| e-texts navigator |
| Wylie |
26a1 ཚིག་སོ། །འབྱུང་བ་དང་ནུབ་པ་གང་ཞེ་ན། ཀུན་འབྱུང་བའི་ཆོས་ཅི་ཡང་རུང་སྟེ་དེ་ཐམས་ཅད་ནི་འགོག་པའི་ཆོས་ཏེ། འདི་ལྟར་ཀུན་འབྱུང་བ་དང་ནུབ་པར་རབ་ཏུ་རྟོགས་སོ། །རབ་ཀྱི་རྩལ་གྱིས་རྣམ་པར་གནོན་པ་ཀུན་འབྱུང་བ་ཞེས་བྱ་བ་དེ་ནི
26a2 འབྱུང་བའི་ཚིག་སོ། །ནུབ་པ་ཞེས་བྱ་བ་དེ་ནི་འགོག་པའི་ཚིག་ཏེ། འབྱུང་བ་དང་ནུབ་པ་ཞེས་ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ་ཀུན་འབྱུང་བ་གང་ཅི་ཡང་རུང་སྟེ། དེ་ནི་ཀུན་འབྱུང་བའི་ཆོས་མ་ཡིན་ནོ། །
26a3 རབ་ཀྱི་རྩལ་གྱིས་རྣམ་པར་གནོན་པ་མཉམ་པ་ལ་འབྱུང་བ་གང་ཡང་མེད་དེ། དེ་ནི་ཀུན་དུ་འབྱུང་བར་མི་འགྱུར་རོ། །དེ་མཉམ་པ་ཉིད་ཀྱི་རྗེས་སུ་སོང་སྟེ་དེའི་ཕྱིར་ཀུན་འབྱུང་བ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་མཉམ་པའི་རྗེས་སུ་སོང་བ་ཞེས་བྱ་བ་ནི་འདི་ལ་འབྱུང
26a4 བ་གང་ཡང་མེད་དེ་ཀུན་འབྱུང་བར་མི་འགྱུར་རོ། །དེའི་རང་བཞིན་དེ་ནི་རང་གི་ངང་གིས་འཇིག་ཅིང་དེ་ནི་འགོག་པ་སྟེ། དེ་ལ་ནི་འགོག་པ་གང་ཡང་མེད་དོ། །མཉམ་པ་ནི་བླ་ན་མེད་པའི་འགོག་པ་སྟེ། གང་ལ་སྐྱེ་བ་མེད་པ་དེ་ལ། འགོག་པ་མེད་དེ་དེ་ནི་འགོག་པའོ། །རབ་ཀྱི
26a5 རྩལ་གྱིས་རྣམ་པར་གནོན་པ་དེ་ལྟར་སྐྱེ་བ་མེད་ཅིང་འགོག་པ་མེད་པའི་ཕྱིར་གང་འབྱུང་བ་དང་ནུབ་པ་རྟོགས་པ་དེ་ནུབ་པ་རབ་ཏུ་རྟོགས་པ་སྟེ། དེའི་ཕྱིར་འབྱུང་བ་དང་། ནུབ་པ་རབ་ཏུ་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་རབ་ཏུ་རྟོགས་ཞེས་བྱ་བ་དེ་ནི་རྟེན་ཅིང
26a6 འབྲེལ་པར་འབྱུང་བ་ཡོངས་སུ་ཤེས་པ་ཞེས་བྱའོ། །གང་ལ་བརྟེན་ནས་ཆོས་གང་སྐྱེ་བ་དེ་ཉིད་ལ་བརྟེན་ནས་ཆོས་དེ་མེད་དེ། འདི་ནི་རྟེན་ཅིང་འབྲེལ་པར་འབྱུང་བ་རབ་ཏུ་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་དེ་ནི་རྟེན་ཅིང་འབྲེལ་པར་འབྱུང་བའི་ཡང་དག
26a7 པ་ཉིད་ཇི་ལྟ་བ་བཞིན་དུ་སྐྱེ་བ་མེད་པར་བསྟན་ཏོ། །མི་སྐྱེ་བ་ནི་རྟེན་ཅིང་འབྲེལ་པར་འབྱུང་བ་སྟེ། མི་འབྱུང་བ་མཉམ་པས་དེའི་ཕྱིར་རྟེན་ཅིང་འབྲེལ་པར་འབྱུང་བ་ཞེས་བྱའོ། །གང་ལ་སྐྱེ་བ་མེད་པ་དེ་ལ་འགོག་པ་ག་ལ་ཡོད་དེ། འགོག་པ་དང་མི་འགལ་བ་དེ་ནི་རྟེན་ཅིང
iiif viewer powered by OpenSeadragon
