| e-texts navigator |
| Wylie |
113b1 ཡང་བླའི། ཡོད་པ་དང་། མེད་པའི་ང་རྒྱལ་ཅན་གྱི་སྟོང་པ་ཉིད་དུ་ལྟ་བ་ནི་མ་ཡིན་ནོ། །ཞེས་བཤད་དེ། བློ་གྲོས་ཆེན་པོ་མེད་པའི་ང་རྒྱལ་ཅན་ཡང་རྣམ་པར་འཇིག་པར་བྱེད་པ་ཡིན་ནོ། །རང་དང་སྤྱིའི་མཚན་ཉིད་དུ་ལྷུང་བའི་བསམ་པ་རང་གི་སེམས་སྣང་བ་ཙམ་དུ་རབ་ཏུ་མི་ཤེས་ཏེ། མི
113b2 ཤེས་པས་ཕྱི་རོལ་གྱི་དངོས་པོ་མི་རྟག་པར་ལྟ་བའི་ཕྱིར་ཕུང་པོ་དང་། ཁམས་དང་། སྐྱེ་མཆེད་སྐད་ཅིག་མ་གཅིག་ནས་གཅིག་ཏུ་དབྱེ་བས་ཕྱེ་བ་རྟོག་པ་དང་། ཡི་གེ་མེད་པ་ལ་རྒྱུད་ཀྱི་རྒྱུན་གྱིས་འཇུག་ཅིང་ལྡོག་པར་རྣམ་པར་རྟོག་ན་ཡང་རྣམ་པར་འཇིག་པར་བྱེད་པ་ཡིན་ནོ། །དེ་ལ་འདི་སྐད་ཅེས
113b3 བྱ་སྟེ། ཇི་ཙམ་སེམས་ཀྱི་སྤྱོད་ཡུལ་བ། །ཡོད་དང་མེད་པ་མཐའ་གཉིས་ཏེ། །སྤྱོད་ཡུལ་རྣམ་པར་སྤངས་ན་ནི། །སེམས་ཀྱང་ཡང་དག་འགག་པར་འགྱུར། །ཡུལ་ལ་འཛིན་པ་མེད་པའི་ཕྱིར། །འགོག་པ་མེད་པ་མ་ཡིན་ཏེ། །ཇི་ལྟར་འཕགས་པའི་སྤྱོད་ཡུལ་ལྟར། །དེ་བཞིན
113b4 ཉིད་ཀྱི་གནས་ཡོད་དོ། །རྐྱེན་གྱིས་ཡོད་དང་མེད་པ་ལས། །མ་བྱུང་བ་ལས་གང་སྐྱེ་ཞིང་། །བྱུང་ནས་འཇིག་པར་འགྱུར་ཞེས་པའང་། །ང་ཡི་བསྟན་ལ་དེ་མི་གནས། །སངས་རྒྱས་རྣམས་དང་མུ་སྟེགས་དང་། །ང་དང་གཞན་རྣམས་སུ་ཡིས་ཀྱང་། །རྐྱེན་གྱིས་ཡོད་པར་མ་བསྒྲུབས་ན། །
113b5 ཇི་ལྟ་བུར་ན་མེད་པར་འགྱུར། །ཡོད་པ་དག་ནི་སུས་བསྒྲུབས་ན། །གང་རྣམས་རྐྱེན་གྱིས་མེད་པར་འགྱུར། །སྐྱེ་བར་སྨྲ་བ་ལྟ་ལོག་པས། །ཡོད་དང་མེད་པར་ལྟ་བར་རྟོག་།གང་རྣམས་མི་སྐྱེ་བ། །འགོག་པར་མི་འགྱུར་ཏེ། །འཇིག་རྟེན་དབེན་པར་མཐོང་བས
113b6 ན། །ཡོད་དང་མེད་པར་དེ་མི་འཛིན། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་གསོལ་བ་བཏབ་པ། བཅོམ་ལྡན་འདས་གྲུབ་པའི་མཐའི་ཚུལ་གྱི་མཚན་ཉིད་ཐ་དད་པའི་བྱེ་བྲག་རབ་ཏུ་རྟོགས་པ་གང་གིས་བདག་དང་། བྱང་ཆུབ་སེམས
113b7 དཔའ་སེམས་དཔའ་ཆེན་པོ་གཞན་རྣམས་གྲུབ་པའི་མཐའི་ཚུལ་གྱི་མཚན་ཉིད་རྟོགས་པར་ཁོང་དུ་ཆུད་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་དང་། རྟོག་པ་ཅན་དང་། ལོག་པ་མུ་སྟེགས་ཅན་དང་། བདུད་ཐམས་ཅད་ཀྱི་དྲིང་ལ་མི་འཇོག་པར་འགྱུར་བ།
iiif viewer powered by OpenSeadragon
