| e-texts navigator |
| Wylie |
25b1 འགྲོན་དུ་གཉེར། །བདུད་རྩི་བདེ་བས་ཡང་དག་ཚིམ་པར་བགྱི། །གཉིད་ཀྱིས་རབ་ལོག་སེམས་ཅན་ཤེས་རབ་ཀྱི། །མཐུ་དང་སྒྲུབ་པས་རྣམ་པར་སད་པར་བགྱི། །རྣམ་པར་འཕྲུལ་པ་འདི་འདྲ་མཐོང་གྱུར་ཅིང་། །བདེ་བར་གཤེགས་བཀའ་ཡིད་འོང་ཡེ་ཤེས་དང་། །ཆགས་པ
25b2 མེད་པའི་སྤྱོད་མཆོག་ཐོས་ནས་ནི། །སུ་ཞིག་དག་པའི་རྒྱུ་སེམས་བསྐྱེད་མི་བགྱིད། །བྱང་ཆུབ་སེམས་མཁས་ཇི་ལྟར་སྤྱོད་པ་ཡི། །བྱང་ཆུབ་ལམ་ནི་བདག་ལ་བཤད་དུ་གསོལ། །གང་ལ་ཉན་ཐོས་རྣམས་ཀྱིས་མི་དཔོགས་པའི། །དེ་དག་རྣམས་ཀྱི་སྤྱོད་པ་ཇི་ལྟ་བུ། །ཆོ་ག
25b3 སྤྱོད་པའི་ཡོན་ཏན་ཇི་ལྟ་བུ། །མཉན་པར་འདོད་ལ་གུས་པ་ཇི་ལྟ་བུ། །ངེས་པ་རྣམས་ཀྱི་སྤྱོད་ལམ་ཅི་འདྲ་བ། །བདག་ལ་ཐེ་ཚོམ་མ་མཆིས་དེ་བཞིན་གསུངས། །ཇི་ལྟར་ཐོས་པ་ཚོལ་ལ་གོམས་པ་ལགས། །ཐོས་པ་སྙིང་པོར་བགྱིད་པའི་དང་པོ་གང་། །གཞན་ལ་གསལ
25b4 བར་སྟོན་པ་ཇི་ལྟ་བུ། །སྲོག་ཆགས་ཐམས་ཅད་ཇི་ལྟར་ཆོས་ལ་དད། །ཇི་ལྟར་འདི་དག་ཤེས་ཀྱི་ཁེ་མི་ཚོལ། །ཟང་ཟིང་མེད་པའི་སེམས་ལ་ཇི་ལྟར་གནས། །བྱས་པ་ཤེས་ཤིང་རབ་ཏུ་ཕན་འདོགས་དང་། །སེམས་ཅན་མི་ཕྱེད་གནས་པར་ཇི་ལྟར་འགྱུར། །གྲོགས་པོ་གང
25b5 དག་བསྟེན་བགྱི་ཇི་ལྟ་བུ། །སྡིག་པའི་གྲོགས་རྣམས་ཇི་ལྟར་རྣམ་པར་སྤོང་། །ཇི་ལྟར་སངས་རྒྱས་རྣམས་དང་ཕྲད་པར་འགྱུར། །དེ་དག་མཐོང་ནས་ཇི་ལྟར་མཆོད་པར་བགྱི། །ཇི་ལྟར་བསླབ་པ་དག་ལ་གུས་པ་ལགས། །དེ་ཡི་བསླབ་པ་བཅའ་བ་གང་ཞིག་ལགས། །ཚུལ
25b6 ཁྲིམས་ཇི་ལྟར་རྣམ་པར་དག་པར་འགྱུར། །ཏིང་འཛིན་རྣམ་པར་དག་པ་ཇི་ལྟར་འཐོབ། །ཇི་ལྟར་ཚུལ་བཞིན་རབ་ཏུ་སྦྱོར་བ་ལགས། །ཚུལ་བཞིན་མ་ལགས་ཇི་ལྟར་སྤོང་བ་ལགས། །ཇི་ལྟར་ཤིན་ཏུ་ངེས་པར་བསམས་ཡིད་དང་། །ཉོན་མོངས་བདུད་ཀྱི་འཆིང་བས་མི་ཐུབ་ལགས། །
25b7 ཇི་ལྟར་དད་ལྡན་དོན་ནི་སེམས་བགྱིད་ཅིང་། །སེམས་ཀྱིས་སེམས་ཅན་རྣམས་ནི་མི་གཏོང་ལགས། །ཇི་ལྟར་སེམས་ཅན་ཡོངས་སུ་སྨིན་བགྱིད་ཅིང་། །ནོར་མཆོག་འཛིན་པ་མེད་ལ་དཔའ་བ་ལགས། །ཇི་ལྟར་སེམས་ཅན་སྤྱོད་ལ་འཇུག་པ་དང་། །ཐབས་དང་བྱམས་པའི་སྙིང
iiif viewer powered by OpenSeadragon
