| e-texts navigator |
| Wylie |
93a1 ཕར་ཡང་སྐྱེལ་བར་བྱེད་ཅིང་། ཕྲིན་ཚུར་ཡང་སྐྱེལ་བར་བྱེད་པ་ལ་དགེ་འདུན་ལྷག་མར་འགྱུར་ལ། གང་ཕྲིན་ཕར་ཡང་སྐྱེལ་བར་མི་བྱེད་ལ་ཕྲིན་ཚུར་ཡང་སྐྱེལ་བར་མི་བྱེད་པ་དེ་ལ་ཉེས་པ་སྦོམ་པོ་གཅིག་ཏུ་འགྱུར་རོ།། དགེ་སློང་མ་གཉིས་ཀྱིས་གཉི་གའི
93a2 སྤྲིང་བ་མནོས་ཏེ་གཉི་གས་ཕྲིན་ཕར་ནི་སྐྱེལ་བར་བྱེད་ལ། ཕྲིན་ཚུར་ནི་སྐྱེལ་བར་མི་བྱེད་ན་གཉི་ག་ལ་ཉེས་པ་སྦོམ་པོ་གཉིས་གཉིས་སུ་འགྱུར་རོ།། དགེ་སློང་མ་གཉིས་ཀྱིས་གཉི་གས་སྤྲིང་བ་མནོས་ཏེ། དེ་ན་གཉི་གས་འདི་སྐད་ཅེས་བདག་ཅག་གཉི་ག་ཕྲིན་ཕར་སྐྱེལ་བར་ཡང
93a3 མི་བྱེད་ལ་ཕྲིན་ཚུར་ཡང་སྐྱེལ་བར་མི་བྱེད་དོ། ། ཞེས་ཟེར་ན་གཉི་ག་ཉེས་པ་སྦོམ་པོ་རེ་རེར་འགྱུར་རོ།། དགེ་སློང་མ་གཅིག་སྐྱེས་པ་གཅིག་བུད་མེད་གཅིག་དང་འགྲོན་ལམ་དུ་འགྲོ་བ་ན་གལ་ཏེ་བུད་མེད་དེས་དགེ་སློང་མ་དེ་ལ་འདི་སྐད་ཅེས་འཕགས་མ་ཁྱོད་སྐྱེས་པ་དེ་ལ་འདི་སྐད
93a4 ཅེས་ཁྱོད་བུད་མེད་འདིའི་ཁྱོ་འམ། མཛའ་བོའམ། སྨོས་འདྲིན་གྱིས་ཤིག་ཅེས་ཟེར་ནུས་སམ་ཞེས་སྨྲས་ལ། གལ་ཏེ་དགེ་སློང་མ་དེས་སྤྲིང་བ་རྣམ་པ་དེ་ལྟ་བུ་མནོས་ནས་ཕྲིན་ཕར་སྐྱེལ་བར་བྱེད་དམ། ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ།། དེ་བཞིན
93a5 དུ་སྐྱེས་པ་དེས་དགེ་སློང་མ་དེ་ལ་འདི་སྐད་ཅེས་འཕགས་མ་ཁྱོད་བུད་མེད་འདི་ལ་འདི་སྐད་ཅེས་ཁྱོད་སྐྱེས་པ་འདིའི་ཆུང་མའམ། མཛའ་ན་མོའམ། སྨོན་འདྲིན་གྱིས་ཤིག་ཅེས་ཟེར་ནུས་སམ་ཞེས་སྨྲས་ལ། གལ་ཏེ་དགེ་སློང་མ་དེས་སྤྲིང་བ་རྣམ་པ་དེ་ལྟ་བུ་མནོས་ཏེ་ཕྲིན་ཕར
93a6 སྐྱེལ་བར་བྱེད་དམ། ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ།། དགེ་སློང་མ་གཅིག་དང་། བུད་མེད་གཅིག་དང་། སྐྱེས་པ་གཅིག་ལ་ཇི་ལྟ་བ་དེ་བཞིན་དུ་དགེ་སློང་མ་གཉིས་དང་། བུད་མེད་གཉིས་དང་། སྐྱེས་པ་གཉིས་དང་། དེ་བཞིན་དུ་དགེ
93a7 སློང་མ་རབ་ཏུ་མང་པོ་དང་། བུད་མེད་རབ་ཏུ་མང་པོ་དང་། སྐྱེས་པ་རབ་ཏུ་མང་པོ་ལ་ཡང་རྒྱས་པར་བརྗོད་པར་བྱའོ།། ལམ་དུ་འགྲོ་བ་ཇི་ལྟ་བ་བཞིན་དུ་སྡོད་པ་དང་། འདུག་པ་དང་། ཉལ་བ་དག་ལ་ཡང་རྒྱས་པར་བརྗོད་པར་བྱའོ།། དགེ་སློང་མ་མདུན་དུ་འགྲོ་བའི་དགེ་སྦྱོང་མ་དང་།
iiif viewer powered by OpenSeadragon
