| e-texts navigator |
| Wylie |
256a1 སྔགས་འདོན་ལ། སྡུག་བསྔལ་གྱི་ཚོར་བ་མྱོང་ཞིང་སྔོན་ལས་བྱས་པའི་བསོད་ནམས་དག་ཆུད་ཟོས་ནས་ཕྱིན་ཆད་ཞིང་བཟང་པོ་དང་ལྡན་པའི་བསོད་ནམས་དག་མི་བྱེད་དེ། དེ་དག་གི་སྙིང་མྱ་ངན་གྱི་ཟུག་རྔུ་དང་ལྡན་པས་དེའི་ཚེ་དེའི་དུས་ན་སེམས་ཅན་དམྱལ་བ་དང་།
256a2 དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་སྐྱེ་ཞིང་། མི་བཟད་པ་དྲག་པོ་མཐོང་ནས་འཆི་བའི་དུས་ཀྱི་ཚེ་འདི་སྙམ་དུ་སེམས་ཏེ། གང་སེམས་ཅན་དམྱལ་བ་དང་། དུད་འགྲོ་དང་། དང་། གཤིན་རྗེའི་འཇིག་རྟེན་མཐོང་བར་མི་འགྱུར་ཞིང་སྡུག་བསྔལ་གྱི་ཚོར་བ་དེ་མྱོང
256a3 བར་མི་འགྱུར་བར་བདག་ལ་སུ་ཞིག་སྐྱབས་སུ་འགྱུར་སྙམ་པ་དང་། དེའི་ཕ་མས་འདི་སྐད་ཅེས་སྨྲས་སོ། །བུ་ཅིག་ནད་ཀྱི་འཇིགས་ཆེན་ནི། །འབྱུང་བར་མི་ནུས་ཇི་ལྟར་བྱ། །ན་བ་འཆི་བས་འཇིགས་མོད་ཀྱི། །བུ་ཁྱོད་འཆི་བ་ཡོད་མ་ཡིན། །ནད་ཀྱིས་འཇིགས་དང་སྐྲག་པ་ལས། །
256a4 ཁྱོད་ནི་ཐར་བར་འགྱུར་བ་ཡིན། །བདག་ནི་རྣམ་པར་ཤེས་པ་འགག་།བདག་གི་ལུས་ལ་རབ་ཏུ་གནོད། །ཡན་ལག་ཐམས་ཅད་སྡུག་བསྔལ་ཏེ། །བདག་གིས་འཆི་བ་མཐོང་བར་གྱུར། །བདག་གི་མིག་ནི་མི་མཐོང་ཞིང་། །བདག་གི་རྣ་ཡང་མི་ཐོས་སོ། །སྣ་ཡང་ཐོབ་པར
256a5 མི་འགྱུར་ཏེ། །ལུས་ཀྱང་ཟོ་མདོག་བདེ་མ་ཡིན། །ཡན་ལག་ཉིང་ལག་སྡུག་བསྔལ་ཏེ། །ཤིང་དང་འདྲ་བས་སེམས་པ་མེད། །བདག་གི་འཆི་བ་འོང་མེད་ཅེས། །ཡུམ་གྱིས་བདག་གི་སྤྲོ་བསྲིང་ཟད། །མས་སྨྲས་པ། བུ་ཁྱོད་དེ་སྐད་སྨྲ་མི་རིགས། །ང་ལ་མཆོག་ཏུ་འཇིགས
256a6 མ་བྱེད། །ཁྱོད་ཀྱི་ལུས་ལ་རིམས་བཏབ་པས། །རྣམ་པ་སྣ་ཚོགས་མཐོང་བར་འགྱུར། །བུས་སྨྲས་པ། ལུས་ལ་རིམས་ཀྱང་མ་མཐོང་སྟེ། །ན་བ་མེད་ཅིང་སྡུག་བསྔལ་མེད། །འཆི་བ་ཤིན་ཏུ་མི་བཟད་མཐོང་། །བདག་གི་ལུས་སྡུག་བཅོམ་པར་གྱུར། །བདག་གི
256a7 ལུས་ཀུན་སྡུག་བསྔལ་གྱིས། །རབ་ཏུ་གཟིར་བར་མཐོང་གྱུར་ན། །སུ་ལ་སྐྱབས་སུ་འགྲོ་བར་བྱ། །བདག་གི་སྐྱོབ་པར་སུ་ཞིག་འགྱུར། །ཕ་མས་སྨྲས་པ་བུ་ཁྱོད་ལ། །ལྷ་ཡང་རབ་ཏུ་བཀྱོན་གྱུར་གྱིས། །ལྷ་རྣམས་ལ་ནི་མཆོད་བྱས་ན། །དེ་ཡི་འོག་ཏུ་འཚོ་བར་གྱུར། །བུས
iiif viewer powered by OpenSeadragon
