| e-texts navigator |
| Wylie |
97b1 ཉེས་པ་སྦོམ་པོར་འགྱུར་རོ། ། དགེ་སློང་མ་ཁྱིམ་བདག་གི་ཁྱིམ་དུ་སོང་ནས་ཐ་ན་འདི་སྐད་ཅེས་ཅིའི་ཕྱིར་ཁྱིམ་བདག་ཁྱོད་ཀྱིས་ཞལ་ཏ་བྱེད་པ་དག་གཞག་པར་མི་བྱེད་ཅེས་ཟེར་ན་ཉེས་བྱས་སུ་འགྱུར་རོ།། དེ་བཞིན་དུ་ཁྱིམ་བདག་མོ་ལ་ཡང་ཉེས་བྱས་སུ་འགྱུར་རོ།། ལས
97b2 དང་པོ་ལ་སོགས་པ་ལ་ནི་ལྟུང་བ་མེད་དོ། ། དགེ་སློང་མའི་རྣམ་པར་འབྱེད་པ་ལས་དགེ་འདུན་གྱི་ལྷག་མ་དང་པོ་རྫོགས་།། །། སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་ན་བཞུགས་སོ།། དེའི་ཚེ་སྡིག་བྱུང་ན་གྱད་ཀྱི་སྣ་ཆེན་པོ
97b3 རྒྱལ་སྡེ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ། གསེར་དང་ནོར་མང་པོ་འབྱོར་པ་ཞིག་གནས་སོ།། དེས་རིགས་མཉམ་པ
97b4 ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ།། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱང་དེ་དག་ལ་བུ་ཡང་མེད་བུ་མོ་ཡང་མེད་དོ།། བུ་མེད་པས་བུ་ལ་མངོན་པར་དགའ་སྟེ།
97b5 དེ་བུའི་དོན་དུ་ལྷ་བརྒྱ་སྟོང་དུ་མ་ལ་གསོལ་བ་འདེབས་ཏེ། འདི་ལྟ་སྟེ། ཚངས་པ་དང་། དབང་པོ་དང་། ཉེ་དབང་དང་། གཤིན་རྗེ་དང་། ཉི་མ་དང་། ལུས་ངན་པོ་དང་། ཀུན་འགེད་གཞོན་ནུ་དང་། སྐྱེ་དགུའི་བདག་པོ་དང་། ཁྱབ་འཇུག་དང་། དབང
97b6 བདག་དང་། ས་ག་དང་། ལས་ཐམས་ཅད་པ་དང་། ཐ་སྐར་དང་། རླུང་མར་གྱི་ལྷ་དང་། སའི་ལྷ་དང་། ཆུ་ལྷ་དང་། མེ་ལྷ་དང་། རླུང་ལྷ་དང་། ཡུལ་འཁོར་སྲུང་དང་། འཕགས་སྐྱེས་པོ་དང་། མིག་མི་བཟང་དང་། རྣམ་ཐོས་ཀྱི་བུ་དང་། ནོར་བུ
97b7 བཟང་པོ་དང་། གང་བ་བཟང་པོ་དང་། ལྔས་རྩེན་དང་། ལྔ་ལེན་དང་། གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་དང་། འཕྲོག་མ་བུ་ལྔ་བརྒྱའི་འཁོར་ཅན་དང་། ཀུན་དགའ་ར་བའི་ལྷ་དང་། ནགས་ཚལ་གྱི་ལྷ་དང་། བཞི་མདོའི་ལྷ་དང་། སུམ་མདོའི་ལྷ་དང་།
iiif viewer powered by OpenSeadragon
