| e-texts navigator |
| Wylie |
178a1 གང་འཇིག་བྱེད་པ་སྲས་མ་ཡིན། །འཕགས་པའི་མཐོང་བ་ཕུན་སུམ་ཚོགས། །ཡང་དག་ཇི་བཞིན་རྟོགས་རིག་ཅིང་། །འདུ་ཤེས་ཟློག་ལ་མཁས་པ་རྣམས། །རྣམ་པར་རྟོག་པའི་མཆོག་ཕྱིན་ཅིང་། །དེ་ནི་ང་ཡི་བསྟན་པ་ལ། །སྲས་པོ་གྲོལ་བའི་ཕྱག་རྒྱ་སྟེ། །དངོས་དང་དངོས
178a2 མེད་རྣམ་གྲོལ་ཞིང་། །འོང་དང་འགྲོ་བ་རྣམ་སྤངས་པའོ། །གཟུགས་ཀྱི་རྣམ་ཤེས་ཕྱིར་ལྡོག་ནས། །གལ་ཏེ་ལས་ནི་འཇིག་འགྱུར་ན། །རྟག་དང་མི་རྟག་པར་མི་འགྱུར། །འཁོར་བ་དག་ཀྱང་མེད་འགྱུར་རོ། །ལྡོག་པའི་ཚེ་ནི་ཞིག་གྱུར་པ། །གཟུགས་ཀྱི་ཡུལ་ལས་ཕྱིར་ལྡོག་སྟེ། །ཡོད་མེད་ཉེས
178a3 དང་བྲལ་བའི་ལས། །ཀུན་གཞི་ལ་ནི་རབ་ཏུ་གནས། །སྲིད་པའི་གནས་སུ་རྣམ་ཤེས་དང་། །གཟུགས་ལྷུང་རབ་ཏུ་འཇིག་པ་སྟེ། །གཟུགས་དང་རྣམ་ཤེས་འབྲེལ་པ་ཡི། །ལས་ནི་འཇིག་པར་མི་འགྱུར་རོ། །གལ་ཏེ་དེ་དག་དང་འབྲེལ་པའི། །མི་ཡི་ལས་ནི་འཇིག་འགྱུར་ན། །ལས་ཀྱི་འབྲེལ
178a4 པ་ཞིག་པའི་ཕྱིར། །འཁོར་མེད་མྱ་ངན་འདའ་བའང་མེད། །ཞིག་ཀྱང་དེ་དང་ལྷན་ཅིག་ཏུ། །གལ་ཏེ་འཁོར་བར་སྐྱེ་འགྱུར་ན། །གཟུགས་ནི་དེ་དང་འབྲེལ་པའི་ཕྱིར། །ཐ་མི་དད་པས་འབྱུང་བར་འགྱུར། །སེམས་ནི་གཟུགས་སུ་རྣམ་རྟོག་ལས། །གཅིག་པ་མ་ཡིན་ཐ་དད་མིན། །ཡོད་དང་མེད
178a5 པའི་ཕྱོགས་སྤངས་ཕྱིར། །དངོས་པོ་རྣམས་ལ་འཇིག་པ་མེད། །ཀུན་ཏུ་བརྟགས་དང་གཞན་གྱི་དབང་། །ཕན་ཚུན་མཚན་ཉིད་ཐ་མི་དད། །གཟུགས་ཀྱི་མི་རྟག་ཉིད་བཞིན་ཏེ། །གཅིག་ལ་གཅིག་ཀྱང་སྐྱེད་བྱེད་པའོ། །གཅིག་དང་ཐ་དད་རྣམ་གྲོལ་བའི། །བརྟགས་པ་ཁོང་དུ་མི་ཆུད་ན། །ཡོད་དང
178a6 མེད་པར་ཇི་ལྟར་འགྱུར། །གཟུགས་ཀྱི་མི་རྟག་ཉིད་བཞིན་ནོ། །བརྟགས་པ་ཤིན་ཏུ་མཐོང་འགྱུར་ན། །གཞན་གྱི་དབང་ནི་མི་སྐྱེའོ། །གཞན་གྱི་དབང་ནི་རབ་མཐོང་ན། །བརྟགས་པ་དེ་བཞིན་ཉིད་དུ་འགྱུར། །རྟོག་པ་རྣམ་པར་འཇིག་པ་ན། །ང་ཡི་ཚུལ་ཀྱང་རྣམ་འཇིག་བྱེད། །ང་ཡི་བསྟན་པ་འདི
178a7 ལ་ནི། །སྒྲོ་འདོགས་སྐུར་པ་འདེབས་པ་ཡིན། །གང་ན་གང་ཚེ་དེ་འདྲ་བ། །ཆོས་ལ་སུན་འབྱིན་ཡོད་པའི་རྣམས། །ང་ཡི་ཚུལ་ནི་འཇིག་པར་བྱེད། །དེ་དག་ཀུན་དང་འགྲོགས་མི་བྱ། །གང་ཞིག་སྒྲོ་འདོགས་སྐུར་པ་འདེབས། །བརྟགས་པ་རྣམ་པར་འཇིག་བྱེད་དང་། །མཁས་པ་དག་ཏུ་གཏམ་མི་བྱ། །
iiif viewer powered by OpenSeadragon
