| e-texts navigator |
| Wylie |
162b1 ཀྱིས་ནི་བྱིས་པ་དག་། གང་ལ་རྟོག་པ་དེ་བཟློག་གོ། །རང་བཞིན་མེད་ཅིང་རྣམ་རིག་མེད། །ཀུན་གཞི་མེད་ཅིང་དངོས་མེད་ན། །བྱིས་པ་ངན་པའི་རྟོག་གེ་པ། །རོ་དང་འདྲ་བས་འདི་དག་བརྟགས། །ནམ་ཞིག་འཇིག་རྟེན་སེམས་ཙམ་དུ། །རྒྱལ་བའི་སྲས་ཀྱིས་མཐོང་བ་ན། །
162b2 དེ་ཚེ་རིས་སུ་གཏོགས་པའི་ལུས། །བྱིས་པའི་འདུ་བྱེད་སྤངས་པ་སྟེ། །སྟོབས་དང་མངོན་པར་ཤེས་པ་དང་། །དབང་དང་ལྡན་པ་རབ་ཏུ་འཐོབ། །ཐམས་ཅད་གཟུགས་སུ་སྣང་བ་ཡི། །སེམས་དེ་ནམ་ཞིག་བྱུང་བ་ན། །འདི་ལ་སེམས་མེད་གཟུགས་མེད་ཀྱི། །ནོར་སེམས
162b3 ཐོག་མ་མེད་ཅེས་པ། །དེ་ཚེ་རྣལ་འབྱོར་ཅན་གྱི་རྣམས། །ཤེས་པས་འགྲོ་བ་སྣང་མེད་མཐོང་། །མཚན་མ་དངོས་པོ་རྣམ་རིག་དང་། །གང་རིག་རྣམ་པར་གཡོས་པ་ལས། །ང་ཡི་བུ་རྣམས་འདས་ནས་ནི། །དེ་དག་རྣམ་པར་མི་རྟོག་སྤྱོད། །སྒྱུ་མ་དྲི་ཟའི་གྲོང་ཁྱེར་དང་། །སྐྲ
162b4 ཤད་འཛིངས་པའི་སྨིག་རྒྱུ་དག་། མེད་བཞིན་དུ་ནི་ཡོད་པར་སྣང་། །དེ་བཞིན་དངོས་པོ་དངོས་ཉིད་དོ། །དངོས་པོ་ཐམས་ཅད་མ་སྐྱེས་ཏེ། །ནོར་བ་ཙམ་ནི་སྣང་བར་འགྱུར། །བྱིས་པ་རྟོག་གཉིས་དགའ་བ་དང་། །ནོར་པ་ལས་ནི་སྐྱེས་པར་རྟོག་།སྣ་ཚོགས་བག་ཆགས་ལས་བྱུང་བའི། །
162b5 སྐྱེ་བའི་ཆར་ནི་གཏོགས་པའི་སེམས། །ཆུ་བོའི་རླབས་བཞིན་ཤིན་ཏུ་འབྱུང་། །དེ་ཆད་ནས་ནི་མི་འབྱུང་ངོ་། །རྣམ་པ་སྣ་ཚོགས་དམིགས་པའི་སེམས། །སྣ་ཚོགས་ལ་ནི་འཇུག་པ་བཞིན། །དེ་བཞིན་ནམ་མཁའ་རྩིག་པ་ལ། །ཅི་ཡི་ཕྱིར་ན་འཇུག་མི་འགྱུར། །མཚན་མ་ཞིག་ལ་དམིགས་ནས་ནི། །
162b6 གལ་ཏེ་སེམས་ནི་འཇུག་འགྱུར་ན། །སེམས་ཀྱང་རྐྱེན་གྱིས་བསྐྱེད་འགྱུར་ཏེ། །སེམས་ཙམ་དུ་ནི་མི་རུང་ངོ་། །སེམས་ཀྱིས་སུ་ནི་སེམས་ལ་གཟུང་། །རྒྱུ་དང་བཅས་པ་གང་ཡང་མེད། །སེམས་ཀྱི་ཆོས་ཉིད་དག་པ་སྟེ། །ནམ་མཁའ་ལ་ནི་བག་ཆགས་མེད། །རང་གི་སེམས་ལ་མངོན་ཆགས
162b7 པས། །སེམས་ནི་ཤིན་ཏུ་འབྱུང་བར་འགྱུར། །ཕྱི་རོལ་སྣང་བ་ཡོད་མེད་དེ། །དེ་ཡི་ཕྱིར་ན་སེམས་ཙམ་མོ། །སེམས་ནི་ཀུན་གཞི་རྣམ་ཤེས་ཏེ། །ངར་སེམས་ཉིད་ནི་ཡིད་ཡིན་ནོ། །གང་གིས་ཡུལ་རྣམས་འཛིན་པ་ནི། །དེ་ནི་རྣམ་པར་ཤེས་ཞེས་བྱ། །སེམས་ནི་རྟག་ཏུ་ལུང་མ་བསྟན། །
iiif viewer powered by OpenSeadragon
