| e-texts navigator |
| Wylie |
170a1 གིས་བརྟགས་པ་འཛིན། །གཞན་གྱི་དབང་ནི་མི་རྟག་གོ། །ཐམས་ཅད་འབྱུང་འགྱུར་གཟུགས་མེད་དེ། །འབྱུང་ལས་མ་གྱུར་གཟུགས་ཡོད་དོ། །དྲི་ཟའི་གྲོང་ཁྱེར་རྨི་ལམ་དང་། །སྒྱུ་མ་སྨིག་རྒྱུ་འབྱུང་འགྱུར་མིན། །ང་ཡི་ཤེས་རབ་རྣམ་གསུམ་སྟེ། །གང་གིས་འཕགས་པ་རབ་ཕྱེ་བ། །གང་གིས་ཡང་དག་མཚན
170a2 ཉིད་རྟོག་། གང་གིས་དངོས་པོ་འབྱེད་པའོ། །ཉན་ཐོས་ཤེས་རབ་སྣང་སྤངས་པ། །ཐེག་པ་གཉིས་དང་བྲལ་བ་ནི། །དངོས་པོ་ཡོད་པར་ཆགས་པས་ན། །ཤིན་ཏུ་འཇུག་པར་འགྱུར་བ་ཡིན། །སེམས་ཙམ་ལ་ནི་འཇུག་པ་ཡིན། །བདེ་གཤེགས་ཤེས་རབ་དྲི་མ་མེད། །ཡོད་པ་དང་ནི་མེད་པ་ལས། །རྐྱེན་གྱིས
170a3 གལ་ཏེ་སྐྱེར་ཟིན་ན། །གཅིག་དང་ཐ་དད་ལྟ་བ་ལ། །གདོན་མི་ཟ་བར་དེ་དག་གནས། །ཡན་ལག་མང་པོས་བསྒྲུབས་པ་ཡི། །སྒྱུ་མ་བསྒྲུབ་པར་མི་འགྱུར་བར། །དེ་བཞིན་མཚན་མ་སྣ་ཚོགས་ཀྱང་། །བརྟགས་ན་འགྲུབ་པར་མི་འགྱུར་རོ། །མཚན་མ་གནས་ངན་ལེན་པ་ཡི། །འཆིང་བ་སེམས་ལས་བྱུང་བ་སྟེ། །ཀུན
170a4 ཏུ་བརྟགས་པ་མི་ཤེས་པས། །གཞན་གྱི་དབང་ཞེས་རྟོག་པར་འགྱུར། །གང་བརྟགས་པ་ཡི་དངོས་པོ་འདི། །གཞན་གྱི་དབང་ཡང་དེ་ཉིད་དོ། །བརྟགས་པ་སྣ་ཚོགས་སྣང་བ་ཡང་། །གཞན་གྱི་དབང་གིས་རྟོག་པར་བྱེད། །ཀུན་རྫོབ་དང་ནི་དམ་པའི་དོན། །རྒྱུ་ལས་སྐྱེས་པ་གསུམ་དུ་མེད། །བརྟགས་པ་ཀུན
170a5 རྫོབ་ཅེས་བྱ་སྟེ། །དེ་ཆད་འཕགས་པའི་སྤྱོད་ཡུལ་ལོ། །རྣལ་འབྱོར་ཅན་གྱི་དངོས་པོ་ལྟར། །སྣ་ཚོགས་གཅིག་ཏུ་རྣམ་པར་མཛེས། །དེ་ལ་རྣམ་པ་སྣ་ཚོགས་མེད། །བརྟགས་པའི་མཚན་ཀྱང་དེ་བཞིན་ནོ། །ཇི་ལྟར་རབ་རིབ་ཅན་དག་གིས། །གཟུགས་མཐོང་བ་ལ་སྣ་ཚོགས་རྟོག་།རབ་རིབ་གཟུགས་མིན
170a6 གཟུགས་མེད་མིན། །མཁས་པས་གཞན་དབང་དེ་བཞིན་ནོ། །ཇི་ལྟར་གསེར་ནི་དག་པ་དང་། །ཆུ་ཡང་རྙོག་པ་སྤངས་པ་དང་། །ནམ་མཁའ་ལ་ནི་སྤྲིན་མེད་ལྟར། །རྣམ་རྟོག་དག་པ་དེ་བཞིན་ནོ། །ང་ཡི་ཉན་ཐོས་རྣམ་གསུམ་སྟེ། །སྤྲུལ་དང་སྨོན་ལམ་ལས་སྐྱེས་པ། །འདོད་ཆགས་ཞེ་སྡང་སྤངས་པ་ཡི། །ཆོས
170a7 ལས་བྱུང་བའི་ཉན་ཐོས་སོ། །བྱང་ཆུབ་སེམས་དཔའ་འང་རྣམ་གསུམ་སྟེ། །སངས་རྒྱས་ལ་ནི་མཚན་ཉིད་མེད། །སེམས་ཅན་དག་གི་སེམས་སེམས་ལ། །སངས་རྒྱས་གཟུགས་ནི་རབ་ཏུ་སྣང་། །བརྟགས་པ་ཡི་ནི་དངོས་པོ་མེད། །གཞན་གྱི་དབང་ནི་ཡོད་པ་སྟེ། །སྒྲོ་འདོགས་པ་དང་སྐུར་པ་ནི། །རྣམ་པར
iiif viewer powered by OpenSeadragon
