| e-texts navigator |
| Wylie |
158a1 ཅན་གྱིས་ཟས་ལ་སྤྱོད། །སེང་གེ་དག་དང་སྟག་རྣམས་དང་། །ཝ་ལ་སོགས་དང་འགྲོགས་བྱ་བ། །ངས་ནི་བྱམས་པས་གནས་པ་ལ། །རྟག་པར་རྣམ་པ་ཀུན་ཏུ་སྨད། །ཐར་པའི་ཆོས་དང་འགལ་བའི་ཕྱིར། །མི་རྣམས་དངང་བར་འགྱུར་བའི་ཤ། །དེ་ཕྱིར
158a2 བཟའ་བར་མི་བྱ་སྟེ། །འདི་ནི་འཕགས་པའི་རྒྱལ་མཚན་ནོ། །ལང་ཀར་གཤེགས་པ་སངས་རྒྱས་ཐམས་ཅད་ཀྱི་གསུང་རབ་ཀྱི་སྙིང་པོ་ལས་ཤ་མི་ཟ་བའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་ཆེན་པོ་ལ་བཀའ་སྩལ་པ། གང
158a3 འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བཤད་པ་དང་། འཆད་པ་དང་། འཆད་པར་འགྱུར་བ་དང་། ད་ངས་ཀྱང་ཆོས་སྨྲ་བ་རྣམས་ཡོངས་སུ་གཟུང་བའི་ཕྱིར་བཤད་ཀྱིས། ལང་ཀར་གཤེགས་པའི་སྔགས་ཀྱི་ཚིག་ཁྱོད
158a4 ཀྱིས་ཟུང་ཤིག་། འདི་ལྟ་སྟེ། ཏུད་ཊེ་ཏུད་ཊེ། བུད་ཊེ་བུད་ཊེ། པད་ཊེ་པད་ཊེ། ཀད་ཊེ་ཀད་ཊེ། ཨ་མ་ལེ། ཨ་མ་ལེ། བི་མ་ལེ། བི་མ་ལེ། ནི་མེ་ནི་མེ། ཧི་མེ་ཧི་མེ། བ་མེ་བ་མེ། ཀ་ལེ་ཀ་ལེ། ཀ་ལ་ཀ་ལེ། ཨད་ཊེ། མད་ཊེ། བད་ཊེ། ཏུད་ཊེ། རྙད་ཊེ། སྤུད་ཊེ། ཀད་ཊེ། ལད་ཊེ།
158a5 པད་ཊེ། ཧི་མེ་ཧི་མེ། དི་མེ་དི་མེ། ཙ་ལེ་ཙ་ལེ། པ་ཙེ་པ་ཙེ། བྷན་དེ་བྷན་དེ། ཨན་ཚེ་མན་ཙེ། ཊུ་ཌཱ་རེ། དྷུ་ཌཱ་རེ། པ་ཌཱ་རེ། ཨག་ཀེ་།ག་ཀེ་།མག་ཀེ་།མག་ཀེ་།ཙག་ཀྲེ། ཙག་ཀྲེ། དི་མེ་དི་མེ། ཧི་མེ་ཧི་མེ། ཊུ་ཊུ་ཊུ་ཊུ། ཋུ་ཋུ་ཋུ་ཋུ། ཌུ་ཌུ་ཌུ་ཌུ། ཊྚུ་ཊྚུ་ཊྚུ་ཊྚུ། སྭཱ་ཧཱ།
158a6 བློ་གྲོས་ཆེན་པོ་ལང་ཀར་གཤེགས་པའི་མདོའི་སྔགས་ཀྱི་ཚིག་ནི་འདི་དག་ཡིན་ནོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་སྔགས་ཀྱི་ཚིག་འདི་དག་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པར་འགྱུར་བ་དེ་ལས་སུས་ཀྱང་སྐབས་མི་རྙེད་དེ།
158a7 ལྷའམ། ལྷ་མོའམ། ཀླུའམ། ཀླུ་མོའམ། གནོད་སྦྱིན་ནམ། གནོད་སྦྱིན་མོའམ། ལྷ་མ་ཡིན་ནམ། ལྷ་མ་ཡིན་མོའམ། ནམ་མཁའ་ལྡིང་ངམ། ནམ་མཁའ་ལྡིང་མོའམ། མིའམ་ཅིའམ། མིའམ་ཅི་མོའམ། ལྟོ་འཕྱེ་ཆེན་པོའམ། ལྟོ་འཕྱེ་ཆེན་པོ་མོའམ། དྲི་ཟའམ། དྲི
iiif viewer powered by OpenSeadragon
