| e-texts navigator |
| Wylie |
168b1 སྲིད་བརྟགས་པའི་མཚན་ཉིད་དེ། །བརྟག་བྱ་རྟོག་པ་མེད་པའི་ཕྱིར། །རང་བཞིན་འཕགས་པའི་སྤྱོད་ཡུལ་ལོ། །རྟག་པ་ཐེར་ཟུག་ཡང་དག་ཉིད། །རིགས་དང་དངོས་པོའི་ངོ་བོ་ཉིད། །དེ་བཞིན་ཉིད་ནི་སེམས་ལས་གྲོལ། །རྟོག་པ་རྣམས་ཀྱང་སྤངས་པའོ། །དངོས་པོ་མེད་ན་དག་མི་འགྱུར། །
168b2 ཉོན་མོངས་པ་ཡང་སུ་ལའང་མེད། །གང་ཕྱིར་སེམས་ནི་དག་གྱུར་པས། །ཀུན་ནས་ཉོན་མོངས་སྣང་བར་འགྱུར། །དེ་ཕྱིར་རྣམ་དག་འཕགས་པའི་ཡུལ། །ཡང་དག་ཉིད་ནི་དངོས་པོར་འགྱུར། །སེམས་ནི་རྐྱེན་གྱིས་བསྐྱེད་པ་སྟེ། །རྟོག་པ་དག་གིས་རྣམ་པར་སྤེལ། །རྨི་ལམ་སྒྱུ་མ་ལ
168b3 སོགས་ལྟར། །མཐོང་ན་རྣམ་པར་འཚང་རྒྱ་འགྱུར། །བག་ཆགས་སྣ་ཚོགས་གནས་ངན་ལེན། །སེམས་དང་ལྷན་ཅིག་རབ་ཏུ་ལྡན། །མི་ལ་ཕྱི་རོལ་རྣམས་སྣང་སྟེ། །སེམས་ཀྱི་ཆོས་ཉིད་མ་ཡིན་ནོ། །སེམས་ཀྱི་ཆོས་ཉིད་དག་པ་སྟེ། །སེམས་ནི་ནོར་ལས་བྱུང་བ་ཡིན། །ནོར་པ་གནས
168b4 ངན་ལེན་པ་སྟེ། །དེ་ཡི་ཕྱིར་ན་སེམས་མི་མཐོང་། །དེ་བཞིན་ཉིད་ནི་ནོར་པ་ཙམ། དེ་བཞིན་ཉིད་ནི་གུད་ན་མེད། །འདུ་བྱེད་ལ་མིན་གུད་ནའང་མིན། །འོན་ཀྱང་འདུ་བྱེད་མཐོང་བས་སོ། །ནམ་ཞིག་འདུས་བྱས་རྣམས་ལ་ནི། །མཚན་དང་མཚན་གཞི་བྲལ་མཐོང་ན། །འགྲོ་བ་རང
168b5 གི་སེམས་མཐོང་བས། །དེ་ཡི་ཕྱིར་ནི་སྤངས་པར་འགྱུར། །སེམས་ཙམ་ལ་ནི་གནས་ནས་ནི། །ཕྱི་རོལ་དོན་ལ་མི་བརྟག་གོ། །ཡང་དག་དམིགས་ལ་གནས་ནས་ནི། །སེམས་ཙམ་ལས་ནི་འདའ་བར་བྱ། །སེམས་ཙམ་ལས་ནི་འདས་ནས་ནི། །སྣང་བ་མེད་ལས་འདའ་བར་བྱ། །རྣལ
168b6 འབྱོར་སྣང་བ་མེད་གནས་ན། །ཐེག་པ་ཆེན་པོ་མི་མཐོང་ངོ་། །ལྷུན་གྱིས་གྲུབ་རྟོགས་ཞི་བ་སྟེ། །སྨོན་ལམ་དག་གིས་རྣམ་པར་སྦྱངས། །བདག་མེད་ཡེ་ཤེས་མཆོག་ཡིན་ཏེ། །སྣང་བ་མེད་ཚེ་མི་མཐོང་ངོ་། །སེམས་ཀྱི་སྤྱོད་ཡུལ་བལྟ་བར་བྱ། །ཡེ་ཤེས་ཀྱི་ཡང་སྤྱོད་ཡུལ་བལྟ། །ཤེས
168b7 རབ་སྤྱོད་ཡུལ་མཐོང་ན་ནི། །མཚན་ཉིད་ལ་ནི་རྨོངས་མི་འགྱུར། །སྡུག་བསྔལ་བདེན་པ་སེམས་ཀྱི་སྟེ། །ཀུན་འབྱུང་ཡེ་ཤེས་སྤྱོད་ཡུལ་ལོ། །བདེན་པ་གཉིས་དང་སངས་རྒྱས་ས། །དེ་ལ་ཤེས་རབ་ཤིན་ཏུ་འཇུག་།འབྲས་བུ་ཐོབ་དང་མྱ་ངན་འདས། །དེ་བཞིན་ཡན་ལག་བརྒྱད་པའི་ལམ། །
iiif viewer powered by OpenSeadragon
