| e-texts navigator |
| Wylie |
46b1 རབ་ཀྱི་རྩལ་གྱིས་རྣམ་པར་གནོན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་དུ་ཡང་གཏོགས་པ་ཡང་མ་ཡིན། མི་གཏོགས་པ་ཡང་མ་ཡིན་ཏེ། གང་གཏོགས་པ་དང་། གང་མི་གཏོགས་པའི་ཆོས་རྣམས་ཀྱི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན
46b2 མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ་ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་ཉིད་ཅེས་བྱ་བ་དེ་གང་གི་ཚིག་ཡིན་ཞེ་ན། རབ་ཀྱི་རྩལ་གྱིས་རྣམ་པར་གནོན་པ་ཇི་ལྟར་བྱིས་པ་སོ་སོའི་སྐྱེ་བོ་རྣམས་ཀྱིས
46b3 དམིགས་པའི་ཆོས་རྣམས་ཀྱིས་དམིགས་པའི་ཆོས་དེ་དག་ནི་དེ་བཞིན་དུ་མ་ཡིན་ཞིང་གཞན་དུའང་མ་ཡིན་ལ། ཇི་ལྟར་ཆོས་རྣམས་དེ་བཞིན་གཤེགས་པ་དང་། དེ་བཞིན་གཤེགས་པའི་ཉན་ཐོས་དང་། བྱང་ཆུབ་སེམས་དཔས་མཐོང་བའི་ཆོས་དེ་ལྟ་བུ་ནི་དེ་བཞིན་ཉིད་མ
46b4 ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དེ་དེའི་ཕྱིར་དེ་བཞིན་ཉིད་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའོ། །རབ་ཀྱི་རྩལ་གྱིས་རྣམ་པར་གནོན་པ
46b5 ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཆོས་གང་འབྲི་བའི་ཕྱིར་རམ། འཕེལ་བའི་ཕྱིར་ཉེ་བར་གནས་པ་མ་ཡིན་ནོ། །ཆོས་གང་འདུ་བའི་ཕྱིར་རམ། འབྲལ་བའི་ཕྱིར་རམ། བྲི་བའི་ཕྱིར་རམ། གང་བའི་ཕྱིར་རམ། པའི་ཕྱིར་རམ། མི་པའི་ཕྱིར་རམ། འཕོ་བའི་ཕྱིར
46b6 རམ། མི་འཕོ་བའི་ཕྱིར་རམ། སྐྱེ་བའི་ཕྱིར་རམ། འགོག་པའི་ཕྱིར་རམ། ཀུན་ནས་ཉོན་མོངས་པའི་ཕྱིར་རམ། རྣམ་པར་བྱང་བའི་ཕྱིར་རམ། འཇུག་པའི་ཕྱིར་རམ། ལྡོག་པའི་ཕྱིར་རམ། ཀུན་འབྱུང་བའི་ཕྱིར་རམ། ནུབ་པའི་ཕྱིར་རམ། མཚན་ཉིད་ཀྱི་ཕྱིར་རམ། མཉམ་པའི
46b7 ཕྱིར་རམ། མི་མཉམ་པའི་ཕྱིར་རམ། ཀུན་རྫོབ་ཀྱི་ཕྱིར་རམ། དོན་དམ་པའི་ཕྱིར་རམ། བདེ་བའི་ཕྱིར་རམ། སྡུག་བསྔལ་གྱི་ཕྱིར་རམ། རྟག་པའི་ཕྱིར་རམ། མི་རྟག་པའི་ཕྱིར་རམ། སྡུག་པའི་ཕྱིར་རམ། མི་སྡུག་པའི་ཕྱིར་རམ། བདག་གི་ཕྱིར་རམ། བདག
iiif viewer powered by OpenSeadragon
