| e-texts navigator |
| Wylie |
162a1 དང་གང་ཟག་འཕོས་པའི་ཕྱིར། །དེ་གྱུར་པ་ནི་དེ་བཞིན་ཉིད། །ཉི་མ་ཟླ་བ་མར་མེའི་འོད། །དེ་བཞིན་འབྱུང་བ་ནོར་བུ་རྣམས། །རྣམ་པར་མི་རྟོག་ཤིན་ཏུ་འབྱུང་། །དེ་བཞིན་སངས་རྒྱས་སངས་རྒྱས་ཉིད། །ཇི་ལྟར་རབ་རིབ་ཅན་དག་གིས། །སྐྲ་ཤད་ལོག་པར་འཛིངས
162a2 པ་ལྟར། །དེ་བཞིན་དངོས་པོར་རྟོག་པ་འདི། །བྱིས་པས་ལོག་པ་རྣམ་པར་བརྟགས། །ཉོན་མོངས་རྣམ་བྱང་དངོས་པོ་རྣམས། །སྐྲ་ཤད་འཛིངས་པ་ལྟ་བུ་སྟེ། །གནས་དང་འཇིག་དང་སྐྱེ་དང་བྲལ། །རྟག་དང་མི་རྟག་སྤངས་པའོ། །ཇི་ལྟར་ལ་ལས་དྷ་ཏུར་ཟོས། །གསེར་ལྟ
162a3 བུར་ནི་འགྲོ་བ་མཐོང་། །དེ་ན་གསེར་ཡོད་མ་ཡིན་ཡང་། །ས་དག་ཀྱང་ནི་གསེར་དུ་སྣང་། །ཐོག་མ་མེད་སེམས་སེམས་བྱུང་བས། །དེ་ལྟར་བྱིས་པ་ཉམས་པར་བྱས། །སྲིད་པ་སྒྱུ་མ་སྨིག་རྒྱུ་སྐྱེས། །ཡང་དག་ཉིད་དུ་འཛིན་པར་བྱེད། །ས་བོན་གཅིག་དང་ས་བོན་མེད། །མཉམ
162a4 དང་ཤས་ཆེ་ས་བོན་ཅན། །ས་བོན་ཀུན་ཀྱང་དེ་བཞིན་ནོ། །སྣ་ཚོགས་གྱུར་གྱི་སེམས་ལ་ལྟོས། །ནམ་དག་པ་ན་ས་བོན་གཅིག་།ཤིན་ཏུ་གྱུར་པ་ས་བོན་མེད། །མི་རྟོག་པས་ན་མཉམ་པའོ། །ཤས་ཆེ་བས་ན་ཚེ་རབས་འདྲེས། །ས་བོན་སྣ་ཚོགས་འདེབས་པས་ན། །དེ་ནི
162a5 ས་བོན་ཀུན་ཅེས་བྱ། །འདི་ལ་རྐྱེན་གྱིས་མི་སྐྱེ་སྟེ། །གང་ཡང་འགག་པར་མི་འགྱུར་རོ། །བརྟགས་པ་ཡི་ནི་རྐྱེན་རྣམས་ཉིད། །སྐྱེ་བ་དང་ནི་འགག་པར་འགྱུར། །སྲིད་པ་གསུམ་ནི་བཏགས་ཙམ་སྟེ། །ངོ་བོ་ཉིད་ཀྱིས་དངོས་པོ་མེད། །བཏགས་པ་དངོས་པོའི་ངོ་བོར་ནི། །རྟོག་གེ
162a6 པ་དག་རྟོག་པར་འགྱུར། །དངོས་པོའི་རང་བཞིན་ཤེས་འདོད་ལ། །ནོར་པ་དག་ནི་མི་རྟོགས་སོ། །དངོས་པོའི་རང་བཞིན་མི་སྐྱེ་བ། །དེ་ལྟར་མཐོང་ནས་རྣམ་པར་འགྲོལ། །སྒྱུ་མ་མེད་དང་ཆོས་མཚུངས་པས། །དངོས་པོ་རྣམས་ནི་ཡོད་བརྗོད་བཞིན། །ལོག་པ་གློག་ལྟར་མགྱོགས
162a7 པས་ན། །དེ་ཕྱིར་སྒྱུ་མ་ལྟ་བུར་རིག་།བསྐྱེད་པ་མེད་ཅིང་སྐྱེས་པ་མེད། །རྐྱེན་རྣམས་ཀྱང་ནི་གང་ན་ཡང་། །གང་ཡང་ཡོད་པ་མ་ཡིན་ཏེ། །ཁ་ཅིག་གིས་ནི་སྤྱོད་པར་བརྗོད། །རྐྱེན་གྱི་སྐྱེ་འཇིག་འབྲེལ་བ་ནི། །བཟློག་པར་བྱ་བ་མ་ཡིན་ཏེ། །རང་བཞིན་མེད་ཅིང་རྣམ་རིག་མེད། །རྐྱེན་རྣམས
iiif viewer powered by OpenSeadragon
