| e-texts navigator |
| Wylie |
227a1 བགྱིད། །འཇིག་རྟེན་འདྲེན་པ་མྱ་ངན་འདས་ཅི་སྨོས། །འོད་སྲུང་ཁྱོད་ནི་རྒས་འཁོགས་གྱུར་ཏོ་ཞེས། །སླད་དུས་བདག་གི་ཚིག་བཞིན་ཡོང་མི་བགྱིད། །བདག་གི་རྗེས་སུ་བསྟན་ལ་གནས་མི་འགྱུར། །བདག་ཅག་འདི་ནི་མཁས་ཤིང་དོན་སེམས་སྙམ། །སྙན་དངགས
227a2 འཇིག་རྟེན་རྒྱང་ཕན་སེམས་པ་ལགས། །དེ་བཞིན་འཇིག་རྟེན་སྒྲ་ཡིས་གནས་པ་ལགས། །བསམ་གཏན་དེ་བཞིན་ཏིང་ངེ་འཛིན་སྤངས་ནས། །དེ་དག་འཇིག་རྟེན་པ་ལ་སྤྱོད་པར་འགྱུར། །རྒྱས་པ་ཆེ་དང་གྲགས་པ་ཆེན་པོ་ལགས། །རྟག་ཏུ་འཇིག་རྟེན་གྱིས་ཀྱང་མཐོང་བར་འགྱུར། །
227a3 དེ་དག་བདག་གིས་ནམ་ཡང་བརྟག་མི་ནུས། །སྐྱོན་རྣམས་དམ་པོ་དག་ནི་མཐོང་ལགས་སོ། །བདག་ནི་གཅིག་པུར་དགོན་པར་གནས་པ་ན། །ལྷ་ཞིག་མཆིས་ནས་བདག་ལ་འདི་སྐད་བརྗོད། །ཆོས་དེ་འདྲ་བར་རྒྱལ་བ་རྣམས་ཀྱིས་བསྟན། །འཕགས་པའི་ཆོས་ལ་སེམས་ཅན་མང་པོ་བཏུལ། །
227a4 དགེ་སློང་བསམ་གཏན་ཏིང་ངེ་འཛིན་ལ་མཁས། །རྣམ་ཐར་རྫུ་འཕྲུལ་སྟོབས་ཀྱི་ཕ་རོལ་ཕྱིན། །ཐོས་ནས་བརྒྱ་བྱིན་དགའ་བར་འགྱུར་བ་ལགས། །དེ་རིང་དེ་ལ་ངོ་མཚར་ཅི་མཆིས་སྨྲ། །ཕྱི་དུས་བདག་གི་ཐད་དུ་དེ་མཆིས་ནས། །དེ་ཚེ་ཡིད་མི་བདེ་བས་ངུ་ཞིང་སྟོན། །འོད་སྲུང་དེང་ནི་བསྟན་པ་འཇིག་པར་འགྱུར། །དེ་ཐོས་བདག་ནི
227a5 ཡིད་མི་བདེ་བར་འགྱུར། །མང་དུ་འཆད་པར་ཡང་ནི་སྤྲོ་མ་ལགས། །མདོ་སྡེ་དེ་ནི་འཛིན་པར་སྤྲོ་མ་ལགས། །དེར་ནི་དེ་དག་ཞུམ་པར་འགྱུར་བ་ལགས། །དགེ་སློང་མཆོག་ཏུ་བཀའ་བློ་མི་བདེ་འགྱུར། །དེ་ཚེ་དེར་ནི་ལྷ་ཚོགས་འདུ་བར་འགྱུར། །བཅོམ་ལྡན་འདས་ཀྱིས་འོད་སྲུང་བཀའ་སྩལ་པ། །ཆོས་ཀྱི
227a6 ཚུལ་ནི་འཛིན་པར་མི་ནུས་པར། །འོད་སྲུང་དེ་ནི་ང་ཡིས་སྔ་ནས་ཤེས། །མདོ་སྡེ་དེ་འདྲ་དེ་ནི་གང་འཛིན་པ། །ང་ཡི་ཉན་ཐོས་གང་ཡང་འདི་ན་མེད། །གང་དག་མདོ་སྡེ་དེ་འདྲ་དེ་འཛིན་པ། །ང་ཡིས་གང་དག་བྱིན་རླབས་དེར་མ་གཏོགས། །གང་དག་ཕྱི་ནས་ཐེ་ཚོམ་མེད་འགྱུར་བ། །དེ་དག་ཐེ་ཚོམ
227a7 དེ་ནི་ང་ཡིས་གཅད། །གཞན་དག་ལས་ནི་མཐུ་ཆེ་གང་ཡིན་པ། །མདོ་སྡེ་དེ་ལ་ཅི་ཕྱིར་སྔོན་མ་སྤྱད། །དེ་དག་འཛིན་པའི་དགེ་སློང་གསར་བུ་གཞོན། །མདོ་སྡེ་དེ་དག་རྒྱས་པ་ཆེན་པོ་ཡིན། །གང་དག་ཆོས་དེ་འདྲ་བ་དེ་མི་འཛིན། །འདི་ལ་ཇི་ལྟར་ཕ་རོལ་ཕྱིན་པར་འགྱུར། །བརྟན་པའི་བློ་གྲོས་ང་ཡིས
iiif viewer powered by OpenSeadragon
