| e-texts navigator |
| Wylie |
269b1 ཁྲོན་པ་བྱས་པ་དང་། བསྟན་པའི་བྱ་བ་བྱས་པ་དང་། ཆོས་ཀྱི་གནས་ལ་བྱི་དོར་བྱས་པ་དང་། དྲི་དང་ཕྲེང་བ་ལ་སོགས་པས་མཆོད་པར་བྱེད་པ་དང་། གུས་པར་བྱས་ནས་ཆོས་མཉན་པ་དང་། ཁ་ཟས་ཙམ་གྱི་སྦྱིན་པ་དགེ་འདུན་ལ་གཏོང་བ་དང་། ཕ་དང་མ་ལ་བསྙེན་བཀུར
269b2 བྱེད་པ་དང་། རིགས་ཀྱི་གཙོ་བོ་ལ་བསྙེན་བཀུར་བྱེད་པ་དང་། གསོ་སྦྱོང་ལ་གནས་པ་ལ་ཁ་ཟས་སྟེར་བ་དང་། བློ་བུར་བའི་བཙུན་པ་ལ་སྦྱིན་པ་སྟེར་བ་དང་། བསོད་སྙོམས་པ་ལ་སྟེར་བ་དང་། སྟན་འབུལ་བའི་སྐྱེ་བོས་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །
269b3 ཐ་ན་མེ་ཏོག་སྙིམ་པ་གང་ཙམ་མམ། མར་མེ་གཅིག་ཙམ་འབུལ་བའམ། གཞན་བསོད་ནམས་བྱེད་པ་རྣམས་ལ་རྗེས་སུ་ཡི་རང་བ་དང་། ལྷ་འམ་མི་རྣམས་ཀྱི་དགེ་བ་འདི་རྣམས་བྱེད་པ་ནི་དེའི་དུས་སུ་བྱོན་པའི་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །
269b4 དེ་ལ་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འདོད་པ་རྣམས་ཀྱིས་སྦྱིན་པ་གཏོང་བ་དང་། ཚུལ་ཁྲིམས་བསྲུང་བ་དང་། གསོ་སྦྱོང་གི་ལས་བྱེད་པ་དང་། སྒོམ་པར་བྱེད་པ་དང་། དགེ་བའི་ལས་ཀྱི་བག་ཡོད་པར་གྱུར་ན་གདོན་མི་ཟ་བར་མཐོང་ངོ་། །གང་ཞིག
269b5 ཚངས་པར་སྤྱད་པ་སྤྱོད། །ཐུབ་པའི་གསུང་རབ་ཐོས་པ་དང་། །དེ་རྣམས་འཁོར་བ་ལས་གྲོལ་ཞིང་། །བླ་མེད་མཆོག་གྱུར་འཆི་བ་མེད། །ཚངས་པར་སྤྱད་པ་སྤྱོད་བྱེད་ཅིང་། །མཆོད་འོས་རྣམས་ལ་སྟེར་བ་དང་། །གསོ་སྦྱོང་རྣམས་ལ་གནས་པ་དང་། །ལེགས་པར་བྱམས
269b6 པ་བསྒོམ་པར་གྱིས། །བག་ཡོད་པར་ནི་འགྱུར་བ་དང་། །རྟག་ཏུ་བསོད་ནམས་བྱ་བ་བྱེད། །དགེ་བ་འདི་རྣམས་བྱས་པ་ཡིས། །སྡུག་བསྔལ་མཐར་ནི་བྱེད་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱིས་གསུངས
269b7 པ་ལ་མངོན་པར་བསྟོད་དོ། ། །།བྱམས་པའི་མདོ་རྫོགས་།། །།པཎྜི་ཏ་ཆེན་པོ་ཨཱ་རནྡ་ཤྲཱིའི་ཞལ་སྔ་ནས། མང་དུ་ཐོས་པའི་ལོ་ཙཱ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས། སྐད་གཉིས་སྨྲ་བ་རྣམས་ཀྱི་གདན་ས་གཙུག་ལག་ཁང་ཆེན་པོ་དཔལ་ཐར་པ་གླིང་དུ
iiif viewer powered by OpenSeadragon
