| e-texts navigator |
| Wylie |
256b1 སྨྲས་པ། གང་གིས་བདག་ནི་འཚོ་འགྱུར་བ། །ཁྱོད་ཀྱིས་དེ་ལྟར་མཛད་དུ་གསོལ། །རིངས་ཤིང་རབ་ཏུ་མྱུར་བཞུད་ལ། །ལྷ་བོན་པོ་ལ་དྲི་བར་གསོལ། །དེ་ནས་དེའི་ཕ་མ་ལྷའི་རྟེན་གྱི་དྲུང་དུ་སོང་ནས་ལྷ་ལ་བདུག་པ་ཕུལ་བ་དང་། དེ་ནས་ལྷ་བོན་པོས་ལྷ་ལ་བདུག་པ་ཕུལ
256b2 ནས། ཚིག་འདི་སྐད་ཅེས་སྨྲས་སོ། །ཁྱོད་ལ་ལྷ་བཀྱོན་གྱིས་ལྷ་རྗེད་ཅིག་།མཆོད་སྦྱིན་གྱིས་ཤིག་།དེ་ལ་ཕྱུགས་སོད་ཅིག་།མི་ཡང་སོད་ཅིག་དང་། དེ་ནས་ཁྱེད་ཀྱི་བུ་ནད་ལས་ཡོངས་སུ་ཐར་བར་འགྱུར་རོ། །དེ་ནས་ཕ་མ་དེ་དག་གིས་བསམས་པ། བདག་ཅག་ནི
256b3 དབུལ་ན་ཇི་ལྟར་བྱ། གལ་ཏེ་ལྷ་མ་མཉེས་ན་ནི་བུ་དེ་ཡང་འཆི་བའི་དུས་བྱེད་པར་འགྱུར། ཇི་སྟེ་མཉེས་པར་བྱ་ན་བདག་ཅག་ནི་དབུལ་བས་མི་དང་ཕྱུགས་གང་ནས་བླང་སྙམ་ནས་དེ་དག་རིངས་ཤིང་མྱུར་བར་ཁྱིམ་དུ་དོང་སྟེ། ཁྱིམ་གྱི་རྫས་ཅུང་ཟད་ཅི་བདོག་པ་དེ་ཐམས་ཅད་ཕྱུགས་ཉོ་བའི
256b4 ཕྱིར་འཚོང་དུ་དོང་ངོ་། །དེ་ནས་མི་གཞན་ཞིག་གི་གན་དུ་ཕྱིན་ནས། ཀྱེ་སྐྱེས་བུ་གསེར་ཞིག་སྐྱིར་བྱིན་སྐྱིན་པ་ནི་ཞག་བཅུ་ནས་སླར་འབུལ་ནུས་ན་ནི་ལེགས། ཇི་སྟེ་འབུལ་མ་ནུས་ན་ཡང་དེང་ཁྱེད་ཀྱི་བྲན་དུ་ཁས་བླངས་ཏེ་ལས་བྱའོ། །ཞེས་དེ་སྐད་སྨྲས་ནས་དེ་གཉིས་ཀྱིས་གསེར་དེ་ཁྱེར
256b5 ཏེ་མི་ཉོར་དོང་ངོ་། །དེ་གཉིས་ཀྱིས་མི་ཉོས་ནས་མི་དེས་ཀྱང་བདག་བསད་པར་ནི་མ་ཤེས་སོ། །དེ་ནས་ཕ་མ་རྨོངས་པར་གྱུར་པ་དེ་གཉིས་སླར་རང་གི་ཁྱིམ་དུ་མ་དོང་གི་ལྷ་རྟེན་གྱི་དྲུང་དུ་སོང་སྟེ། ལྷ་བོན་པོ་ལ་ད་མྱུར་དུ་མཆོད་སྦྱིན་མཛོད་ཅིག་ཅེས་སྨྲས་སོ། །དེ་ནས་ཕ་མ་དེ་གཉིས་བདག
256b6 ཉིད་ཀྱིས་ཕྱུགས་ཀྱང་བསད་མི་དེ་ཡང་བསད་དོ། །དེ་ནས་ལྷ་བོན་པོ་དེས་མཆོད་སྦྱིན་བྱ་བར་བསམས་ཏེ་མེ་བུས་པ་དང་། དེ་ནས་ལྷ་དེ་བབས་ཏེ་ཁྱོད་ཀྱི་བུ་ནི་ངས་ཁྱེར་རོ་ཞེས་སྨྲས་སོ། །དེ་ནས་ཕ་མ་དེ་གཉིས་དགའ་ཞིང་མགུ་བས་ཁྱབ་ནས་བུ་འདི་སོས་ན་བདག་ཅག་བྲན་དུ་གྱུར་ཀྱང་བླ
256b7 ཞེས་སྨྲས་ཏེ། ཕ་མས་ལྷ་ལ་མཆོད་སྦྱིན་བྱས་ནས་སླར་ལོག་སྟེ་རང་གི་ཁྱིམ་དུ་ཕྱིན་ནས་བུ་འཆི་བའི་དུས་བྱས་པ་མཐོང་ངོ་། །དེ་ནས་ཕ་མ་དེ་གཉིས་སྡུག་བསྔལ་ཞིང་ཡི་མུག་པ་ཆེན་པོས་སྙིང་ལ་མྱ་ངན་གྱི་ཟུག་རྔུ་ཟུག་སྟེ་ཡི་ཆད་པར་གྱུར་ནས་དེ་ཉིད་དུ་འཆི་བའི་དུས་བྱས་པ་དེ་བཞིན་དུ།
iiif viewer powered by OpenSeadragon
