| e-texts navigator |
| Wylie |
167b1 དོན་དུ་ཡི་གེ་མེད། །རིས་སུ་གཏོགས་དང་མུ་སྟེགས་ཅན། །ལྟ་བ་གཅིག་ལ་གནས་པ་སྟེ། །སེམས་ཙམ་ལ་ནི་རྨོངས་པས་ན། །ཕྱི་རོལ་གྱི་ནི་དངོས་ལ་རྟོག་།རྨི་ལམ་ན་ནི་དབང་བསྐུར་དང་། །རང་རྒྱལ་དང་ནི་སངས་རྒྱས་དང་། །དགྲ་བཅོམ་སངས་རྒྱས་མཐོང་ན་ནི། །བྱང་ཆུབ
167b2 ས་བོན་འཕེལ་བ་ཡིན། །གང་ན་དེ་དག་ཇི་ལྟ་བུར། །གང་ལས་ཅི་ཡི་ཕྱིར་བ་དང་། །སྒྱུ་མའི་སེམས་ཀྱི་རྣམ་པ་ཞི། །ཡོད་མེད་ཕྱོགས་བཤད་བདག་ལ་གསུངས། །སེམས་ཙམ་ལ་ནི་རྨོངས་པ་ལ། །སྒྱུ་མ་བཞིན་དུ་ཡོད་མེད་བཤད། །སྐྱེ་བ་དང་ནི་འཇིག་པར་ལྡན། །མཚན་དང
167b3 མཚན་གྱི་གཞིར་ཡང་ཤེས། །ཡིད་ཅེས་བྱ་བ་རྣམ་རྟོག་པ། །རྣམ་ཤེས་ལྔ་དང་ལྷན་ཅིག་ཏུ། །གཟུགས་བརྙན་ཆུ་བོའི་ཆུ་འདྲ་བ། །སེམས་ཀྱི་ས་བོན་དག་ལས་འབྱུང་། །གང་གི་ཚེ་ན་སེམས་དང་ཡིད། །རྣམ་པར་ཤེས་པ་མི་འཇུག་པ། །དེ་ཡི་ཚེ་ན་ཡིད་ལུས་དང་། །སངས་རྒྱས་ས་ཡང
167b4 ཐོབ་པར་འགྱུར། །རྐྱེན་དང་ཁམས་དང་ཕུང་པོ་དང་། །ཆོས་རྣམས་ཀྱི་ནི་རང་བཞིན་ཉིད། །བཏགས་དང་སེམས་དང་གང་ཟག་རྣམས། །རྨི་ལམ་སྐྲ་ཤད་འཛིངས་པ་འདྲ། །འཇིག་རྟེན་རྨི་ལམ་སྒྱུ་མ་ལྟར། །མཐོང་ནས་ཡང་དག་གནས་པར་གྱིས། །དེ་བཞིན་ཉིད་ནི་མཚན
167b5 ཉིད་བྲལ། །རིག་པ་དང་ནི་གཏན་ཚིགས་སྤངས། །འཕགས་པའི་སོ་སོ་རང་རིག་པ། །སྤྱོད་པ་རྟག་ཏུ་དྲན་པར་གྱིས། །རིགས་པ་དང་ནི་རྒྱུ་རྨོངས་པའི། །འཇིག་རྟེན་དེ་བཞིན་ཉིད་ལ་ཁོད། །སྤྲོས་པ་ཐམས་ཅད་ཞི་བའི་ཕྱིར། །ཤེས་རབ་ནོར་པར་མི་འཇུག་སྟེ། །ཇི་སྲིད་ནོར
167b6 པར་རྣམ་རྟོག་པ། །དེ་སྲིད་རྨོངས་པས་སེམས་འཇུག་གོ། །རང་བཞིན་མེད་དང་དངོས་པོ་དང་། །སྟོང་པ་རྟག་དང་མི་རྟག་རྣམས། །སྐྱེ་བར་སྨྲ་བའི་ལྟ་བ་སྟེ། །མི་སྐྱེ་སྨྲ་བའི་མ་ཡིན་ནོ། །འགྲོ་གཅིག་ཐ་དད་གཉིས་ཀར་ཡང་། །དབང་ཕྱུག་དང་ནི་འདོད་རྒྱལ་དང་། །དུས་དང་གཙོ་དང
167b7 རྡུལ་ཕྲན་དང་། །རྐྱེན་རྣམས་ཀྱིས་ནི་བརྟག་པ་ཡིན། །འཁོར་བའི་ས་བོན་རྣམ་པར་ཤེས། །ས་བོན་ཡོད་ན་འབྱུང་བར་འགྱུར། །རྩིག་པ་ཡོད་ན་རི་མོ་བཞིན། །ཡོངས་སུ་ཤེས་ནས་འགག་པར་འགྱུར། །ཇི་ལྟར་སྒྱུ་མའི་སྐྱེས་བུ་བཞིན། །མི་དག་འཆི་དང་སྐྱེ་བར་འགྱུར། །དེ་བཞིན་བྱིས་པ
iiif viewer powered by OpenSeadragon
