| e-texts navigator |
| Wylie |
167a1 དངོས་མེད་མེད། །དངོས་དང་དངོས་མེད་མཉམ་པས་ནི། །འཕགས་པ་རྣམས་ནི་འབྲས་བུ་སྐྱེ། །ཇི་ལྟར་དངོས་རྣམས་དངོས་པོ་མེད། །ཇི་ལྟར་མཉམ་པ་ཉིད་དུ་བྱེད། །གང་གི་ཚེ་ན་ཕྱི་ནང་གི། །གཡོ་བ་ཡི་ནི་སེམས་མི་ཤེས། །དེ་ཚེ་འཇིག་པར་བྱེད་པ་སྟེ། །སེམས་ཀྱི་མཉམ་པ
167a2 ཉིད་ཀྱང་མཉམ། །ཐོག་མ་མེད་ལྡན་འཁོར་བ་ན། །བྱིས་པ་དངོས་འཛིན་གྱིས་གཡོགས་པ། །གཟེར་གྱིས་གཟེར་ལ་ཇི་བཞིན་དུ། །བྲིད་ནས་འཛིན་པ་རྣམ་པར་བཟློག་།དེ་ཡི་རྒྱུ་ཅན་དེ་ལ་དམིགས། །ཡིད་ཀྱི་འཇུག་པའི་གནས་ཡིན་ཏེ། །སེམས་ཀྱི་རྒྱུ་ཡང་འབྱིན་པར་བྱེད། །རྣམ
167a3 པར་ཤེས་ཀྱང་དེ་ལ་གནས། །རྣམ་པར་སྨིན་སྐྱེས་བྱིན་རླབས་དང་། །རིས་དང་འགྲོ་བ་རྣམས་ཀྱང་འབྱུང་། །རྨི་ལམ་དུ་ནི་གང་རྙེད་དང་། །མངོན་པར་ཤེས་པ་རྣམ་བཞི་སྟེ། །གང་ཡང་རྨི་ལམ་རྙེད་པ་དང་། །གང་ཡང་སངས་རྒྱས་གནང་བ་དང་། །གང་རིས་འགྲོ་དང་རིགས་ཀྱི་རྣམས། །
167a4 མངོན་ཤེས་རྣམ་སྨིན་སྐྱེས་དེ་མིན། །བག་ཆགས་ཀྱིས་ནི་བསྒོས་པའི་སེམས། །དངོས་པོར་སྣང་བ་ཤིན་ཏུ་འཇུག་།བྱིས་པས་གང་ཚེ་མི་ཤེས་པ། །དེ་ཚེ་སྐྱེ་བར་བཤད་པར་བྱ། །དངོས་པོ་མཚན་ཉིད་ལྡན་པར་ནི། །ཕྱི་རོལ་ཇི་སྲིད་རྣམ་རྟོག་ཅིང་། །རང་གི་ནོར་པ་མ་མཐོང་ན། །དེ་སྲིད་དུ་ནི
167a5 སེམས་རྒྱས་བྱེད། །ཅི་ཡི་ཕྱིར་ནི་སྐྱེ་བརྗོད་ལ། །དེ་ཡི་ཕྱིར་ནི་སྣང་བ་བརྗོད། །སྣང་བ་དག་ནི་སྣང་བ་མིན། །གང་གི་ཅི་ལ་ཅི་ཞིག་བརྗོད། །སེམས་ནི་རང་བཞིན་དང་བ་སྟེ། །རྙོག་པར་བྱེད་པ་ཡིད་ཡིན་ནོ། །རྣམ་པར་ཤེས་དང་བཅས་པའི་ཡིད། །རྟག་ཏུ་བག་ཆགས་འདེབས
167a6 པར་བྱེད། །ཀུན་གཞི་ཡིས་ནི་འདོར་བར་བྱེད། །ཡིད་ནི་འགྲོ་ལ་སྨོན་པར་བྱེད། །རྣམ་ཤེས་ཡུལ་དུ་སྣང་བ་ཡི། །ནོར་པ་མཐོང་ནས་རབ་ཏུ་ཆགས། །ང་ཡི་སེམས་ནི་སྣང་བ་སྟེ། །ཕྱི་རོལ་གྱི་ནི་དོན་མེད་པར། །ནོར་པ་ལ་ནི་དེ་ལྟར་བསྒོམས། །དེ་བཞིན་ཉིད་ཀྱང་དྲན
167a7 པར་གྱིས། །བསམ་གཏན་པ་ཡི་ཡུལ་དང་ལས། །སངས་རྒྱས་རྣམས་ཀྱི་ཆེ་བ་ཉིད། །དེ་གསུམ་བསམ་གྱིས་མི་ཁྱབ་སྟེ། །རྣམ་ཤེས་སྤྱོད་ཡུལ་བསམ་མི་ཁྱབ། །མ་འོངས་པ་དང་འདས་པ་དང་། །ནམ་མཁའ་གང་ཟག་མྱ་ངན་འདས། །ཀུན་རྫོབ་ཏུ་ནི་དེ་དག་བཤད། །དམ་པའི
iiif viewer powered by OpenSeadragon
