| e-texts navigator |
| Wylie |
168a1 རྨོངས་པའི་ཕྱིར། །བཅིངས་དང་ཐར་པ་ཤིན་ཏུ་འབྱུང་། །ཕྱི་དང་ནང་གི་རྣམ་གཉིས་ཏེ། །ཆོས་རྣམས་དང་ནི་རྐྱེན་རྣམས་སོ། །རྣལ་འབྱོར་དེ་ལ་རབ་བསྒོམ་ཞིང་། །སྣང་བ་མེད་ལ་གནས་པར་བྱ། །བག་ཆགས་དག་གིས་སེམས་དབྱེ་སྟེ། །སེམས་དང་བག་ཆགས་ཐ་མི་དད། །
168a2 སེམས་ནི་ཐ་དད་མ་ཡིན་མཚན། །བག་ཆགས་རྣམས་ཀྱིས་ཡོངས་སུ་དཀྲིས། །ཡིད་ཀྱི་ཤེས་ལས་བྱུང་བ་ཡི། །བག་ཆགས་དྲི་མ་བཞིན་དུ་ལྟོས། །སེམས་ནི་རས་ཡུག་དཀར་པོ་འདྲ། །བག་ཆགས་རྣམས་ཀྱིས་མི་མཛེས་སོ། །ཇི་ལྟར་ངས་ནི་ནམ་མཁའ་ལ། །དངོས་དང་དངོས་མེད་མ་ཡིན་བཤད། །
168a3 དེ་བཞིན་ལུས་ལ་ཀུན་གཞི་ནི། །དངོས་དང་དངོས་པོ་མེད་པས་སྤངས། །རྙོག་པ་སྤངས་པའི་སེམས་ཉིད་ནི། །ཡིད་ཀྱི་རྣམ་ཤེས་བཟློག་པ་སྟེ། །ཆོས་རྣམས་ཐམས་ཅད་ཤེས་པའི་ཕྱིར། །སེམས་ནི་སངས་རྒྱས་ཤེས་ང་འཆད། །རྒྱུད་གསུམ་རྣམ་པར་འཆད་པ་སྟེ། །ཡོད་པ་དང་ནི་མེད་པ་སྤངས། །
168a4 མཐའ་བཞི་དག་ལས་རྣམ་པར་གྲོལ། །སྲིད་པ་རྟག་ཏུ་སྒྱུ་མ་བཞིན། །སེམས་ལས་བྱུང་བའི་ས་བདུན་རྣམས། །ངོ་བོ་ཉིད་ནི་གཉིས་སུ་འགྱུར། །ས་གཞན་དང་ནི་སངས་རྒྱས་ས། །དེ་དག་ཤིན་ཏུ་རྫོགས་པ་ཡིན། །གཟུགས་ཅན་དང་ནི་གཟུགས་མེད་ཁམས། །འདོད་པའི་ཁམས་དང
168a5 མྱ་ངན་འདས། །སེམས་ཀྱི་སྤྱོད་ཡུལ་ཐམས་ཅད་ཀྱང་། །ལུས་འདི་ཉིད་དུ་བཤད་པ་ཡིན། །གང་ཚེ་ཇི་སྲིད་དམིགས་གྱུར་པ། །དེ་སྲིད་ནོར་པ་འཇུག་པར་འགྱུར། །ནོར་པ་རང་གི་སེམས་རྟོགས་ན། །འཇུག་པ་མེད་ཅིང་ལྡོག་པ་མེད། །སྐྱེ་བ་མེད་ལ་རྒྱུ་ཡང་མེད། །དངོས་པོས་འཁོར་བ
168a6 ཀུན་འཛིན་ཏེ། །རྒྱུ་ལ་སོགས་དང་འདྲར་མཐོང་ན། །མཚན་ཉིད་ལ་ནི་མི་བརྟག་གོ། །བྱིས་པ་ཞན་པའི་བློ་ཅན་ལ། །ཐེག་པ་གཅིག་དང་ཐེག་གསུམ་དང་། །ཐེག་པ་མེད་པ་རང་འཆད་དོ། །འཕགས་པ་རྣམས་ལ་དབེན་པ་ཉིད། །མཚན་ཉིད་དང་ནི་རྟོག་པ་དེ། །ང་ཡི་སྐྱེ་བ་རྣམ་གཉིས
168a7 སོ། །ཚུལ་བསྟན་པ་ནི་རྣམ་བཞི་སྟེ། །རིགས་པ་བསྟན་དང་གྲུབ་པའི་མཐའ། །དབྱིབས་དང་བྱད་ཀྱི་ཁྱད་པར་གྱིས། །ནོར་བ་མཐོང་ནས་རྣམ་པར་རྟོག་།མིང་དང་དབྱིབས་དང་བྲལ་གྱུར་ནས། །རང་བཞིན་འཕགས་པའི་སྤྱོད་ཡུལ་གཙང་། །ཇི་སྲིད་རྣམ་པར་རྟོག་པས་རྟོག་།དེ
iiif viewer powered by OpenSeadragon
