| e-texts navigator |
| Wylie |
161a1 གང་ཕྱིར་དེ་ལས་འབྱུང་བས་ན། །དེ་ནི་གཞན་གྱི་དབང་དུ་འདོད། །དེ་དག་གང་དངོས་རྟོག་པ་ནི། །སེམས་ཀྱི་སྤྱོད་ཡུལ་ནོར་བ་སྟེ། །རྟོག་པས་གྲུབ་པ་མ་ཡིན་ནོ། །ལོག་པར་ནོར་བ་རྣམ་པར་བརྟགས། །རྐྱེན་རྣམས་དང་ནི་འབྲེལ་པ་ལས། །ལུས་ཅན་རྣམས
161a2 ཀྱི་སེམས་འབྱུང་ངོ་། །རྐྱེན་རྣམས་ལས་ནི་རྣམ་གྲོལ་ཞིང་། །རང་གི་མཚན་ཉིད་རྣམ་སྤངས་ཏེ། །ནམ་ཞིག་ལུས་ལ་མི་གནས་ན། །དེ་ཕྱིར་ང་ཡི་སྤྱོད་ཡུལ་མིན། །ཇི་ལྟར་རྒྱལ་པོ་ཚོང་དཔོན་དག་།འདྲ་བ་སྣ་ཚོགས་ཀྱིས། །བུ་བྲིད་ཁྱིམ་ན་རྩེར་བཅུག་ནས། །
161a3 ནགས་ཀྱི་ཕྲད་པ་བསྟན། །དེ་ལྟར་ངས་ནི་ཆོས་རྣམས་ཀྱི། །གཟུགས་བརྙན་ཙམ་ཉིད་སྣ་ཚོགས་ཀྱིས། །སོ་སོ་རང་རིག་ཡང་དག་མཐའ། །བུ་རྣམས་ལ་ནི་ང་འཆད་དོ། །ཇི་ལྟར་རྒྱ་མཚོའི་རླབས་རྣམས་ནི། །རླུང་གི་རྐྱེན་གྱིས་བྱུང་བ་དག་།གར་བྱེད་རབ་ཏུ་འཇུག་པར
161a4 འགྱུར། །རྒྱུན་ཀྱང་ཆད་པར་མི་འགྱུར་རོ། །དེ་བཞིན་ཀུན་གཞི་ཆུ་བོ་ཡང་། །རྟག་ཏུ་ཡུལ་གྱི་རྐྱེན་གྱིས་བྱུང་། །རྣམ་ཤེས་དབའ་རླབས་སྣ་ཚོགས་ཀྱིས། །གར་བྱེད་རབ་ཏུ་འདུད་པར་འགྱུར། །གཟུང་དང་འཛིན་པའི་དངོས་པོར་ནི། །ལུས་ཅན་རྣམས་ཀྱི་སེམས་འཇུག་གོ། །
161a5 ཇི་ལྟར་བྱིས་པས་བརྟགས་པ་ལྟར། །སྣང་བ་ཡི་ནི་མཚན་ཉིད་མེད། །ཀུན་གཞི་རྣམ་ཤེས་དམ་པ་ནི། །རྣམ་པར་རིག་སྟེ་ཀུན་གཞི་ཡང་། །གཟུང་དང་འཛིན་པ་སྤངས་པའི་ཕྱིར། །དེ་བཞིན་ཉིད་དུ་ངས་བཤད་དོ། །ཕུང་པོ་རྣམས་ལ་བདག་མེད་དེ། །སྲོག་ཀྱང་མེད་ཅིང
161a6 གང་ཟག་མེད། །རྣམ་པར་ཤེས་པ་སྐྱེ་བར་འགྱུར། །རྣམ་པར་ཤེས་ནི་འགགས་པར་འགྱུར། །ཇི་ལྟར་རི་མོ་མཐོན་དམན་དུ། །སྣང་ཡང་ཡོད་པ་མ་ཡིན་པ། །དེ་བཞིན་དངོས་པོ་རྣམས་ལ་ཡང་། །དངོས་ཉིད་སྣང་ཡང་ཡོད་པ་མིན། །ཇི་ལྟར་དྲི་ཟའི་གྲོང་ཁྱེར་དང་། །
161a7 ཇི་ལྟ་བུར་ནི་སྨིག་རྒྱུ་དག་།དེ་ལྟར་སྣང་བ་རྟག་མཐོང་ཡང་། །ཤེས་རབ་ཀྱིས་ནི་ཡོད་མ་ཡིན། །ཚད་མ་དབང་པོ་རྣམ་པར་ལོག་།འབྲས་བུ་མེད་ཅིང་རྒྱུ་ཡང་མེད། །བློ་དང་རིག་པར་བྱ་དང་བྲལ། །མཚན་དང་མཚན་གྱི་གཞི་ཡང་སྤངས། །ཕུང་པོར་རྟེན་ཅིང་སངས་རྒྱས་པ། །
iiif viewer powered by OpenSeadragon
