| e-texts navigator |
| Wylie |
226a1 གཞན་དང་གཞན། །གང་དུ་སངས་རྒྱས་མཛད་པ་ངས་བྱས་པ། །དེ་བཞིན་རྒྱལ་བ་དག་ནི་ཆོ་འཕྲུལ་སྤྲུལ། །ང་ཡི་ཏིང་ངེ་འཛིན་ནི་ཀུན་ནས་སྣང་། །སངས་རྒྱས་ཞིང་ནི་ཀུན་ནས་སྣང་བར་བྱེད། །ལྷུན་པོའི་རྒྱལ་མཚན་འོད་ཟེར་ཞེས་བྱ་འཕགས། །དཔའ་བར་འགྲོ་བ་ཞེས་བྱའི་ཏིང་འཛིན་འཕགས། །ཆོས་རྣམས་ཀུན
226a2 གྱིས་ཁྱབ་པར་མཐོང་ལྡན་པ། །རྣམ་དག་ཁ་ཅིག་སངས་རྒྱས་སྤྲུལ་འདིར་མཐོང་། །ཁ་ཅིག་ལྷུམས་ཞུགས་མཐོང་ཞིང་བཙས་པ་དང་། །འཇིགས་མེད་མི་སྐྲག་གོམ་བདུན་འདོར་འདིར་མཐོང་། །དེ་ནི་རྒྱལ་བ་བྱང་ཆུབ་འཚང་རྒྱ་སྙམ། །ས་ཡི་སྙིང་པོར་བྱང་ཆུབ་བཞུགས་པར་མཐོང་། །ཆོས་ཀྱི་འཁོར་ལོ་བསྐོར་བར་འགྱུར་སྙམ་བྱེད། །
226a3 ཁ་ཅིག་བྱང་ཆུབ་ཕྱིར་ནི་སྤྱོད་སྙམ་བྱེད། །ཏིང་འཛིན་གང་ལ་གནས་ནས་རྣམ་འཕྲུལ་བའི། །ཏིང་འཛིན་གཟི་བརྗིད་དེ་ནི་ཅི་འདྲ་ལྟོས། །ཁ་ཅིག་ང་ཡི་སྐུ་ཚེ་བསྐལ་པར་སེམས། །ཁ་ཅིག་ཀྱང་ནི་བསྐལ་པ་ཕྱེད་དུ་སེམས། །དེ་ཚེ་ཁ་ཅིག་བར་གྱི་བསྐལ་པར་སེམས། །གཉིས་གསུམ་བཞི་དང་དེ་ལས་ལྷག་པར་ཡང་། །དེ་ཚེ་ཁ་ཅིག
226a4 ལོ་ནི་བྱེ་བར་སེམས། །ཁ་ཅིག་གི་ནི་མང་ཉུང་རབ་ཏུ་མཐོང་། །འཛམ་བུའི་གླིང་འདིར་ང་ཡི་སྐུ་ཚེ་ནི། །ལོ་གྲངས་བརྒྱད་ཅུ་ཡིན་པར་མི་རྣམས་ཤེས། །ཁ་ཅིག་དེར་ནི་སྐུ་ཚེ་ཉིན་མཚན་ཤེས། །ཁ་ཅིག་གིས་ནི་སྐུ་ཚེ་རིང་པོར་ཤེས། །སྟོང་གསུམ་འཇིག་རྟེན་དུ་ནི་ལྷ་རྣམས་ཀྱི། །ཉིན་མཚན་ཅི་འདྲ་དེ་བཞིན་གཞན་དུ
226a5 སེམས། །དེ་དག་ཇི་ལྟར་མོས་པ་དེ་བཞིན་ཤེས། །དེ་བཞིན་དུ་ནི་དེ་ལ་གདམས་ངག་མཛད། །ཇི་ལྟར་མོས་ལ་དེ་བཞིན་བྱིན་གྱིས་རློབ། །ཡེ་ཤེས་དེ་བཞིན་དེ་ཡི་དེ་ལྟར་བསྟན། །དེ་དག་བསྟན་པས་མོས་པ་སྐྱེ་བར་འགྱུར། །འདི་ནི་དེ་ཡི་རྨད་བྱུང་ཆོ་འཕྲུལ་ཡིན། །གལ་ཏེ་རང་གི་གནས་པ་བསྟན་གྱུར་ན། །མཁས་པ་མ
226a6 ཡིན་མི་རྣམས་མྱོས་པར་འགྱུར། །ང་ཡི་སྤྱོད་ཡུལ་གང་དང་གནས་པ་གང་། །དེ་མཐོང་དགའ་བ་སུ་ཞིག་སྐྱེད་མི་བྱེད། །དེ་དག་ང་ཡི་སྤྱོད་ཡུལ་ཤེས་ནས་སུ། །དེ་དག་ཆོས་ཀྱི་འཁོར་ལོ་བསྐོར་བར་འགྱུར། །དེ་ཚེ་མོས་པ་སྣ་ཚོགས་ཆོས་སྨྲ་རྣམས། །དེ་དག་ང་ཡི་སྤྱོད་ཡུལ་ཀུན་མི་ཤེས། །གང་གིས་ཀུན
226a7 མཁྱེན་སྤྱོད་ཡུལ་མི་ཤེས་པ། །དེ་དག་ཆོས་ཀྱི་ཚིག་ཉུང་སྟོན་པར་བྱེད། །དེ་དག་གི་ནི་དམིགས་པ་གང་ཡང་མེད། །མཐོང་ནས་དེ་དག་ཡིད་ལ་གནོད་པར་འགྱུར། །གང་དག་རྒྱལ་བའི་ཆོས་ཉིད་དེ་ཤེས་པ། །དེ་དག་ཡིད་ལ་ནམ་ཡང་གནོད་པ་མེད། །འདི་ལྟར་ཆོས་མཉམ་ཉིད་ཀྱི་སྤྱོད
iiif viewer powered by OpenSeadragon
