| e-texts navigator |
| Wylie |
64b1 པའི་དགེ་བའི་རྩ་བ་འདིས་ནམ་དུ་ཡང་དབུལ་པོའི་ཁྱིམ་དུ་སྐྱེ་བར་མ་གྱུར་ཅིག། བདག་ཅག་ཀྱང་འདི་ལྟ་བུའི་ཆོས་དང་ལྡན་པའི་སྐལ་བ་ཅན་དུ་ཤོག་ཤིག། བདག་ཅག་གིས་སྟོན་པ་ཁྱད་པར་དུ་འཕགས་པ་འདི་ལྟ་བུ་མཉེས་པར་བགྱིད་ཅིང་། མི་མཉེས་པར་མི་བགྱིད་པར་གྱུར
64b2 ཅིག་ཅེས་བྱས་ནས། དེ་གཉིས་རབ་ཏུ་བྱུང་བ་ལ་མངོན་པར་དགའ་བར་གྱུར་ཏོ།། རེ་ཞིག་ན་རྫ་མཁན་བུམ་པ་ཐོགས་ནས་ཆུ་ཆུར་སོང་ངོ་ཞེས་བྱ་བའི་བར་དང་། ཆུང་མས་འཕྲིགས་ནས་སླར་བཟློག་སྟེ་ཞེས་བྱ་བའི་བར་ནས་ཆུང་མ་རབ་ཏུ་བྱུང་བ་དང་། དེས་བསམས་པ། བདག
64b3 ནི་བསླུས་ཀྱི་མེད་ན་ད་ཇི་ལྟར་བྱ། བྱིས་པ་ཁྱེའུ་འདི་གཉིས་བསྐྱེད་པར་བྱ་ཞིང་བསྲིང་བར་བྱའོ་སྙམ་ནས། དེས་དེ་གཉིས་བསྐྱེད་བསྲིངས་ཏེ་ཆེན་པོར་གྱུར་པ་དེའི་ཚེ་རྫ་མཁན་གྱིས་སྨིན་པ་དང་། མ་སྨིན་པ་དང་། ལན་ཚྭ་བྲོ་བ་དང་། ལན་ཚྭ་མི་བྲོ་བ་དག་གིས་བརྟག་པ
64b4 བྱས་ཏེ། འདི་སྐད་ཅེས་ཀྱང་སྨྲས་སོ།། སྨིན་དང་མ་སྨིན་དེ་བཞིན་དུ།། ལན་ཚྭ་བྲོ་དང་མི་བྲོ་བ།། ཤེས་པར་བྱིས་པ་གཉིས་སྐྱེས་ན།། བདག་ནི་རབ་ཏུ་འབྱུང་བའི་དུས།། དེས་བྱིས་པ་དེ་གཉིས་ལ་ས་ནི་འདི་ལྟར་བརྐོ་བར་བྱའོ།། སྣོད་སྤྱད་ནི་འདི་ལྟར་བཙོང་ངོ
64b5 ཞེས་བྱ་བའི་བར་དུ་བསླབས་ནས་རབ་ཏུ་བྱུང་ངོ་ཞེས་བྱ་བའི་བར་དུའོ། ། རྫ་མཁན་བསོད་སྙོམས་བྱེད་པ་མཐོང་སྟེ་ཞེས་བྱ་བའི་བར་ནས་ཚིགས་སུ་བཅད་པ་སྨྲས་པ། སྨིན་དང་མ་སྨིན་དེ་བཞིན་དུ།། ལན་ཚྭ་བྲོ་དང་མི་བྲོ་བ།། ཤེས་པར་བྱིས་པ་གཉིས་སྐྱེས་ཀྱིས།། བཟང
64b6 མོའང་སོང་ཞིང་བདག་ཀྱང་འགྲོ། ། ཞེས་བྱ་བའི་བར་དུའོ།། བཅོམ་ལྡན་འདས་ཀྱིས་བཀའ་སྩལ་པ། དེའི་ཚེ་དེའི་དུས་ན་རྫ་མཁན་གང་ཡིན་པ་དེ་ནི་འོད་སྲུང་ཆེན་པོ་འདི་ཡིན་ནོ།། རྫ་མཁན་གྱི་ཆུང་མ་གང་ཡིན་པ་དེ་ནི་སེར་སྐྱའི་བུ་མོ་བཟང་མོ་འདི་ཡིན་ནོ།། དེའི་ཚེ་ཡང་འདི
64b7 དག་ཡིད་བྱུང་བ་ཆུང་ངུས་རབ་ཏུ་བྱུང་ངོ་། ། ད་ལྟར་ཡང་ཆུང་ངུས་སོ།། དེ་ལྟ་བས་ན་ཅི་ཞིག་བྱ་ཞེ་ན། ངེས་པར་འབྱུང་བའི་རྒྱུ་བསྟན་པས་འདི་ལྟ་བུའི་ཡོན་ཏན་གྱི་ཚོགས་ཅན་དུ་འགྱུར་ཏེ། འོད་སྲུང་ཆེན་པོ་དང་སེར་སྐྱའི་བུ་མོ་བཟང་མོ་ཇི་ལྟ་བ་བཞིན་དུ་དགེ་སློང་རྣམས་ཀྱིས
iiif viewer powered by OpenSeadragon
