| e-texts navigator |
| Wylie |
91a1 གང་གི་ཚེ་ཁྱིམ་ཐབ་སྨྱོས་པར་གྱུར་ཏམ། སེམས་འཁྲུགས་པར་གྱུར་ཅེས་བྱ་བ་ནས། ཕ་མ་ཤི་བར་གྱུར་ཏམ། མིང་པོ་དང་ཕུ་ནུ་མོ་ཤི་བར་གྱུར་པ་ན་དེ་ལ་སྒྱུག་མོས་འདི་སྐད་ཅེས་བདག་གི་བུ་ལ་བལྟ་བ་ཇི་ལྟ་བར་ཁྱོད་ལ་ཡང་དེ་ལྟ་བུ་ཡིན་པས
91a2 ཁྱོད་ཀྱི་བཟའ་བ་དང་བགོ་བ་བདག་གིས་སྦྱར་གྱིས་མནའ་མ་དགའ་བར་གྱིས་ཤིག། མནའ་མ་འདུག་པར་གྱིས་ཤིག་ཅེས་སྨྲས་ནས། བདག་གི་འདི་ལ་འགའ་ཞིག་གིས་མ་བརྟགས་པར་ནན་གྱིས་བཙན་ཐབས་སུ་འདོད་པའི་ཕྱིར་སྤྱོད་པར་མི་འགྱུར་བར་བྱའོ་སྙམ་ནས
91a3 བསྲུངས་ཤིན་ཏུ་བསྲུངས། སྦས་ཤིན་ཏུ་སྦས་པར་གྱུར་པ་འདི་ནི་སྒྱུག་མོས་བསྲུངས་པ་ཞེས་བྱའོ།། སྒྱུག་མོས་བསྲུངས་པ་ཇི་ལྟ་བ་བཞིན་དུ་གྱོས་པོས་བསྲུངས་པ་ཡང་བརྗོད་པར་བྱའོ།། ཉེ་དུས་བསྲུངས་པའི་མཛའ་ན་མོ་གང་ཞེ་ན། འདི་ལྟ་སྟེ། བུད
91a4 མེད་དམ་གཞོན་ནུ་མ་གང་ཞིག་ཁྱིམ་ཐབ་སྨྱོས་པར་གྱུར་ཏམ། སེམས་འཁྲུགས་པར་གྱུར་ཅེས་བྱ་བ་ནས་ཕ་མ་ཤི་བར་གྱུར་ཏམ། མིང་པོ་དང་། ཕུ་ནུ་མོ་དང་། སྒྱུག་མོ་དང་། གྱོས་པོ་ཤི་བར་གྱུར་པ་ན་དེ་ཉེ་དུའི་དྲུང་ན་གནས་ཤིང་། དེ་ལ་ཉེ་དུ་རྣམས
91a5 ཀྱིས་བདག་ཅག་གི་འདི་ལ་འགའ་ཞིག་གིས་མ་བརྟགས་པར་ནན་གྱིས་བཙན་ཐབས་སུ་འདོད་པའི་ཕྱིར་སྤྱོད་པར་མི་འགྱུར་བར་བྱའོ་སྙམ་ནས་བསྲུངས། ཤིན་ཏུ་བསྲུངས། སྦས་ཤིན་ཏུ་སྦས་པར་གྱུར་པ་འདི་ནི་ཉེ་དུས་བསྲུངས་པའི་མཛའ་ན་མོ་ཞེས་བྱའོ།།
91a6 ཉེ་དུ་ཞེས་བྱ་བ་ནི་ཕ་མེས་དང་མ་མེས་གཉི་གའི་བདུན་རྒྱུད་གཟུང་ངོ་།། རིགས་ཀྱིས་བསྲུངས་པའི་མཛའ་ན་མོ་གང་ཞེ་ན། འདི་ལྟ་སྟེ། བུད་མེད་དམ་གཞོན་ནུ་མ་གང་ཞིག་གང་གི་ཚེ་ཁྱིམ་ཐབ་སྨྱོས་པར་གྱུར་ཏམ། སེམས་འཁྲུགས་པར་གྱུར་ཅེས་བྱ་བའི་བར་ནས།
91a7 ཕ་མ་ཤི་བར་གྱུར་ཏམ། མིང་པོ་དང་ཕུ་ནུ་མོ་དང་སྒྱུག་མོ་དང་གྱོས་པོ་དང་ཉེ་དུ་ཤི་བར་གྱུར་པ་ན་དེ་བདག་ཉིད་དང་རུས་གཅིག་པའི་དྲུང་ན་གནས་ཤིང་། དེ་ལ་དེ་དག་གིས་བདག་ཅག་གི་འདི་ལ་འགའ་ཞིག་གིས་མ་བརྟགས་པར་ནན་གྱིས་བཙན་ཐབས་སུ་འདོད་པའི་ཕྱིར
iiif viewer powered by OpenSeadragon
