| e-texts navigator |
| Wylie |
164a1 སྲིད་གསུམ་འདི་ནི་སྐྲ་ཤད་འདྲ། །སྨིག་རྒྱུ་ཆུ་ལྟར་ནོར་བ་སྟེ། །རྨི་ལམ་སྒྱུ་མ་ལྟ་བུར་ནི། །རྣམ་པར་བསྒོམས་ན་གྲོལ་བར་འགྱུར། །རྣམ་པར་རྟོག་དང་རྣམ་བརྟག་དང་། །རྣམ་པར་རྟོག་པ་འཇུག་པ་དང་། །འཆིང་དང་བཅིང་བྱ་བཅིངས་པ་དང་། །དྲུག་པོ་འདི་དག་ཐར
164a2 པའི་རྒྱུ། །ས་རྣམས་མེད་ཅིང་བདེན་པ་མེད། །ཞིང་རྣམས་མེད་ཅིང་སྤྲུལ་པ་མེད། །སངས་རྒྱས་རྣམས་དང་རང་སངས་རྒྱས། །ཉན་ཐོས་རྣམས་ཀྱང་བརྟགས་པའོ། །གང་ཟག་རྒྱུ་དང་ཕུང་པོའི་རྣམས། །དེ་བཞིན་རྐྱེན་དང་རྡུལ་ཕྲན་དང་། །གཙོ་བོ་དབང་ཕྱུག་བྱེད་པོ་རྣམས། །
164a3 སེམས་ཙམ་ལ་ནི་རྣམ་པར་རྟོག་།སེམས་ནི་ཐམས་ཅད་ཐམས་ཅད་དུ། །ཐམས་ཅད་ལུས་ལ་འཇུག་པ་སྟེ། །རྣམ་པ་དྲུག་གིས་སྣ་ཚོགས་འཛིན། །སེམས་ཀྱི་རིགས་ནི་མཚན་ཉིད་མེད། །ཕུང་པོ་རྣམས་ལ་བདག་མེད་དེ། །བདག་ཀྱང་ཕུང་པོ་རྣམས་ལ་མེད། །དེ་དག་བརྟགས
164a4 པ་བཞིན་དུ་མེད། །དེ་དག་མེད་པའང་མ་ཡིན་ནོ། །ཇི་ལྟར་བྱིས་པས་བརྟགས་པ་བཞིན། །དངོས་པོ་ཐམས་ཅད་ཡོད་པ་སྟེ། །དེ་དག་མཐོང་བཞིན་ཡོད་ན་ནི། །ཐམས་ཅད་ཡང་དག་མཐོང་བར་འགྱུར། །དངོས་པོ་ཐམས་ཅད་མེད་པའི་ཕྱིར། །ཀུན་ནས་ཉོན་མོངས་དག
164a5 པ་མེད། །ཇི་ལྟར་མཐོང་བཞིན་དེ་མེད་དེ། །དེ་དག་མེད་པའང་མ་ཡིན་ནོ། །ཀུན་རྟོག་ནོར་བའི་མཚན་མ་སྟེ། །གཞན་གྱི་དབང་གི་མཚན་ཉིད་དོ། །མཚན་ཉིད་དེ་ལ་མིང་བཏགས་པ། །དེ་ནི་རྣམ་བརྟགས་མཚན་ཉིད་དོ། །རྐྱེན་དང་མིང་གི་བརྡ་དག་ལས། །ཀུན་རྟོག་ནོར
164a6 བའི་མཚན་མ་དག་། ནམ་ཞིག་དེ་ལ་མི་འབྱུང་ན། །ཡོངས་སུ་གྲུབ་པའི་མཚན་ཉིད་དོ། །རྣམ་པར་སྨིན་པའི་སངས་རྒྱས་དང་། །སྤྲུལ་པ་ཡི་ནི་རྒྱལ་བ་དང་། །བྱང་ཆུབ་སེམས་དཔའ་སེམས་ཅན་དང་། །ཕྱོགས་ཕྱོགས་ཀྱི་ནི་ཞིང་རྣམས་དང་། །སྒྱུ་འདྲའི་ཆོས་དང་འཕྲུལ་པ་དང་། །
164a7 རྒྱལ་བ་གང་རྣམས་སྤྲུལ་པ་དག་།དེ་ཀུན་སྣང་བ་མཐའ་ཡས་ཀྱི། །བདེ་བ་ཅན་ནས་བྱུང་བའོ། །གང་ཡང་སྤྲུལ་པས་བཤད་པ་དང་། །རྣམ་སྨིན་སྐྱེས་པས་གང་བཤད་པ། །མདོ་སྡེ་ཤིན་ཏུ་རྒྱས་པའི་ཚུལ། །དེ་ཡི་དགོངས་པ་ཤེས་པར་གྱིས། །གང་ཡང་རྒྱལ་བའི་བུས་བཤད
iiif viewer powered by OpenSeadragon
