| e-texts navigator |
| Wylie |
270b1 འཁྱམ་པ་ཡིན། །དེ་དག་འཆི་བ་མི་ཤེས་ཀྱི། །འདོད་པའི་ལོངས་སྤྱོད་རྒྱལ་སྲིད་ཤེས། །སྐྱེ་དང་འགག་པས་བསླུས་པ་རྣམས། །ཤེས་པ་མེད་ཅིང་འཇིགས་པ་མེད། །མི་རྟག་པས་ནི་སེམས་འཁྲུལ་རྣམས། །ཕྲ་བའི་ཆོས་རྣམས་མི་ཤེས་ཏེ། །ཕྲ་བའི་དགོས་པ་མི་བྱེད་ལ། །
270b2 ཞི་བའི་དབྱིངས་ཀྱང་མི་ཤེས་སོ། །འཆི་འཕོ་ལ་ནི་སྐྱོ་མེད་པ། །ཡང་དང་ཡང་དུ་སྐྱེ་བར་འགྱུར། །ཡུན་རིང་སྡུག་བསྔལ་རབ་གཟིར་ཅིང་། །རྟག་ཏུ་དབྱུག་པས་བརྡེགས་བྱས་ནས། །གཞན་དག་གི་ཡང་འཕྲོག་བྱེད་དེ། །དེ་བཞིན་བཅིང་ཞིང་བསད་པ་བྱས། །སྔོན་གྱི་སྡིག་པས་བསྐུལ་བས
270b3 ན། །དེ་དག་བཅིང་བ་ལྔས་བཅིངས་སོ། །རེ་ཐག་ཀྱང་ནི་ཆད་པར་འགྱུར། །མྱ་ངན་ཟུག་རྔུས་ཟུག་པར་འགྱུར། །རྣམ་པར་ཤེས་པ་འགག་པ་ན། །སྙིང་རྗེ་བར་ནི་སྨྲེ་སྔགས་འདོན། །བདག་གི་སྐྱོབ་པར་སུ་འགྱུར་ལ། །གསེར་དང་དངུལ་དང་ཤེལ་དག་དང་། །ལོངས་སྤྱོད་ཐམས་ཅད་བདག
270b4 གིས་དབུལ། །བདག་ནི་བྲན་དུའང་འགྱུར་བར་བྱ། །བྲན་གྱི་ཚུལ་དུ་གང་གྱུར་པ། །ལས་རྣམས་ཐམས་ཅད་རབ་ཏུ་བྱ། །རྒྱལ་སྲིད་ལོངས་སྤྱོད་བདག་མི་དགོས། །ནོར་དང་འབྲུ་ཡང་མ་ཡིན་ནོ། །རང་གི་ལུས་ནི་བདག་མི་དགོས། །སྡིག་པ་བྱེད་པ་མི་འགྲོལ་ཏེ། །དེ་ལྟར་གནས
270b5 བརྟན་བདག་ཅག་ལ། །བཟའ་བ་དགོས་པ་མ་ཡིན་ནོ། །གང་དག་ཁ་ཟས་ཞིམ་ཟོས་པ། །རྒྱལ་པོ་རྣམས་ཀྱང་འཆི་བར་འགྱུར། །བཏུང་བ་མཆོག་ནི་འཐུངས་པ་ཡི། །ལྷ་ཡི་བུ་རྣམས་འཆི་བར་འགྱུར། །ཆོ་མ་ཆོ་དགུ་རོ་ལྡན་པ། །ཟས་དང་སྐོམ་ནི་རབ་བཤམས་ཏེ། །རྒྱལ་པོའི་མདུན
270b6 དུ་བླངས་ནས་སུ། །ཁ་ཟས་ལ་ནི་ལྕེས་རེག་ནས། །རྒྱལ་པོ་རྣམས་ནི་རོ་ལ་ཆགས། །སྡིག་པ་མི་ཆུང་རྣམས་ཀྱང་བྱེད། །གང་ལ་སྙིང་པོ་མེད་པ་ཡི། །མི་རྟག་རོ་ལ་ཆགས་པར་བྱེད། །བདག་ཅག་རྣམས་ལ་སྐོམ་མི་དགོས། །བཟའ་བ་དག་ཀྱང་དགོས་མ་ཡིན། །བདག་ཅག་སྡུག་བསྔལ་གང་གྲོལ་བ། །ཆོས
270b7 ཉིད་དེ་འདྲ་དགོས་མ་ཡིན། །སྲེད་པའི་བཅིངས་ལས་རབ་གྲོལ་ཞིང་། །སྲེད་པའི་ཉོན་མོངས་རྣམས་ཐར་ཏེ། །བཅིངས་པ་ཀུན་ལས་རབ་གྲོལ་བའི། །སངས་རྒྱས་དེ་ལ་སྐྱབས་སུ་དོང་། །དྲང་སྲོང་ཆེན་པོ་འཇིག་མགོན་ལ། །བདག་ཅག་རྣམས་ནི་སྐྱབས་སུ་འདོང་། །སེམས་ཅན་རྣམས་ཀྱིས་མཐོང་དཀའ
iiif viewer powered by OpenSeadragon
