| e-texts navigator |
| Wylie |
175a1 ལྔ་དང་བཅས་པའི་རྣམ་པར་ཤེས། །སྣང་བ་ཚོན་དང་འདྲ་བར་རྟོག་།ཆོས་བསྟན་རྒྱུ་དང་འདྲ་བ་དང་། །རྒྱུ་དང་འདྲ་བས་གང་སྤྲུལ་པ། །དེ་དག་ངོ་བོའི་སངས་རྒྱས་ཡིན། །ལྷག་མ་སྤྲུལ་པའི་སྐུ་ཡིན་ནོ། །སྣང་བ་རྣམ་པ་སྣ་ཚོགས་མེད། །སེམས་ནི་སྣང་བས་རབ་ཏུ་རྨོངས། །
175a2 ལུས་དང་ལོངས་སྤྱོད་གནས་འདྲ་བར། །མི་རྣམས་ལ་ནི་ཀུན་གཞི་སྣང་། །སེམས་དང་ཡིད་དང་རྣམ་ཤེས་དང་། །རང་བཞིན་དང་ནི་ཆོས་ལྔ་དང་། །བདག་མེད་གཉིས་པོ་དག་པ་ནི། །རྣམ་པར་འདྲེན་པ་རབ་ཏུ་འཆད། །རྫོགས་པའི་སངས་རྒྱས་གང་འཆད་པ། །སོ་སོ་རང་རིག་སྤྱོད་ཡུལ་ནི། །
175a3 རྟོག་གེ་ཅན་གྱི་ཡུལ་མ་ཡིན། །ཉན་ཐོས་རྣམས་ཀྱིའང་མ་ཡིན་ནོ། །རིང་དང་ཐུང་ལས་སོགས་འབྲེལ་པ། །གཅིག་གིས་གཅིག་ནི་རབ་ཏུ་འཇུག་།ཡོད་པར་སྒྲུབ་པ་མེད་པ་སྟེ། །མེད་པར་སྒྲུབ་པ་ཡོད་པ་ཡིན། །རྡུལ་ཕྲན་དུ་ནི་རྫས་གཞིགས་ཤིང་། །གཟུགས་ལ་རྣམ་པར་མི་རྟོག་གོ། །སེམས
175a4 ཙམ་དུ་ནི་རྣམ་གཞག་པ། །ལྟ་བ་ངན་པས་མི་དད་དོ། །སྟོང་པ་རྣམ་པར་རྟོག་ཙམ་འམ། །སྟོང་པ་མ་ཡིན་ཞེས་པ་ནི། །དེ་ཉིད་ཡོད་དང་མེད་རྟོག་པ། །བརྟག་པར་བྱ་བའི་དོན་མེད་དོ། །ཡོན་ཏན་རྡུལ་ཕྲན་རྫས་འདུས་པས། །བྱིས་པ་རྣམས་ནི་གཟུགས་ལ་རྟོག་།རྡུལ་ཕྲན་རེ་རེ་ཡོད་པ་མིན། །དེ
175a5 ཡི་ཕྱིར་ཡང་དོན་མེད་དོ། །རང་གི་སེམས་ནི་སྣང་བའི་དབྱིབས། །མི་རྣམས་ལ་ནི་ཕྱི་རོལ་སྣང་། །ཕྱི་རོལ་གྱི་ནི་སྣང་བ་མེད། །དེ་ཡི་ཕྱིར་ཡང་དོན་མེད་དོ། །སྣ་ཚོགས་སྐྲ་ཤད་འཛིངས་དང་སྒྱུ། །རྨི་ལམ་དྲི་ཟའི་གྲོང་ཁྱེར་དང་། །མགལ་མེ་དང་ནི་སྨིག་རྒྱུ་རྣམས། །མེད་ཀྱང་མིག་ལ་རབ་ཏུ་སྣང་། །
175a6 རྟག་དང་མི་རྟག་དེ་བཞིན་གཅིག་།གཉིས་དང་གཉིས་མིན་དེ་བཞིན་ཏེ། །ཐོག་མ་མེད་ཀྱི་ཉེས་འབྲེལ་པ། །བྱིས་པ་གཏི་མུག་རྟོག་པར་བྱེད། །ཐེག་པ་རྣམ་པར་གཞག་མེད་དེ། །ཐེག་པ་གཅིག་ཏུ་ངས་བཤད་དོ། །བྱིས་པ་རྣམས་ནི་དྲང་བའི་ཕྱིར། །ཐེག་པ་ཐ་དད་ངས་བཤད་དོ། །དེ
175a7 བཞིན་རྣམ་པར་གྲོལ་གསུམ་དང་། །ཆོས་ལ་བདག་མེད་པ་ཉིད་དང་། །མཉམ་ཉིད་ཡེ་ཤེས་ཉོན་མོངས་མིན། །དེ་དག་རྣམ་པར་གྲོལ་བས་སྤངས། །ཇི་ལྟར་ཤིང་ནི་རྒྱ་མཚོ་ལ། །རླབས་ཀྱིས་རྣམ་པར་གཡེང་བ་ལྟར། །དེ་བཞིན་ཉན་ཐོས་རྨོངས་པ་ཡང་། །མཚན་ཉིད་ཀྱིས་ཀྱང་རྣམ་པར
iiif viewer powered by OpenSeadragon
