| e-texts navigator |
| Wylie |
68b1 བུད་མེད་དེ་ཡང་ཁྱིམ་ཐབ་ཀྱིས་བཀྲོལ་བ་དང་། དེ་མི་མངོན་པར་ཤིང་དེ་ག་ན་བ་དེར་སོང་བ་དང་། དེ་དག་གིས་མཐོང་ནས་སྨྲས་པ། ཅིའི་ཕྱིར་ཁྱོད་ཀྱིས་ངེད་ཅག་བསླུས། དེས་ཇི་ལྟར་གྱུར་པའི་ལོ་རྒྱུས་རྣམས་དེ་དག་ལ་སྨྲས་སོ།། དེ་ནས་དེ་དག་གིས་སྨྲས་པ། ཁྱོད
68b2 མིག་སྔར་འོངས་སོ། ། དེས་འདི་སྙམ་དུ་བདག་སྐྱེས་པ་ལྔ་དང་འདི་ལྟར་ཁྱིའི་ཆོས་བྱ་བ་ག་ལ་ནུས་སྙམ་དུ་བསམས་ནས། དེས་དེ་དག་ལ་སྨྲས་པ། ཁྱེད་ཅག་ལས་གང་ཞིག་མེ་ཏོག་མཛེས་པ་ཐམས་ཅད་ཁྱེར་ཏེ་འོང་བ་དེ་དང་ལྷན་ཅིག་དགའ་བ་ཉམས་སུ་མྱང་བར་བྱའོ།། རྒྱལ
68b3 པོའི་ཕོ་བྲང་འཁོར་དེ་ན་ཡང་རྒྱལ་པོའི་པད་མ་རྣམས་སྲུང་ཞིང་ར་མ་བྱེད་པ། རྣ་བ་དང་། སྣ་བཅད་པ་ཞིག་ར་མ་བྱེད་དོ།། དེ་དག་དེར་སོང་ནས་འདི་སྙམ་དུ་ཟོང་དག་ཁྱེར་ཏེ་མ་འོངས་མོད་ཀྱི། འོན་ཀྱང་མི་དེའི་བསྔགས་པ་བརྗོད་པ་དང་། དགའ་བར་གྱུར་ནས་བདག་ཅག་ལ
68b4 མེ་ཏོག་དག་སྟེར་ཏོ་སྙམ་དུ་བསམས་སོ། ། དེ་ནས་དེ་དག་ལས་གཅིག་གིས་དེ་ལ་སྨྲས་པ། ཇི་ལྟར་སྨྱུག་མ་འདམ་བུ་དག། བཅད་ཅིང་གཏུབས་ཀྱང་སླར་སྐྱེ་བ།། དེ་ལྟར་ཁྱོད་ཀྱི་སྣ་སྐྱེ་ཤིག། མེ་ཏོག་སློང་གིས་སྩལ་བར་མཛོད།། གཉིས་པས་སྨྲས་པ། ཇི་ལྟར་ཀུ་ཤ་ཀ
68b5 ཤ་དག། བཅད་ཅིང་གཏུབས་ཀྱང་སླར་སྐྱེ་བ།། དེ་ལྟར་ཁྱོད་ཀྱི་སྣ་སྐྱེ་ཤིག། པད་མ་སློང་གིས་སྩལ་བར་མཛོད།། གསུམ་པས་སྨྲས་པ། ཇི་ལྟར་དཱུར་པ་འཇག་མ་དག། བཅད་ཅིང་གཏུབས་ཀྱང་སླར་སྐྱེ་བ།། དེ་ལྟར་ཁྱོད་ཀྱི་སྣ་སྐྱེ་ཤིག། མེ་ཏོག་སློང་གིས
68b6 སྩལ་བར་མཛོད། ། བཞི་པས་སྨྲས་པ། ཇི་ལྟར་སྐྲ་དང་ཨག་ཙོམ་དག། བྲེགས་ཤིང་ཕྱིར་ཡང་སླར་སྐྱེ་བ།། དེ་ལྟར་ཁྱོད་ཀྱི་སྣ་སྐྱེ་ཤིག། མེ་ཏོག་སློང་གིས་སྩལ་བར་མཛོད།། ལྔ་པས་སྨྲས་པ། མི་གང་པད་མ་སློང་བྱེད་པ།། དེ་ཀུན་ཁྱོད་ལ་ཀྱལ་པ
68b7 ཟེར། ། པད་མ་བྱིན་རུང་མ་བྱིན་རུང་།། ཁྱོད་ཀྱི་སྣ་ནི་སྐྱེ་མི་འགྱུར།། མི་དེས་འདི་སྙམ་དུ་མི་བཞི་པོས་ནི་བདག་ལ་གྱི་ན་ཞིག་སྨྲས་ཀྱི། མི་ལྔ་པས་ནི་ཇི་ལྟ་བ་བཞིན་དུ་སྙིང་ནས་སྨྲས་ཀྱི། བདག་གིས་དེ་ལ་པད་མ་སྦྱིན་པར་བྱའོ་སྙམ་དུ་བསམས་ནས། དེས་དེ་ལ
iiif viewer powered by OpenSeadragon
