| e-texts navigator |
| Wylie |
80a1 ཡང་རུང་བའོ། ། ཤེས་བཞིན་དུ་ཞེས་བྱ་བ་ནི་བདག་ཉིད་ཀྱིས་མཐོང་བའམ། དེ་ལ་གཞན་གྱིས་སྨྲས་པར་གྱུར་ནས་སོ།། བཅབས་ན་ཞེས་བྱ་བ་ནི་འཁྱུད་ནས་སོ།། གང་གི་ཚེ་དགེ་སློང་མ་དེ་ཤི་བར་གྱུར་ཏམ་ཞེས་བྱ་བ་ནི་དེའི་སྲོག་གི་དབང་པོ
80a2 འགགས་པར་གྱུར་པའོ། ། ཉམས་སམ་ཞེས་བྱ་བ་ནི་བསླབ་པ་ཕུལ་བའོ།། འཁྱམས་སམ་ཞེས་བྱ་བ་ནི་ཡུལ་བཏང་བར་གྱུར་ནའོ།། འཕོས་པར་གྱུར་ཅེས་བྱ་བ་ནི་གཞན་མུ་སྟེགས་ཅན་གྱི་གནས་ལ་རྟེན་པའོ།། དེའི་ཚེ་དགེ་སློང་མ་དེ་ཞེས་བྱ་བ་ནི་མཛའ་ཅན
80a3 མའོ། ། དགེ་སློང་མ་འདི་ཞེས་བྱ་བ་ནི་ཆོས་འདི་པ་རྣམས་ཀྱིའོ།། འདི་ལ་ལྟུང་བ་འདི་ལྟ་བུ་དང་འདི་ལྟ་བུ་དག་བྱུང་བར་སྔ་ནས་ཤེས་སོ།། ཞེས་བྱ་བ་ནི་བརྒྱད་པོ་དག་ལས་གང་ཡང་རུང་བདག་གོ།། དེ་སྐད་ཟེར་ན་ཞེས་བྱ་བ་ནི་སྨྲས་ནའོ།། དགེ་སློང་མ་ཞེས་བྱ་བ
80a4 ནི་གང་ལ་དགེ་སློང་མའི་དངོས་པོ་ཡོད་པ་དེའོ། ། དགེ་སློང་མའི་དངོས་པོ་གང་ཞེ་ན། བསྙེན་པར་རྫོགས་པའོ།། བསྙེན་པར་རྫོགས་པ་གང་ཞེ་ན། གཞན་ཐམས་ཅད་རྒྱས་པར་བརྗོད་པར་བྱའོ།། དེ་ཞེས་བྱ་བ་ནི་བསྟན་པ་དང་། ཉེ་བར་བསྟན་པའི་ཚིག་སོ།། དགེ
80a5 སློང་མ་བཅུ་གཉིས་པོ་དག་ཏུ་དེ་བསྐོ་བར་མི་བྱའོ་ཞེས་བྱ་བའི་བར་དུའོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་དགེ་སློང་མའི་ཁ་ན་མ་ཐོ་བ་ཤེས་བཞིན་དུ་བཅབས་ན་ཇི་ལྟར་ཡང་རུང་སྟེ་ཐམས་ཅད་དུ་ཕས་ཕམ་པར་འགྱུར་རོ།། དགེ་སློང་མའི་རྣམ་པར་འབྱེད་པ་ལས
80a6 ཕས་ཕམ་པར་གྱུར་པ་བདུན་པ་རྫོགས་། ། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་མཉན་ཡོད་ན་དགེ་སློང་གྲེ་སྐྱེས་ཞེས་བྱ་བ་ཞིག་གནས་པ་འཐབ་མོ་བྱེད་པ།
80a7 མཚང་འདྲུ་བར་བྱེད་པ། འགྱེད་པར་བྱེད་པ། རྩོད་པར་བྱེད་པ། འཐབ་ཀྲོལ་བྱེད་པ་དེས་དགེ་འདུན་རྣམས་ཀྱིས་གནས་ནས་དབྱུང་བའི་ལས་བྱས་སོ།། དགེ་སློང་གྲེ་སྐྱེས་གནས་ནས་དབྱུང་བའི་ལས་བྱས་པར་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཐོས་སོ།། ཐོས
iiif viewer powered by OpenSeadragon
