| e-texts navigator |
| Wylie |
72a1 དག་འདིས་ལས་བྱས་ཤིང་བསགས་པ་ཞེས་བྱ་བ་ནས་རྒྱས་པར་བྱའོ། ། དགེ་སློང་དག་སྔོན་བྱུང་བ་འདས་པའི་དུས་ན། བསྟི་གནས་ཞིག་ན་དྲང་སྲོང་ལྔ་བརྒྱ་གནས་སོ།། སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ་རང་སངས་རྒྱས
72a2 ཕོངས་པ་དང་དམན་པ་ལ་ཕན་འདོགས་པ་འཇིག་རྟེན་དུ་འབྱུང་སྟེ། བསྟི་གནས་དེ་དང་ཧ་ཅང་ཡང་མི་རིང་བ་ཞིག་ན་རང་སངས་རྒྱས་ཞིག་ཀྱང་གནས་སོ།། དེ་ནས་དྲང་སྲོང་དེ་དག་ཉིན་གཅིག་བཞིན་དུ་སྔར་ལངས་ཏེ། གནས་སྲུང་བའི་དྲང་སྲོང་བཞག་ནས། ཡམ་སྲེག
72a3 ཤིང་དང་། འབྲས་བུའི་ཕྱིར་ཕྱོགས་བཞིར་འགྲོ་བར་བྱེད་དོ།། དེ་ནས་དྲང་སྲོང་ཞིག་རང་སངས་རྒྱས་དེ་དང་ཉེ་བ་ནས་ཡང་དང་ཡང་དུ་འགྲོ་བ་ན་རང་སངས་རྒྱས་དེ་སྐྱིལ་མོ་ཀྲུང་བཅས་ཏེ་འདུག་པ་མཐོང་ངོ་།། ལྡོག་པ་ལ་ཡང་དེ་བཞིན་འདུག་པར་མཐོང་ནས་འདི་སྙམ་དུ། དགེ་སློང
72a4 འདི་ཉིན་པར་སྐྱིལ་མོ་ཀྲུང་འཇིག་པར་མི་བྱེད་ན། ཁ་ཟས་གང་ནས་ཇི་ལྟར་བྱེད། མ་ལ་བདག་གིས་དེ་ལ་དྲིའོ་སྙམ་དུ་བསམས་སོ།། དེ་ཡང་འདི་སྙམ་དུ་ད་ལྟར་ཉེ་བར་སོང་སྟེ་དྲིར་ནི་དྲང་སྲོང་དེ་དག་གིས་བདག་དགེ་སློང་དང་ལྷན་ཅིག་འགྲོགས་པ་མཐོང་བ་དང་འཕྱ་བར་འགྱུར
72a5 བས་གང་གི་ཚེ་བདག་བསྟི་གནས་སྲུང་བར་གྱུར་པ་དེའི་ཚེ་བག་ཚ་བ་མེད་པར་དྲིའོ་སྙམ་དུ་བསམས་སོ། ། དེ་ནས་དུས་གཞན་ཞིག་ན་དེ་ལ་བསྟི་གནས་སྲུང་བ་བབ་སྟེ། དྲང་སྲོང་དེ་དག་དོང་བ་དང་། རང་སངས་རྒྱས་གང་ན་བ་དེར་སོང་སྟེ་ཕྱིན་ནས་དེ་ལ་དྲིས་པ། འཕགས
72a6 པ་བདག་ཉིན་གཅིག་བཞིན་དུ་ཁ་ཟས་དང་འབྲས་བུའི་དོན་དུ་ཕན་ཚུན་དུ་འགྲོ་བར་བྱེད་པ་ན། ཁྱོད་སྐྱིལ་མོ་ཀྲུང་བཤིག་པའམ། བསོད་སྙོམས་ཀྱི་དོན་དུ་འགྲོ་བར་བདག་གིས་ལན་འགའ་ཡང་མ་མཐོང་ན། ཁྱོད་དགའ་བ་ཟའམ་ཅི། དེས་སྨྲས་པ། དགའ་བ་ཟ་བ
72a7 མ་ཡིན་ཏེ། གང་གི་ཚེ་ཟས་ཀྱི་དུས་ལ་བབ་པ་དེའི་ཚེ་བསོད་སྙོམས་ཀྱི་དོན་དུ་སོང་སྟེ། འདིར་ཁྱེར་ཏེ་འོངས་ནས་ཟ་བར་བྱེད་དོ།། དེས་དྲིས་པ། བསོད་སྙོམས་ཀྱི་ཕྱིར་གང་དུ་འགྲོ་བར་བྱེད། དེས་སྨྲས་པ། བྱང་གི་སྒྲ་མི་སྙན་དུའོ།། སྒྲ་མི་སྙན་ཅི་འདྲ། དེས་སྨྲས་པ།
iiif viewer powered by OpenSeadragon
