| e-texts navigator |
| Wylie |
268b1 འོད་ཟེར་ཚད་རྣམས་ནི། །དབྱངས་དང་དབྱངས་ཀྱི་ཚད་ཙམ་མོ། །གཟི་བརྗིད་གཟི་ཡི་ཚད་རྣམས་ནི། །བསོད་ནམས་བསོད་ནམས་ཀྱི་ནི་ཚད། །ཤེས་རབ་ཤེས་རབ་ཀྱི་ནི་ཚད། །གྲགས་པ་གྲགས་པ་ཡི་ནི་ཚད། །ཁ་དོག་ཁ་དོག་གི་ནི་ཚད། །ཆོས་ནི་ཆོས་རྣམས་ཀྱི
268b2 ནི་ཚད། །དེ་ནས་སྟོང་ཕྲག་བརྒྱད་ཅུ་རྩ་བཞིའི་བྲམ་ཟེ་དང་། བྱེ་བ་ཕྲག་བརྒྱད་ཀྱི་ཚངས་པ་རྣམས་ཀྱིས་བདུད་རྩིའི་བཏུང་བ་འཐུངས་ནས། ཇི་ལྟར་བཅོམ་ལྡན་འདས་བསོད་ནམས་ཀྱི་མཐུ་ཡིས་རྣམ་པ་བརྒྱ་ཕྲག་དུ་མའི་འོད་ཟེར་འཕྲོ་ཞིང་། རྣམ་པ་བརྒྱ་ཕྲག་དུ་མའི་མཚན་རྫོགས་པ
268b3 མཚན་སུམ་ཅུ་རྩ་གཉིས་མཆོག་དང་ལྡན་པ་དཔེ་བྱད་བཟང་པོ་བརྒྱད་ཅུ་དང་ལྡན་པ་བརྒྱ་ཕྲག་དུ་མའི་སྐུ་མདོག་རྣམ་པ་དུ་མའི་ཡ་མཚན་དང་ལྡན་པར་གྱུར་པ་བརྒྱ་ཕྲག་དུ་མའི་འོད་ཟེར་དེའི་སྐུ་ལས་འཐོན་པར་གྱུར་ཏོ། །དེ་ནི་ཁ་དོག་སྔོན་པོ་དང་ཁ་དོག་སེར་པོ་དང་། ཁ་དོག་དམར་པོ་དང་། ཁ
268b4 དོག་དཀར་པོ་དང་། བཙོད་ཀྱི་མདོག་ལྟ་བུའི་འོད་ཟེར་དང་ལྡན་པའི་སྐུ་མདོག་ཅན་ནོ། །དེའི་སྐུ་ལུས་ལ་བྱུང་བ་ནི་ཤིང་ཏཱ་ལའི་ཚད་ཙམ་གྱི་འོད་ཟེར་འཕྲོའོ། །དུས་དང་དུས་མ་ཡིན་པ་དང་། ཟུང་དང་ཟུང་མ་ཡིན་པ་དང་། ཕུང་པོ་དང་ཕུང་པོ་མ་ཡིན་པ་ནི། བཅོམ་ལྡན་འདས་ཀྱི་སྐུ་ལུས
268b5 ལ་ལན་གསུམ་བསྐོར་བ་བྱས་ནས་རྒྱང་རིང་དུ་འགྲོ་བ་དང་ཐུང་དུ་འགྲོ་བའོ། །བཅོམ་ལྡན་འདས་དེའི་སྐུ་ལུས་ནི་མཐོ་ཚད་དུ་ཁྲུ་བརྒྱད་ཅུ་རྩ་བརྒྱད་པར་འགྱུར་རོ། །ཞབས་ཀྱི་འོག་ནས་པུས་མོའི་བར་དུ་ཁྲུ་ཉི་ཤུ་རྩ་གཉིས་སོ། །པུས་མོ་ནས་ལྟེ་བའི་བར་དུ་ཁྲུ་ཉི་ཤུ་རྩ་གཉིས་སོ། །ལྟེ་བ་ནས
268b6 སྒྲོག་རུས་ཀྱི་བར་དུ་ཁྲུ་ཉི་ཤུ་རྩ་གཉིས་སོ། །སྒྲོག་རུས་ནས་སྤྱི་གཙུག་གི་བར་དུ་ཁྲུ་ཉི་ཤུ་རྩ་གཉིས་སོ། །དཔུང་པ་གཉིས་ཀྱི་བར་དུ་ཁྲུ་ཉི་ཤུ་རྩ་ལྔའི་ཚད་དོ། །སྒྲོག་རུས་རེ་རེའི་དཀྱུས་ནི་ཁྲུ་ལྔ་ལྔའོ། །སྙན་གཉིས་ཀྱི་རྩེ་མོ་ནས་རྩ་བའི་བར་ལ་ཁྲུ་བདུན་བདུན་ནོ། །སྤྱན་རེ་རེའི་མཆུ་རུ་ཁྲུ
268b7 ལྔ་ལྔའོ། །སྨིན་མ་གཉིས་ཀྱི་དཀྱུས་སུ་ཁྲུ་ལྔ་ལྔའོ། །སྨིན་མ་གཉིས་ཀྱི་དབུས་ཀྱི་བར་ཞེང་ལ་ཁྲུ་ལྔའོ། །ཤངས་ལ་ཁྲུ་བདུན་ནོ། །ཡ་མཆུ་མ་མཆུ་གཉིས་ཀྱི་མཆུ་རུ་ཁྲུ་བཅུ་བཅུའོ། །ལྗགས་ཀྱི་ཟླུམས་སུ་ཁྲུ་ལྔའོ། །གཙུག་ཏོར་ལ་ཁྲུ་ལྔའོ། །གསེར་གྱི་མེ་ལོང་དང་འདྲ་བའི
iiif viewer powered by OpenSeadragon
