| e-texts navigator |
| Wylie |
91b1 སྤྱོད་པར་མི་འགྱུར་བར་བྱའོ་སྙམ་ནས་བསྲུངས་ཞེས་བྱ་བའི་བར་འདི་ནི་རིགས་ཀྱིས་བསྲུངས་པའི་མཛའ་ན་མོ་ཞེས་བྱའོ། ། རིགས་ཞེས་བྱ་བ་ནི་བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་རྣམས་སོ།། རུས་ཀྱིས་བསྲུངས་པའི་མཛའ་ན་མོ་གང་ཞེ་ན།
91b2 འདི་ལྟ་སྟེ། བུད་མེད་དམ་གཞོན་ནུ་མ་གང་ཞིག་གང་གི་ཚེ་ཁྱིམ་ཐབ་སྨྱོས་པར་གྱུར་ཏམ། སེམས་འཁྲུགས་པར་གྱུར་ཅེས་བྱ་བའི་བར་ནས། ཕ་མ་ཤི་བར་གྱུར་ཏམ། མིང་པོ་དང་། ཕུ་ནུ་མོ་དང་། སྒྱུག་མོ་དང་། གྱོས་པོ་དང་། ཉེ་དུ་རྣམས་ཤི་བར་གྱུར་པ་ན་དེ
91b3 བ་དག་ཉིད་དང་རུས་གཅིག་པའི་དྲུང་ནས་གནས་ཤིང་དེ་ལ་དེ་དག་གིས་བདག་ཅག་གི་འདི་ལ་འགའ་ཞིག་གིས་མ་བརྟགས་པར་ནན་གྱིས་བཙན་ཐབས་སུ་འདོད་པའི་ཕྱིར་སྤྱོད་པར་མི་འགྱུར་བར་བྱའོ་སྙམ་ནས་བསྲུངས་ཞེས་བྱ་བའི་བར་འདི་ནི་རུས་ཀྱིས་བསྲུངས་པའི་མཛའ་ན་མོ་ཞེས
91b4 བྱའོ། ། རུས་ཞེས་བྱ་བ་ནི་ཀུང་སའི་རུས་དང་། བད་སའི་རུས་དང་། ཤན་དི་ལའི་རུས་དང་། བར་དྭ་ཛའི་རུས་དང་། མཽད་གལ་གྱི་རུས་དང་། གར་གའི་རུས་དང་། གཽ་ཏ་མའི་རུས་རྣམས་སོ།། རྣམ་པར་འཁྲུག་པ་མེད་པའི་མཛའ་ན་མོ་གང་ཞེ་ན། དགེ་སློང་མ་དང་།
91b5 དཔྱོད་པ་མ་དང་། ཀུན་དུ་རྒྱུ་མོ་དང་། ཁྱིམ་ཐབ་ལས་གཞན་དང་མི་ཉལ་བའི་བུད་མེད་དང་། བརྟུལ་ཞུགས་ཀྱི་གཞི་ཆོས་སྤྱོད་པར་བྱེད་པ་སྟེ། འདི་དག་ནི་མཛའ་ན་མོ་བཅུ་ཞེས་བྱའོ།། སྨྱན་བྱེད་ན་ཞེས་བྱ་བ་ནི་ཕྲིན་བྱེད་པའོ།། ཐ་ན་ཐང་འགའ་ཞིག་བྱ་བ་ནི་ཐ་ན་ཡུད
91b6 ཙམ་ཡང་ངོ་། ། ཆོས་འདི་ནི་ཞེས་བྱ་བ་ནི་ཆོས་མ་ཡིན་པ་ཆོས་ཀྱི་སྒྲར་བསྟན་པ་འདིའོ།། དང་པོ་ཉིད་ཀྱིས་ལྟུང་བར་འགྱུར་ལ་ཞེས་བྱ་བ་ནི་མོད་ལ་ལྟུང་བར་འགྱུར་བའོ།། ངེས་པར་འབྱུང་བ་དང་བཅས་པ་ཞེས་བྱ་བ་ནི་རྟོན་པ་དང་བཅས་པའོ།། དགེ་འདུན་ལྷག་མའོ་ཞེས
91b7 བྱ་བ་ནི་ལྟུང་བ་དེ་གཉི་གའི་དགེ་འདུན་ལ་རག་ལུས་པ་དང་། གཉི་གའི་དགེ་འདུན་དང་འབྲེལ་བ་དང་། གཉི་གའི་དགེ་འདུན་ལ་རྟོན་པ་ཡིན་ཏེ། ལྟུང་བ་དེ་གཉི་གའི་དགེ་འདུན་ལས་ལྡང་བར་འགྱུར་གྱི་གང་ཟག་ལས་ནི་མ་ཡིན་པའོ།། ཡང་ན་ཕས་ཕམ་པར་གྱུར་པ་བརྒྱད་པོ
iiif viewer powered by OpenSeadragon
