| e-texts navigator |
| Wylie |
75b1 ལག་ཙམ་རེག་པར་བྱའོ་ཞེས་སྨྲས་ནས་དེས་དེ་པང་དུ་བླངས་ཏེ་པུས་མོ་ཡན་ཅད་དང་མིག་མན་ཅད་སྤྲད་ཀུན་སྤྲད་པར་བྱས་པ་ལས་སྦྱོར་བ་དེ་ཡང་དགེ་སློང་མ་དགེ་སྐོས་མས་ཚོར་བར་གྱུར་ཏོ། ། དགེ་སློང་མའི་དགེ་འདུན་མ་ཡང་མཉན་ཡོད་དུ་བསོད་སྙོམས་བྱས་ནས་ཟས་ཀྱི་བྱ
75b2 བ་བྱས་ཏེ་ཟས་ཕྱི་མའི་བསོད་སྙོམས་སྤངས་ནས། སླར་ལོག་པ་ན་འཛིན་གྱི་བུའི་གནས་གང་ཡིན་པ་དེར་སོང་ངོ་།། དེ་ནས་དགེ་སློང་མ་དགེ་སྐོས་མ་དེས་དེ་དག་ལ་འདི་སྐད་ཅེས་སྨྲས་སོ།། ཀྱེ་ཕུ་ནུ་མོ་དག་འཛིན་གྱི་བུ་འདིས་བདག་ཅག་ལ་ཆོས་ཀྱི་དོན
75b3 དུ་གནས་དབེན་པ་རབ་ཏུ་བྱིན་སྙམ་ན་འདིས་ནི་མགོ་རེག་མོ་རྣམས་སླས་ཀྱི་བཙུན་མོ་ལྟ་བུར་བཞག་པར་བདག་གིས་འཕྲིགས་ཀྱིས། ཀྱེ་ཕུ་ནུ་མོ་དག་ཁྱེད་གང་ལ་ཚུལ་ཁྲིམས་དགོས་པ་དེ་དག་གཞན་དུ་དེང་ཤིག། དེ་དག་གིས་དེ་ལ་དྲིས་པ། དེ་ཇི་ཞིག། དེས་དགེ་སློང
75b4 མ་རྣམས་ལ་སྐབས་དེ་རྒྱས་པར་སྨྲས་སོ། ། དགེ་སློང་མ་རྣམས་ཀྱིས་ཀྱང་དགེ་སློང་དག་ལ་སྨྲས་སོ།། དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་ངའི་གཉི་གའི་དགེ་འདུན་གྱིས་དོན་ཤེས་པ་དང་། ངས་བསླབ
75b5 པའི་གཞི་ཡང་ལེགས་པར་བཅས་པར་འགྱུར་རོ་སྙམ་ནས་བྱུང་བ་འདི་དང་། གླེང་གཞི་འདི་དང་། དངོས་པོ་འདི་དང་། སྐབས་འདི་ལ་གཉི་གའི་དགེ་འདུན་བསྡུ་བ་མཛད་དོ།། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན
75b6 བཞིན་དུ་རྨེད་ཀྱི་མི་མཁྱེན་པར་མ་ཡིན། དུས་སུ་ཡིན་གྱི་དུས་མ་ཡིན་པར་མ་ཡིན། དོན་དང་ལྡན་པར་ཡིན་གྱི་དོན་དང་མི་ལྡན་པར་མ་ཡིན་ཏེ། སངས་རྒྱས་བཅོམ་ལྡན་འདས་རྣམས་ནི་འདི་ལྟ་སྟེ། དོན་དང་མི་ལྡན་པར་རྨེད་པ་ནི་ཆུ་ལོན་གྱིས་ཟློག་པར་མཛད་པ
75b7 ཡིན་ནོ། ། དེ་ལ་སངས་རྒྱས་བཅོམ་ལྡན་འདས་རྣམས་ནི་འདི་ལྟ་སྟེ། དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས་སངས་རྒྱས་བཅོམ་ལྡན་འདས་ཀྱིས་དགེ་སློང་མ་སྦོམ་དགའ་མོ་ལ་རྨས་པ། དགེ་སློང་མ་ཁྱོད་ཀྱིས་འདི་ལྟར་ཚུལ་མ་ཡིན་པ་མི་མཛེས་པར་བྱས་པ་བདེན
iiif viewer powered by OpenSeadragon
