རྟོག་པ་སྨིག་རྒྱུ་སྣང་འདྲ་ལ། །གང་དག་ཡོད་དང་མེད་ལྟ་བ། །དེ་དག་སྡུད་པར་སུ་སྤྱོད་པ། །སངས་རྒྱས་ཀྱི་ལ་དེ་མི་སློབ། །དེ་དག་མཐའ་གཉིས་ལྷུང་བ་སྟེ། །གཞན་ཡང་རྣམ
178b2 པར་འཇིག་པར་བྱེད། །བརྟགས་པའི་དངོས་པོ་རབ་དབེན་ཞིང་། །དངོས་དང་དངོས་མེད་རྣམ་གྲོལ་བ། །རྣལ་འབྱོར་ཅན་ནི་སུས་མཐོང་བ། །དེ་དག་བསྡུ་བར་སྤྱད་པར་གྱིས། །མུ་ཏིག་ནོར་བུ་གསེར་འབྱུང་བའི། །འབྱུང་ཁུངས་འཇིག་རྟེན་ན་ཡོད་པ། །སྣ་ཚོགས་ལས་ཀྱི་རྒྱུས་མ་བྱུང་། །
178b3 བུས་པ་རྣམས་ཀྱི་འཚོ་བ་ལྟར། །དེ་བཞིན་སེམས་ཅན་རིགས་རྣམས་ནི། །རྣམ་པ་སྣ་ཚོགས་ལས་ཀྱིས་སྤངས། །སྣང་བ་མེད་ཕྱིར་ལས་མེད་དོ། །ལས་ལས་བྱུང་བའི་འགྲོ་བའང་མེད། །ཇི་ལྟར་འཕགས་པས་རྣམ་སྒོམ་ལྟར། །དངོས་པོའི་དངོས་ཉིད་མེད་མོད་ཀྱི། །ཇི་ལྟར་བྱིས་པས་བརྟགས
178b4 པ་ལྟར། །དངོས་པོ་དག་ནི་ཡོད་པའོ། །ཇི་ལྟར་བྱིས་པས་བརྟགས་པ་ལྟར། །གལ་ཏེ་དངོས་པོ་མེད་ན་ནི། །དངོས་པོ་ཐམས་ཅད་མེད་པས་ན། །སུ་ལའང་ཉོན་མོངས་པར་འགྱུར་ཏེ། །དངོས་པོ་སྣ་ཚོགས་ཉོན་མོངས་ལས། །འཁོར་བ་དབང་པོ་ཉེར་འགྲོ་བ། །མི་ཤེས་པ་དང་སྲིད་འབྲེལ
178b5 ནི། །ལུས་ཅན་རྣམས་ཀྱི་འབྱུང་བར་འགྱུར། །ཇི་ལྟར་བྱིས་པས་བརྟགས་པ་ལྟར། །གང་གི་དངོས་པོ་ཡོད་མིན་པ། །དེ་དག་དབང་པོ་འཇུག་པ་མེད། །རྣལ་འབྱོར་ཉིད་ཀྱང་འཇུག་པ་ཡིན། །བཅོམ་ལྡན་གལ་ཏེ་འཁོར་བ་ཡི། །རྒྱུ་ཡི་དངོས་པོ་མ་མཆིས་ན། །བྱིས་པ་ནན་ཏན་མ་བགྱིས
178b6 པར། །བྱེད་པ་སྤངས་པའི་ཐར་པར་འགྱུར། །ཁྱོད་ཀྱི་འཕགས་པ་བྱིས་པའི་ཁྱད། །དངོས་པོ་མེད་ན་ཇི་ལྟར་མཆིས། །རྣམ་པར་ཐར་པ་གསུམ་སྤྱོད་པའི། །འཕགས་པ་དག་ལ་དངོས་པོ་མེད། །ཕུང་པོ་གང་ཟག་ཆོས་རྣམས་དང་། །རང་དང་སྤྱི་ཡི་མཚན་ཉིད་མེད། །དབང་པོ་རྣམས
178b7 དང་རྐྱེན་གྱི་རྣམས། །ཉན་ཐོས་དག་ལ་ངས་བཤད་དོ། །རྒྱུ་མེད་པ་དང་སེམས་ཙམ་དང་། །འབྱོར་པ་རྣམས་དང་ས་རྣམས་དང་། །སོ་སོ་རང་གི་དེ་བཞིན་ཉིད། །དག་པ་རྒྱལ་བའི་སྲས་ལ་བཤད། །ང་ཡི་བསྟན་ལ་སུན་འབྱིན་པ། །ངུར་སྨྲིག་གི་ནི་གོས་བགོས་ཤིང་། །འབྲས་བུ་ཡོད་དང
iiif viewer powered by OpenSeadragon
