| e-texts navigator |
| Wylie |
174a1 མ་ཡིན་ཏེ། །ཇི་ལྟར་ནད་པ་ནད་པ་ལ། །སྨན་པས་སྨན་རྣམས་གཏོང་བ་ལྟར། །སངས་རྒྱས་དེ་བཞིན་སེམས་ཅན་ལ། །སེམས་ཙམ་དུ་ཡང་རབ་ཏུ་གསུང་། །ཕྱི་རོལ་བག་ཆགས་ས་བོན་གྱིས། །རྣམ་པར་རྟོག་པ་རབ་ཏུ་འབྱུང་། །གང་གིས་འཛིན་པ་དབང་ཡིན་ཏེ། །གང་བཟུང་དེ
174a2 ནི་བརྟགས་པ་ཡིན། །ཕྱི་རོལ་དམིགས་པ་བཟུང་བྱས་ཤིང་། །སེམས་ལའང་བརྟེན་ཏེ་སྐྱེ་བར་འགྱུར། །ནོར་པ་རྣམ་པ་གཉིས་འབྱུང་སྟེ། །གསུམ་པ་ཡི་ནི་རྒྱུ་མེད་དོ། །གང་ལས་ནོར་པ་འབྱུང་བ་དང་། །གང་ལ་བརྟེན་ཏེ་འབྱུང་བ་ནི། །སེམས་ལ་བཅུ་གཉིས་བརྒྱད་དྲུག་།དེ་ཡི་ཕྱིར
174a3 ནི་ངས་བཤད་དོ། །བདག་གི་ས་བོན་གཟུང་འབྲེལ་ལས། །བདག་ཏུ་འཛིན་པ་རབ་ཏུ་འབྱུང་། །སེམས་ནི་བརྟག་བྱར་འཇུག་པ་ཡིས། །ཆོས་སུ་འཛིན་པ་སྤོང་བར་འགྱུར། །ཀུན་གཞི་རྣམ་པར་ཤེས་པ་ལས། །རྣམ་པར་ཤེས་པ་གང་འབྱུང་བ། །ནང་གི་སྐྱེ་མཆེད་རྣམས་ཡིན་ཏེ། །སྣང
174a4 བ་གང་ཡིན་ཕྱི་རོལ་ཏེ། །ཇི་ལྟར་མི་མཁས་པ་རྣམས་ཀྱིས། །སྐ་དང་སྐྲར་གཟུང་རྨི་ལམ་གཟུགས། །འདུས་བྱས་པ་དང་འདུས་མ་བྱས། །རྟག་པར་རྟོག་སྟེ་དེ་མེད་དོ། །ཇི་ལྟར་དྲི་ཟའི་གྲོང་ཁྱེར་དང་། །སྒྱུ་མ་དང་ནི་སྨིག་རྒྱུའི་ཆུ། །མེད་བཞིན་དུ་ནི་སྣང་བ་ལྟར། །དེ་བཞིན་གཞན་གྱི་དབང
174a5 ཡིན་ནོ། །བདག་དང་དབང་པོར་གདགས་པ་ནི། །ངས་ནི་སེམས་ལ་མི་བཤད་དེ། །སེམས་དང་ཡིད་དང་རྣམ་ཤེས་པ། །རང་གི་མཚན་ཉིད་བྲལ་བའོ། །སེམས་དང་ཡིད་དང་རྣམ་ཤེས་དང་། །དེ་བཞིན་བདག་མེད་རྣམ་གཉིས་དང་། །ཆོས་ལྔ་དག་དང་རང་བཞིན་རྣམས། །དེ་ནི
174a6 སངས་རྒྱས་སྤྱོད་ཡུལ་ཡིན། །མཚན་ཉིད་ཀྱིས་ནི་གསུམ་དུ་འགྱུར། །བག་ཆགས་གཅིག་གི་རྒྱུ་ལས་བྱུང་། །ཇི་ལྟར་ཚོན་རྩི་གཅིག་པུ་ཡང་། །རྩིག་པ་ལ་ནི་སྣ་ཚོགས་སྣང་། །སེམས་དང་བདག་མེད་གཉིས་པོ་དང་། །ཡིད་དང་རྣམ་པར་ཤེས་པ་དང་། །རང་བཞིན་རྣམས་དང་ཆོས
174a7 ལྔ་པོ། །དེ་དག་ང་ཡི་རིགས་ལ་མེད། །སེམས་ཀྱི་མཚན་ཉིད་བྲལ་བ་དང་། །རྣམ་པར་ཤེས་དང་ཡིད་སྤངས་ཤིང་། །ཆོས་ཀྱི་རང་བཞིན་མེད་པ་ནི། །དེ་བཞིན་གཤེགས་པའི་རིགས་ཡིན་ནོ། །ལུས་དང་ངག་དང་ཡིད་རྣམས་ཀྱིས། །དེ་ལ་དགེ་བར་བྱ་བ་ཡིན། །དེ་བཞིན
iiif viewer powered by OpenSeadragon
