| e-texts navigator |
| Wylie |
267a1 བྱ་གག་འཕུར་བ་ཙམ་ཉིད་དོ། །དགེ་ཞིང་རྒྱས་ལ་རྫུ་འཕྲུལ་ལྡན། །ལུགས་ལ་ཉེ་བར་འཚེ་བ་མེད། །རྟག་ཏུ་རྩེ་ཞིང་དགའ་བ་དང་། །གཅིག་ཏུ་བདེ་བས་ཚིམ་པ་དང་། །རྒྱུ་སྐར་བདེ་བས་བསྐོར་བ་དང་། །དགའ་ཞིང་ཚིམ་ལ་རབ་ཏུ་དགའ། །བཟའ་དང
267a2 བཏུང་བ་མང་པོ་ཟ། །ཤ་ཆང་ཆུ་བཞིན་མང་བ་ནི། །ལྷ་ཡི་ཕོ་བྲང་ལྕང་ལོ་བཞིན། །ཁང་རྒྱལ་པོའི་ཕོ་བྲང་ནི། །ཉམས་དགའ་སྒྲ་མི་སྙན་བཞིན་ནོ། །འཛམ་བུའི་གླིང་ཡང་དེ་བཞིན་གྱུར། །དེའི་དུས་སུ་བྱང་ཆུབ་སེམས་དཔའ་བྱམས་པ་འདི་ནི་བསྐལ་པ་གྲངས་མེད
267a3 པ་བཅུ་དྲུག་དང་བསྐལ་པ་འབུམ་ཕྲག་གཅིག་ལྷག་ཙམ་དུ་སྦྱིན་པའི་ཕ་རོལ་དུ་ཕྱིན་པ་དང་། ཕ་རོལ་དུ་ཕྱིན་པ་སུམ་ཅུ་རྫོགས་པར་བྱས་ནས་ཐམས་ཅད་སྒྲོལ་བཞིན་དུ་སྐྱེ་བ་ལྷག་མའི་ལུས་སྦྱིན་པ་ཆེན་པོར་བྱས་ཤིང་། ཕ་རོལ་དུ་ཕྱིན་པ་ཡོངས་སུ་རྫོགས་པར་བྱས་ཏེ། དེའི་ལུས
267a4 ཞིག་ནས་དགའ་ལྡན་དུ་སྐྱེ་བ་རྫོགས་པར་བྱས་ནས། སངས་རྒྱས་བྱོན་པར་འགྱུར་རོ་ཞེས་སྒྲོགས་སོ། །སྟོང་ཕྲག་བཅུའི་འཁོར་ཡུག་གི་ལྷ་རྣམས་ནི་སངས་རྒྱས་བྱོན་པར་འགྱུར་རོ་ཞེས་དམ་འཆའོ། །ཕྱོགས་ལྔར་གཟིགས་ཏེ་དགའ་ལྡན་གྱི་ལྷའི་ཚོགས་རྣམས་ཀྱི་འཁོར་གྱིས་བསྐོར
267a5 ལ། དགའ་ལྡན་ནས་བྱོན་ཏེ། ཏོག་ལྡན་ཞེས་བྱ་བའི་རྒྱལ་པོའི་ཕོ་བྲང་དུ། དུང་གི་རྒྱལ་པོའི་ཚངས་བཟང་མདུན་ན་འདོན་བྲམ་ཟེའི་རིགས་ཀྱི་ཚངས་ལྡན་མའི་རུམ་དུ་ཞུགས་ཏེ། འཇིག་རྟེན་གྱི་ཁམས་སྟོང་ཕྲག་བཅུ་གཡོས་སོ། །ཟླ་བ་བཅུ་འདས་ནས་དྲང་སྲོང་ལྟུང་བ་དང་རི
267a6 དགས་རྒྱུ་བའི་གནས་སུ་མའི་རུམ་ནས་འཐོན་ཏེ་རིམ་པ་བཞིན་དུ་ཤེས་པ་དང་ལྡན་པར་གྱུར་ཏེ། བདག་ཉིད་ཀྱི་བསོད་ནམས་ཀྱི་མཐུས་ས་གཞི་བརྟོལ་ནས་སྟེང་དུ་འོངས་ཏེ་རིན་པོ་ཆེ་སྣ་བདུན་གྱི་ཁང་བཞིར་རང་ཉིད་ཀྱི་ལྷ་བཞིན་དུ་ལྷ་མོ་ཟླ་བའི་གདོང་ཅན་མ་ལ་སོགས་པ། ལྷའི་བུ་མོ
267a7 བཞིན་དུ་བུད་མེད་མང་པོ་དེ་རྣམས་དང་འགྲོགས་ནས། ལོ་སྟོང་ཕྲག་གཅིག་ལྷ་བཞིན་དུ་རྗེས་སུ་མྱོང་བར་གྱུར་ཏེ། དེའི་ཉིན་པར་རབ་ཏུ་བྱུང་བའི་གཟུགས་གཅིག་མཐོང་ནས་གསེར་གྱི་གཟེབ་ལ་མི་དགའ་བ་སེང་གེའི་རྒྱལ་པོ་བཞིན་དུ་དཔལ་འབྱོར་མ་ལུས་པ་རྫོགས་པ་རིན་པོ
iiif viewer powered by OpenSeadragon
