| e-texts navigator |
| Wylie |
277a1 ལྟར་འདིར་མཆིས་ལས་གང་ལགས། །བདག་གཅིག་བདག་གིས་གང་མ་མཆིས། །བདག་ཀྱང་གང་གིའང་མ་ལགས་ཏེ། །བདག་ནི་སུའི་ལགས་དེ་མ་མཐོང་། །བདག་གི་སུ་ལགས་དེ་མ་མཐོང་། །བཅོམ་ལྡན་འདས་ཀྱིས་བཀའ་སྩལ་པ། །སྔོན་ཅད
277a2 སྡིག་པ་བྱས་པའི་ལས། །དེ་ཡི་རྣམ་སྨིན་འདི་འདྲ་སྟེ། །ཁང་པ་སྟོང་པ་འདིར་བོར་ནས། །སྡུག་བསྔལ་ཚོར་བ་མྱོང་བ་ཡིན། །ཁྱེའུས་གསོལ་པ། གཽ་ཏམ་ཁང་སྟོང་སྙམ་པ་ཡི། །འདུ་ཤེས་ད་དུང་མངའ་བ་བལྟ། །བྱང་ཆུབ་སྙིང་པོར་ཁྱོད་བཞུགས་ནས། །འདུ་ཤེས
277a3 ཡོངས་སུ་མ་མཁྱེན་ཏམ། །བཅོམ་ལྡན་འདས་ཀྱིས་བཀའ་སྩལ་པ། །ངས་ནི་འདུ་ཤེས་ཡོངས་ཤེས་ཏེ། །ང་ལ་འདུ་ཤེས་ཡོད་མ་ཡིན། །ཁྱོད་ཉིད་ལ་ནི་སྙིང་བརྩེ་བས། །ཁང་པ་སྟོང་པ་འདིར་འོངས་སོ། །ཁྱེའུས་གསོལ་པ། སེམས་ཅན་དག་ནི་བར་འགའ་ཡང་། །གང
277a4 ཚེ་ཤིན་ཏུ་མི་དམིགས་པ། །དེ་ཚེ་ཐུགས་རྗེ་གང་དུ་བྱུང་། །ཁྱོད་ནི་སུ་ལ་ཐུགས་བརྩེ་མཛད། །བཅོམ་ལྡན་འདས་ཀྱིས་བཀའ་སྩལ་པ། །བདག་མེད་ཞི་བ་སྟོང་པ་ཉིད། །སེམས་ཅན་འདི་དག་མི་ཤེས་ཏེ། །དེ་དག་ཉིད་ལ་སྙིང་བརྩེའི་ཕྱིར། །བསོད་ནམས་སྤྱད་པ་སྤྱོད་པ
277a5 ཡིན། །ཁྱེའུས་གསོལ་པ། སྟོང་པ་ཞི་བར་ཐུགས་ཆུད་ནས། །ཞི་བ་སྟོང་པ་ཉིད་མཁྱེན་ཀྱང་། །དེ་བཞིན་གཤེགས་པ་ད་དུང་དུ། །ཕྱིན་ཅི་ལོག་ཀྱང་མ་སྤངས་སམ། །བཅོམ་ལྡན་འདས་ཀྱིས་བཀའ་སྩལ་པ། །ཞི་བ་སྟོང་པ་ཉིད་རྟོགས་ནས། །སེམས་ཅན་ཡོངས་སུ
277a6 སྨིན་བྱའི་ཕྱིར། །འདྲེན་པ་ཆོས་སྟོན་མཛད་པ་འདི། །སངས་རྒྱས་རྣམས་ཀྱི་ཐུགས་རྗེ་ཡིན། །ཁྱེའུས་གསོལ་པ། དེ་བཞིན་གཤེགས་པ་ད་དུང་དུ། །ཁྱོད་ཀྱིས་ཕྱིན་ཅི་ལོག་མ་སྤངས། །སེམས་ཅན་འདུ་ཤེས་མ་མཆིས་ན། །ཐུགས་རྗེ་གང་དུ་སྐྱེ་བར་འགྱུར། །བཅོམ་ལྡན
277a7 འདས་ཀྱིས་བཀའ་སྩལ་པ། །བྱང་ཆུབ་སེམས་ནི་རབ་བཟུང་ནས། །ཡོད་མིན་སེམས་ཅན་རྣམས་ལ་ཡང་། །མི་མཆོག་རྣམས་ནི་གོ་གྱོན་པ། །རང་བྱུང་རྣམས་ཀྱིས་བྱིན་རླབས་སོ། །ཁྱེའུས་གསོལ་པ། དངོས་པོ་གང་ནའང་མི་དམིགས་པས། །གོ་ཆ་ཐམས་ཅད་པ་ལགས། །
iiif viewer powered by OpenSeadragon
