| e-texts navigator |
| Wylie |
266a1 སྙན་འཁྲོལ་བ་ལ། །བདག་ཡིད་མ་དུལ་དགའ་བར་འགྱུར། །སྤོས་ཆུ་དག་གིས་ལུས་བཀྲུས་ཀྱང་། །ད་དུང་བྱས་པ་གཟོ་བ་མེད། །ལུས་ཁྱོད་སེམས་པ་མེད་པ་སྟེ། །ང་ནི་ཁྱོད་ཀྱི་ཆེད་ལ་འཁྲུལ། །ཕྱིན་ཆད་སེམས་ཅན་འགའ་ཙམ་ཡང་། །བདག་ལ་སྐྱོབ
266a2 པར་འགྱུར་བ་མེད། །རླུང་འཁྲུག་ཆེན་པོ་མི་བཟད་པར། །ལུས་ནི་ཡོངས་སུ་གདུང་བ་ན། །རོ་དང་ལྡན་པ་ཞིམ་ཟོས་ཏེ། །ལྕེས་ཀྱང་སྣ་ཚོགས་དེ་བཞིན་ནོ། །ཕྲེང་བ་སྣ་ཚོགས་བཟང་མཛེས་པ། །རབ་ཏུ་མང་པོ་མགོ་ལ་བཅིངས། །མིག་ནི་གཟུགས་ཀྱིས་འཁྲུལ་བྱས་ཏེ། །
266a3 མིག་གི་སྐྱབས་ནི་ཡོད་མ་ཡིན། །བདག་གིས་མཐོང་ནས་གང་བྱས་པ། །སྡིག་པ་རྣམས་ནི་མིག་གི་རྒྱུ། །ལག་པ་རྡོ་རྗེས་བཅད་པ་ནི། །བདག་གི་རྣ་བའི་རྒྱུ་ཡིན་ནོ། །ལག་པ་གཉིས་ལ་གདུ་བུ་བཏགས། །སོར་མོ་རྣམས་ལ་སོར་གདུབ་བཅུག་།མགུལ་དུ་མུ་ཏིག་སེ་མོ་དོ། །
266a4 རྐང་པ་གཉིས་ཀྱང་རབ་ཏུ་བརྒྱན། །དེ་ལ་དྲ་བ་བྱས་པ་དང་། །དེ་ལ་གསེར་ཡང་གནས་པར་བྱས། །ལུས་ལ་རིན་ཆེན་སྣ་ཚོགས་དང་། །གསེར་གྱི་གདུ་བུའང་དེ་བཞིན་ནོ། །ལོངས་སྤྱོད་ཆེན་པོས་རབ་རྩེས་ནས། །ཡིད་ཀྱང་ཤིན་ཏུ་རྟག་པར་གྱུར། །རབ་ཏུ་འཇམ་ལ་བདག་རེག་ནས། །
266a5 ཤིན་ཏུ་སྲེད་པས་དེ་བསྟེན་ཏོ། །གདིང་བ་སྣ་ཚོགས་མལ་ཆ་ཡིས། །བདག་གིས་ལུས་ནི་རྩེར་བཅུག་གོ། །སྤོས་ཆུ་བཟང་པོས་ཁྲུས་བྱས་ཏེ། །སྤོས་རྣམས་ཀྱིས་ཀྱང་རབ་ཏུ་བསྐུས། །ལྷ་རྫས་ག་པུར་ཙན་དན་གྱི། །བདུག་པ་རྣམས་ཀྱིས་རབ་ཏུ་བདུགས། །ཁ་དོག་བཟང་པོ་བྱས་ནས
266a6 ཀྱང་། །གླ་རྩི་ལྡན་པས་རབ་ཏུ་བསྒོས། །ལོ་ལོན་འབྲུ་མར་དྲི་དག་དང་། །སྣ་མ་ཙམ་པ་ཀ་ལ་སོགས། །བསྐུས་ནས་ཕྲ་མོ་ཀ་ཤི་ཀ། །དཀར་པོའི་གོས་ཀྱང་རབ་ཏུ་བགོས། །གླང་པོའི་རྒྱབ་ནས་བབས་ནས་སུ། །རྟ་ཡི་རྒྱབ་ཏུ་མངོན་པར་ཞོན། །བདག་ནི་རྒྱལ་པོ་ཡིན་སྙམ་སེམས། །
266a7 སྐྱེ་བོ་བདག་གི་མདུན་ན་རྒྱུག་།གླུ་གར་ཤིན་ཏུ་བསླབས་པ་ཡི། །སླས་རྣམས་ཀྱང་ནི་རབ་ཏུ་ཤེས། །རྣམས་ནི་མ་ཉེས་པར། །བདག་གིས་མདས་ཀྱང་བསད། །འཇིག་རྟེན་ཕྱི་མ་མ་ཤེས་པས། །བདག་གིས་འདི་འདྲའི་སྡིག་བྱས་ཤིང་། །བདག་གིས་གཞན་གྱི་ཤ
iiif viewer powered by OpenSeadragon
