| e-texts navigator |
| Wylie |
76b1 སྡུག་བསྔལ་བ་ཞེས་མངོན་པར་ཞེན། ཆད་པ་ཞེས་མངོན་པར་ཞེན། རྟག་པ་ཞེས་མངོན་པར་ཞེན། ལྟ་བར་གྱུར་པ་ཞེས་མངོན་པར་ཞེན། སྒྲིབ་པ་ཞེས་མངོན་པར་ཞེན། ཚུལ་ཁྲིམས་དང་། འཆལ་པའི་ཚུལ་ཁྲིམས་ཞེས་མངོན་པར་ཞེན། འདོད་པའི་ཁམས་དང་། གཟུགས
76b2 ཀྱི་ཁམས་དང་། གཟུགས་མེད་པའི་ཁམས་ཞེས་མངོན་པར་ཞེན། རྟེན་ཅིང་འབྲེལ་པར་འབྱུང་བ་ཞེས་མངོན་པར་ཞེན། མིང་དང་གཟུགས་ཞེས་མངོན་པར་ཞེན། འདོད་ཆགས་དང་། ཞེ་སྡང་དང་། གཏི་མུག་ཅེས་མངོན་པར་ཞེན། ཕྲག་དོག་དང་། སེར་སྣ་ཞེས་མངོན་པར
76b3 ཞེན། ངའོ་སྙམ་པའི་ང་རྒྱལ་ཞེས་མངོན་པར་ཞེན། སྡུག་བསྔལ་ཞེས་མངོན་པར་ཞེན། ཀུན་འབྱུང་ཞེས་མངོན་པར་ཞེན། འགོག་པ་ཞེས་མངོན་པར་ཞེན། ལམ་ཞེས་མངོན་པར་ཞེན། དྲན་པ་ཉེ་བར་གཞག་པ་དང་། ཡང་དག་པའི་སྤོང་བ་དང་། ཕྱིན་ཅི་མ་ལོག་པ་དང་། རྫུ་འཕྲུལ
76b4 གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་ཅེས་མངོན་པར་ཞེན། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཞེས་མངོན་པར་ཞེན། མི་སྐྱེ་བ་དང་། ཟད་པ་དང་། མངོན་པར་འདུ་མི་བྱེད་པ་ཞེས་མངོན་པར་ཞེན། ཉན
76b5 ཐོས་དང་། རང་སངས་རྒྱས་ཀྱིས་ཞེས་མངོན་པར་ཞེན། ཉན་ཐོས་དང་། རང་སངས་རྒྱས་ཀྱི་ཆོས་ལ་ཡང་མངོན་པར་ཞེན། མངོན་པར་ཤེས་པ་ལ་ཡང་མངོན་པར་ཞེན། མྱ་ངན་ལས་འདས་པ་ལ་ཡང་མངོན་པར་ཞེན། སངས་རྒྱས་ཀྱི་ཡེ་ཤེས་ལ་ཡང་མངོན་པར་ཞེན། མཚན་མ
76b6 ལ་ཡང་མངོན་པར་ཞེན། སངས་རྒྱས་ཀྱི་ཞིང་ལ་ཡང་མངོན་པར་ཞེན། ཉན་ཐོས་ཕུན་སུམ་ཚོགས་པ་ལ་ཡང་མངོན་པར་ཞེན། བྱང་ཆུབ་སེམས་དཔའི་ཕུན་སུམ་ཚོགས་པ་ལ་ཡང་མངོན་པར་ཞེན་ཏོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལ་བྱང་ཆུབ་སེམས་དཔས་མངོན་པར་ཞེན
76b7 པ་འདི་ལྟ་བུ་དག་ནི་སེམས་ཅན་རྣམས་ཀྱི་ཕྱིན་ཅི་ལོག་གི་སེམས་ལས་བྱུང་བར་མཐོང་ནས། ཕྱིན་ཅི་ལོག་གང་ལ་ཡང་སེམས་མི་བསྐྱེད་དེ། དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ནི་སེམས་དང་བྲལ་བའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ་གང་སེམས་རང་བཞིན
iiif viewer powered by OpenSeadragon
