| e-texts navigator |
| Wylie |
87a1 ལ་བཟོད་པ་མ་གསོལ་ཅིག་ཅེས་བྱ་བའི་དོན་ཏོ། ། བདག་གིས་ཁྱོད་ལ་ལྷུང་བཟེད་དང་། ཆོས་གོས་དང་ཞེས་བྱ་བ་ལ་སོགས་པ་བསྙེན་བཀུར་བགྱིའོ་ཞེས་བྱ་བའི་བར་ནས། དགེ་སློང་མ་དེ་ལ་ཞེས་བྱ་བ་ནི་བཅུ་གཉིས་སྡེའོ།། དགེ་སློང་མ་རྣམས་ཀྱིས
87a2 ཞེས་བྱ་བ་ནི་ཆོས་འདི་པའི་དགེ་སློང་མ་རྣམས་ཀྱིས་སོ། ། དེ་སྐད་བསྒོ་བར་བྱའོ་ཞེས་བྱ་བ་ནི་འདི་སྐད་ཅེས་སྨྲ་བར་བྱ་སྟེ། བཞམས་ཏེ་བསྒོ་བ་སྔ་མ་ཇི་ལྟ་བ་བཞིན་དུ་བསྒོ་བར་བྱ་བའོ།། གལ་ཏེ་དགེ་སློང་མ་རྣམས་ཀྱིས་དགེ་སློང་མ་དེ་ལ་འདི་སྐད་བསྒོ་བ་ན་གཞི་དེ་གཏོང
87a3 བ་དེ་ལྟ་ན་ལེགས་ཞེས་བྱ་བ་ནི་བཟང་བའོ། ། གལ་ཏེ་གཏོང་བར་མི་བྱེད་ན་གཞི་དེ་གཏང་བར་བྱ་བའི་ཕྱིར་ལན་གཉིས་ལན་གསུམ་གྱི་བར་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱ་ཞེས་བྱ་བ་ནི་སྔར་གསོལ་བ་དང་བཞིའི་ལས་ཀྱིས་ཇི་ལྟར་བསྒོ་བ
87a4 བཞིན་དུའོ། ། ཡང་དག་པར་བསྒོ་བ་ན་ཞེས་བྱ་བ་ནི་ཡང་དག་པར་བསྟན་པ་ནའོ།། དེ་ལ་ལྟུང་བ་ཇི་ལྟར་འགྱུར་ཞེ་ན། ཇི་ཙམ་དུ་དགེ་སློང་མས་དགེ་སློང་འཐབ་མོ་བྱེད་པ་ཞེས་བྱ་བ་ནས་འཐབ་ཀྲོལ་བྱེད་པ། དགེ་འདུན་གྱིས་གནས་ནས་དབྱུང་བའི་ལས་བྱས་པ། དགེ
87a5 སློང་མ་རྣམས་ཀྱིས་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བ་ཞེས་བྱ་བའི་བར་དང་། ཤེས་བཞིན་དུ་འདི་སྐད་ཅེས་བདག་གིས་ཁྱོད་ལ་ལྷུང་བཟེད་ཀྱིས་བསྙེན་བཀུར་བགྱིའོ་ཞེས་སྨྲས་ན་ཉེས་བྱས་སུ་འགྱུར་རོ།། ཆོས་གོས་ཀྱིས་ཀྱང་ཉེས་བྱས་སུ་འགྱུར་རོ།། དྲ
87a6 བས་ཀྱང་ཉེས་བྱས་སུ་འགྱུར་རོ། ། ཕོར་བུས་ཀྱང་ཉེས་བྱས་སུ་འགྱུར་རོ།། སྐ་རགས་ཀྱིས་ཀྱང་ཉེས་བྱས་སུ་འགྱུར་རོ།། ཅི་དང་ཅིས་བྲེལ་བ་དེ་དང་དེས་མི་བྲེལ་བར་བྱའོ་ཞེས་བྱ་བ་ཐམས་ཅད་དུ་ཉེས་བྱས་སུ་འགྱུར་རོ།། བཞམས་ཏེ་བསྒོ་བ་ན་གཞི་དེ་གཏོང་བ་དེ
87a7 ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ།། ལས་དང་པོའི་ཚིག་བརྗོད་པ་མ་རྫོགས་པར་གལ་ཏེ་གཏོང་བ་དེ་ལྟ་ན་ལེགས། ཇི་སྟེ་གཏོང་བར་མི་བྱེད་ལ་ཚིག་རྫོགས་པར་གྱུར་པ་ན་ཉེས་པ་སྦོམ་པོར་འགྱུར་རོ།། ལས་གཉིས་པའི་ཚིག་བརྗོད
iiif viewer powered by OpenSeadragon
