| e-texts navigator |
| Wylie |
112b1 སུ་ཆུད་པའི་ཆོས་ཉིད་དང་། ཆོས་ཀྱི་གནས་ཉིད་དང་། ཆོས་མི་འགྱུར་བ་ཉིད་དང་། དེ་བཞིན་ཉིད་དང་། ཡང་དག་པ་ཉིད་དང་། བདེན་པ་ཉིད་དེ་ནི་འདུག་པ་སྟེ། དེས་ན་དེའི་ཕྱིར་བློ་གྲོས་ཆེན་པོ་ངས་འདི་སྐད་དུ་གང་གི་ནུབ་མོ་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས། གང
112b2 གི་ནུབ་མོ་ཡོངས་སུ་མྱ་ངན་ལས་འདའ་བར་འགྱུར་བ་དེའི་བར་དུ་དེ་བཞིན་གཤེགས་པས་ཡི་གེ་གཅིག་ཀྱང་མ་བཤད། འཆད་པར་མི་འགྱུར་རོ། །ཞེས་སྨྲས་སོ། །དེ་ལ་འདི་སྐད་ཅེས་བྱ་སྟེ། གང་གི་ནུབ་མོ་ཐུགས་སུ་ཆུད། །གང་ལ་ཡོངས་སུ་མྱ་ངན་འདས། །ངས་ནི་དེ་ཡི་བར་དུ་ཡང་། །
112b3 བསྟན་པ་མ་ཡོད་དོ། །སོ་སོ་རང་ཆོས་ལུགས་རྣམས་ལ། །དགོངས་ནས་རབ་ཏུ་ངས་བཤད་དོ། །ང་དང་སངས་རྒྱས་དེ་དག་གིས། །བྱེ་བྲག་བྱས་པ་མེད། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་གསོལ་བ་བཏབ
112b4 པ། བཅོམ་ལྡན་འདས་ཅི་ནས་བདག་དང་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་རྣམས་ཡོད་པ་དང་མེད་པ་སྤངས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའི་ཆོས་ཐམས་ཅད་ཀྱི་ཡོད་པ་དང་མེད་པའི་མཚན་ཉིད་བཤད་དུ་གསོལ། །བཅོམ
112b5 ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་ངས་ཁྱོད་ལ་བཤད་དོ། །ལེགས་སོ་བཅོམ་ལྡན་འདས་ཞེས་གསོལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་སླར་ཉན་པ་དང་། དེ་ལ་བཅོམ་ལྡན
112b6 འདས་ཀྱིས་འདི་སྐད་ཅེས་བཀའ་སྩལ་ཏོ། །བློ་གྲོས་ཆེན་པོ་འཇིག་རྟེན་འདི་དག་ནི་གཉིས་ལ་གནས་སོ། །འདི་ལྟ་སྟེ། ཡོད་པ་ལ་གནས་པ་དང་། མེད་པ་ལ་གནས་ཏེ་སྐྱེ་བ་དང་། མི་སྐྱེ་བར་མོས་པའི་ལྟ་བར་ལྟུང་བ་འབྱུང་བ་མ་ཡིན་པ་ལ་འབྱུང་བའི་བློའོ། །དེ་ལ་བློ་གྲོས་ཆེན་པོ་ཇི་ལྟར་ན་འཇིག
112b7 རྟེན་ཡོད་པ་ལ་གནས་ཤེ་ན། འདི་ལྟ་སྟེ། འཇིག་རྟེན་ན་རྒྱུ་དང་། རྐྱེན་རྣམས་ཡོད་པས་སྐྱེའི་མེད་པས་མ་ཡིན་ནོ། །ཡོད་པ་སྐྱེ་བ་སྐྱེ་སྟེ་མེད་པ་ནི་མ་ཡིན་ནོ། །བློ་གྲོས་ཆེན་པོ་དེ་སྐད་དུ་དངོས་པོ་དག་ཡོད་པར་སྨྲ་ན་རྒྱུ་དང་རྐྱེན་རྣམས་དང་། འཇིག་རྟེན་གྱི་རྒྱུ་མེད་པ་ལས་ཡོད་པར་སྨྲ་བ་མ་ཡིན་ནོ།
iiif viewer powered by OpenSeadragon
