| e-texts navigator |
| Wylie |
71a1 ཆུང་མ་གཉིས་བླངས་ན་བདེ་བ་ཉམས་སུ་མྱོང་བར་མི་འགྱུར་རོ་ཞེས་བྱ་བའི་བར་དུའོ།། ཆུན་མ་ལ་ནི་བུ་མོའི་འདུ་ཤེས་འཇོག་ལ་ཞེས་བྱ་བ་ནས། སྔ་མ་ཟིལ་གྱིས་གནོན་པ་ཡིན་པས་སྔ་མ་གང་ཡིན་པ་ལ་འདྲི་བར་ཡང་མི་བྱེད་དོ་ཞེས་བྱ་བའི་བར་དུའོ།། བདག
71a2 འདི་ལྟར་ཅིའི་ཕྱིར་འདུག་ཅེས་བྱ་བ་ནས། དེས་ཁྱོ་ལ་སྨྲས་པ། བདག་སྐྱབས་སུ་མཆི་ཞིང་བསླབ་པའི་གཞི་ལེན་དུ་མཆི་ཡིས་མཁྱེན་པར་མཛོད་ཅིག་ཅེས་སྨྲས་པ་དང་། དེས་ཀྱང་གནང་ངོ་།། དེ་ཡང་སྐྱབས་སུ་སོང་ནས་བསླབ་པའི་གཞི་བླང་བ་བྱས་སོ།། དེ་ནས་མི་དེ་སེམས
71a3 པ་ལ་ཞུགས་པ་ན་འདི་སྙམ་དུ། འདི་ལྟར་བདག་གི་ཡོན་གནས་ནི་འདི་ཡིན་ནོ་ཞེས་བསམས་ཏེ་ཞེས་བྱ་བ་ནས་མེ་ཏོག་དང་། འབྲས་བུ་དང་། བཟའ་བ་ཆེས་སྔར་སྦྱིན་པར་བྱེད་ཅིང་། ཕྱིས་ནི་ཆུན་མ་དེ་ལའོ་ཞེས་བྱ་བའི་བར་དུའོ།། དེས་འདི་སྙམ་དུ། ཁྱིམ་གྱི
71a4 བྱ་བ་ཅུང་ཟད་གང་ཡིན་པ་དེ་དག་ཐམས་ཅད་ནི་བདག་བྱེད་ལ། འདི་ནི་ཉལ་ཞིང་ཟ་བ་ཡིན་པ་སྙམ་དུ་བསམས་ཏེ་ཞེས་བྱ་བ་ནས། མི་དེས་ཆུན་མ་ལ་ཀུན་དུ་སྦྱོར་བ་བྱ་བའི་ཕྱིར་བོས་པ་དང་ཞེས་བྱ་བ་ནས། དེས་སྨྲས་པ། ཆེན་མ་དང་ལྷན་ཅིག་མཛོད་ཅིག
71a5 ཅེས་སྨྲས་པའི་བར་དུའོ། ། བསླབ་པའི་གཞི་བླངས་སོ་ཞེས་བྱ་བ་ནས། ཉོན་མོངས་པ་ནི་ཤིན་ཏུ་སྟོབས་ཆེ་བ་ཉིད་ཀྱི་ཕྱིར་ཆུང་མའི་གན་དུ་སོང་སྟེ་འཁྱུད་པ་དང་། དེས་སྨྲས་པ། རྗེའི་སྲས་ཁྱོད་ཀྱིས་བདག་འདི་ལྟར་བསླབ་པའི་གཞི་ལེན་པར་གནང་བར་བགྱིས
71a6 པ་ཉིད་མ་ལགས་སམ། ད་ལྟར་གྱི་འདི་ལྟ་བུ་ནི་རུང་བ་མ་ལགས་སོ།། དེས་དེ་ལ་ནན་གྱིས་དགའ་མགུར་སྤྱད་དོ་ཞེས་བྱ་བའི་བར་དུའོ།། དེའི་ཚེ་ཆུན་མར་གྱུར་པ་གང་ཡིན་པ་དེ་ནི་སེར་སྐྱའི་བུ་མོ་བཟང་མོ་འདི་ཡིན་ཏེ། འདིས་དེའི་ཚེ་ཆེན་མའི་བརྟུལ་ཞུགས་གང་ཡིན་པ་ཉམས
71a7 པར་བྱས་པའི་ལས་དེའི་རྣམ་པར་སྨིན་པས་དགྲ་བཅོམ་པ་ཉིད་ཐོབ་ཀྱང་མ་སྐྱེས་དགྲས་ཞག་བདུན་དུ་སྤྱད་པར་གྱུར་ཏོ། ། བཅོམ་ལྡན་འདས་ལས་ཅི་ཞིག་བགྱིས་ན་གང་གི་སླད་དུ་འདིས་དགྲ་བཅོམ་པ་ཉིད་ཐོབ་ཅིང་མངོན་པར་ཤེས་པ་མྱུར་བ་རྣམས་ཀྱི་མཆོག་ཏུ་བསྟན་ཅེས
iiif viewer powered by OpenSeadragon
