| e-texts navigator |
| Wylie |
166b1 ལུས་ནི་སྣ་ཚོགས་པ། །རྣམ་གྲངས་དག་གིས་ངས་བཤད་དོ། །མདོ་སྡེ་འདུལ་བ་ཆོས་མངོན་པས། །དོན་གྱིས་མ་ཡིན་ཚིག་རྣམས་ཀྱིས། །རྣམ་པར་དག་པ་གང་རྟོག་པ། །བདག་མེད་པ་ལ་དེ་མི་གནས། །ང་དང་སངས་རྒྱས་རྣམས་དང་ནི། །མུ་སྟེགས་ཅན་དག་གང་གིས་ཀྱང་། །རྐྱེན་གྱིས་ཡོད་པ་ནམ
166b2 བསྒྲུབས་ན། །ཇི་ལྟ་བུར་ནི་ཡོད་པར་འགྱུར། །རྐྱེན་རྣམས་ཀྱིས་ནི་ཡོད་པར་ཡང་། །སུ་ཡིས་བསྒྲུབས་ན་གང་མེད་བསྒྲུབས། །སྐྱེ་བར་སྨྲ་བ་ངན་ལྟ་བས། །ཡོད་དང་མེད་པར་རྣམ་པར་རྟོག་།གང་གི་ཅི་ཡང་མི་སྐྱེ་ལ། །ཅི་ཡང་འགག་པར་མི་འགྱུར་བ། །འགྲོ་བ་དབེན་པར་མཐོང་བས་ན། །
166b3 དེ་ལ་ཡོད་མེད་ཉེར་མི་འགྲོ། །སྣང་བ་རི་བོང་རྭ་བཞིན་ཏེ། །མི་རྣམས་ཀྱི་ནི་རྣམ་རྟོག་ཡོད། །སྨིག་རྒྱུ་ལ་ནི་བཞིན། །གང་རྣམས་རྟོག་པ་དེ་དག་ནོར། །རྣམ་རྟོག་མངོན་པར་ཆགས་པ་ཡིས། །རྣམ་པར་རྟོག་པ་ཤིན་ཏུ་འབྱུང་། །སྐྱེ་བ་དང་ནི་འཇིག་ལས་གྲོལ། །སྣང་བ་མེད་ལ་རབ་ཏུ
166b4 སྤྱོད། །ཟབ་ཡངས་རྒྱ་ཆེ་ཡེ་ཤེས་དང་། །ཕུན་སུམ་ཚོགས་པའི་ཞིང་རྣམས་ནི། །རྒྱལ་བའི་སྲས་པོ་རྣམས་ལ་བཤད། །ཉན་ཐོས་རྣམས་ལ་མི་རྟོག་པ། །སྲིད་གསུམ་མི་རྟག་སྟོང་པ་སྟེ། །བདག་དང་བདག་གི་རྣམ་སྤངས་དང་། །རྒྱུ་མེད་པ་ཡི་རྣམ་རྟོག་ནི། །རྣམ་པར་རྟོག་ཅེས་བྱར་མི་རུང་། །ཇི་ལྟ་བུར
166b5 ནི་སྨིག་རྒྱུ་ལ། །ཆུ་མེད་པར་ནི་ཆུར་འཛིན་འགྱུར། །དེ་བཞིན་སྣང་ལ་བྱིས་པ་རྣམས། །འཕགས་པ་རྣམས་ནི་བྱེ་བྲག་ཏུ། །འཕགས་པའི་ལྟ་བ་དག་པ་སྟེ། །རྣམ་པར་ཐར་པ་གསུམ་ལས་བྱུང་། །རང་དང་སྤྱི་ཡི་མཚན་ཉིད་རྣམས། །ཉན་ཐོས་རྣམས་ལ་རབ་ཏུ་བཤད། །ཐམས་ཅད་ཆོས་ལ
166b6 མ་ཆགས་དང་། །གཅིག་པུ་དབེན་པར་སྤྱོད་པ་དང་། །མ་བརྟགས་པ་ཡི་འབྲས་བུ་ནི། །རང་རྒྱལ་སྲས་པོ་དག་ལ་བཤད། །ཕྱི་རོལ་བརྟགས་པའི་རང་བཞིན་ཏེ། །གཞན་དབང་རང་གི་གཞི་ལས་སྐྱེས། །བདག་ལས་སྐྱེས་པའི་འཁྲུལ་མ་མཐོང་། །དེ་ཕྱིར་སེམས་རྣམས་རབ་ཏུ་འཇུག་།བཅུ་པོ་པ་ནི
166b7 དང་པོ་ཡིན། །དང་པོ་པ་ནི་བརྒྱད་པོ་ཡིན། །དགུ་པོ་ཡང་ནི་བདུན་པ་སྟེ། །བདུན་པོ་པ་ཡང་བརྒྱད་པོ་ཡིན། །གཉིས་པོ་པ་ནི་གསུམ་པ་ཡིན། །བཞི་པོ་ཡང་ནི་ལྔ་པོ་ཡིན། །གསུམ་པོ་ཡང་ནི་དྲུག་ཡིན་ཏེ། །སྣང་མེད་པ་ལ་རིམ་ཅི་ཡོད། །དངོས་པོ་རྣམས་ནི་སྣང་མེད་ཚེ། །རྣལ་འབྱོར་ཅན་ལ
iiif viewer powered by OpenSeadragon
